أنواع الزوجات للشويعر / يا دافع البلا !!!

خذوا الحكمة ..

حميدان الشويعر .. من شعراء نجد .. وهو من السيايره من بني خالد عاش في قرية القصب في نجد مابين 1100 هـ -1200هـ
_________________________

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يا صبيّ استمع من عويدٍ قضى = الدهر مدبّه لين ما قصّري
ما بقى منه غير العصب والعظام = مثل عود على الدرب ومقشّري
احترس من سهوم القدر بالحذر = وانت مالك عن اللي لك مقدّري
كل من كان قبلك بيوم وليل = شاوره .. والعلم عنك لا يقصري
حط بالك لما كان اوصيك به = فان هذي وصاة على خاطري
لاتضم التي ماتعرف السوا = تودع الزين شين ٍ ولا تستري
يذنّ العصر وغداك امس فوق الرحى = في القدور الوسخ واللبن مخوري
لاتضم التي تشترى باللغا = دايم هرجها بالكلام الزري
لانشدها بعلها بهرج لطيف = طوّحت صوتها : ماادري ..ماادري
لاتضم التي يطّوح طيّها = الضحى وانت في المقبره تقبري
لاتضم التي قد حكِّي بأمها = تحسب العيب باري وهو مابري
لاتضم التي ماتخلّي العباة = دايم كنها تلعب العيفري
من جهلها تخلي ولدها يصيح = ما تسنّع لها مورد ومصدري
يوم تظهر من البيت وش هي تبي = هل تبي عند غيرك طعام طري؟
خلّها يا الخبل يا نكيث الحبل = لا تجزّع إلا قيل يا المثفري
طلّق العاهر وخلّها تـــنطلق = من حبالك عسى بطنها للفري
لا تضم التي عينها واذنها = باالمزاغير والصاير المسفري
ودّها كل من مر مع سوقها = من شريف وطريفٍ يقول : اظهري
لا تضم التي ماتربي الحلال = أغبر ٍ طبعها والزمان اغبري
لاتضم التي ماتملّ الرديف = تسري الليل للّي لها يحتري
لاتضم التي ماتخلّي الرفيق = غايب ٍ رجلها أو بعد حاضري
الوعد مثل ماقال كحّي واكحّ = في قيام العشر وان ظهرت اظهري !!
واقعدي عندنا لين ما يوترون = واظهري والمطوّع بهم يوتري )
يا عسى جنسها دايم ٍ مايعيش = عند الاجواد وان عاش مايكثري
لاتضم التي ينخزن دونها = دوم نجّارها بامرها ينجري
لو تقول ارفقي يا مره بالحلال = دبّري مرزقك ذا السنه واصبري
بان منها من العيب ماتكرهه = باشرت من حلالك لها تبذري
لو يخطره ضيوفٍ فلا سرّها = ودّها انّه يخطَّر ولا يِخْطري
إن دخل باشرته بخبيث الكلام = وان ظهر واندبت له يقول :ابشري
سلط الله عليها قُبلها تزوم = والضعيّف بمرضاتها مصخري
من جهلها ومن سوّ تدبيرها = ماعليها من اللبس مايستري
لاتضم التي ماحجبها حجاب = دون حجّانها كنّها تنظري
هي على طبعها عاسي عودها = ما يعدَّل سوى انه يبي يِكسري
لاتضم التي طلّقت مرتين = يوم يطري لها طاري تنكري
كل يوم لها عند اهلها نسيب = واحدٍ داخلْ وآخر ٍ يظهري
شارب مخهّم .. آكل تخّهم = غادي عندهم كنّ‍ه العسكري
لا تضم التي مالها من تهاب = خبلةٍ هبلةٍ مالها ماكري
يوم تصبح تدوّج بوسط البلد = كل سوقٍ تبايع به وتشتري
كل من كان يرضى بدوج المره = ودّك انه على ساطره يٍسْطَري
المره كنّها الشاة بين البيوت = يطمع الكلب فيها ولو هو جري
لاتضم التي عمرها منتهي = كان ترجي عيال بهم تُذكري
لاتضم التي تلتفت في الطريق = حطّ بالك لها في قفا العايري
قل لها : وش مريبك على الإلتفات = يا ضراب الخنا بالثلاث اظهري
يوم قلّ الحيا عندها واتّسع = وجهها ..حلّ في عينها الأنكري
مادرت بالتلفّت سهوم تصيب = بالضماير بها الكسر مايجبري
وش تدوّر وراها وذا طبعها = كنّ ماغيرها في البلد يذكري !!
لو أبوها يهدّ الجموع بعصاه = أو بشلفا على الكبد تفري فري
أو اخوها يخلّي قرينه يخور = مثل ماخار عجل مع السامري
لاتضم التي بارد جمّها = كل شٍ يابس وسقفها يمطري
ماتذوق اللذاذه وعمرك يروح = في قصا لو حلالك من الأحمري[/POEM]

الله الله

عزالله انك ماتجيب الا المفيد يالسنافي

فالح الهاجري الله لايهينك

وقصيده مفيده وفيها من الحكمه مايروي

حطيئة الشعر الشعبي 000
ناقد شرس 00 لا ترضيه أنصاف الحلول 00 لكن قوالبه النقدية غاية في القسوة والإسفاف ، خصوصا ما يتعلق بابنه مانع وزوجته التي جعلتها الأقدار في مرمى مدافع هذا الشاعر الشرس0

تحياتي ومحبتي أبو محمد0

الغالي

فيصل سعد

________________

مرحبا بك وهلا وغلا

شكرا على ردّك ومتابعتك ، أسأل الله أن يجنبّك تلك ( الأفاعي ) المذكورة في القصيدة

____________ خالص التقدير

الغالي
ابا يزيد
______________

هلا وغلا ومرحبا بك ومسهلا

شكرا لإهتمامك رغم أنّك مررت بأعمال هذا الشاعر _ نسأل الله أن لا نصل كلانا إلى مرحلته
الشعريّة _______


_________ خالص الحب والتقدير

.

فالح الهاجري


لاهنت على النقل !!

الغالين

عبدالله الرقيب

مشعان البراق

_____________


صبحكم الله بالخير


لا هنتوا على التشجيع والدعم

_

تسلم يمينك على هالقصيده


والله يكافينا شرها


تحياتي لك يافالح

متالق في كل كتاباتك يالعبيدي

مرحبا يا مرضي

وشكرا لك على متابعتك واهتمامك

_______________ خالص الودّ والتقدير

_

لاهنت يافالح
اختيارك لهذة القصيدة واهتمامك بالموروث يدل على رقي ذائقتك وسمو شاعريتك
اشكرك على هذة الفائدة
وتقبل تحياتى

الغالي

محمّد بن صويّان

___________

شكرا لك على ردّك واهتمامك


وأتمنى لك التوفيق

________________________