أبيات خفيفة دم ...!

بسم الله الرحمن الرحيم
السلام عليكم ورحمة الله وبركاته

أحبابي ,,

كثيرة هي الابيات التي تتصف بخفة الدم والمرح ويغلب عليها طابع الفكاهه سواءًا من الشعراء
القدامى او من شعراء هذا الجيل ,,
وقد لايخلو شاعر من الابيات التي تتصف بهذا الطابع
ومنتدى المرقاب يزخر بالعديد من هؤلاء الشعراء

هنا نحاول ان ندوّن هذه الابيات لتكون مكتبه ومرجع للمهتمين بهذا الشعر من ناحية
ولإضفاء جو المرح على المنتدى من ناحية أخرى و ليكون هذا الموضوع متنفسًـا للاعضاء
والزوار الكرام
.
.

ارجو التفاعل من الجميع
" لبا خشوووومكم "

بما اني صاحب الموضوع
فلازم ابدأ انا


هاذي ابيات للشاعرة الراحلة
" عابرة سبيل "
رحمها الله

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لي صاحب منه تبي تطلع الـروح=خبل ومنهي مولعـه فيـه خبلـه

عامين المّح له من الجد ومـزوح=وأقـول ياعنتـر تناديـك عبلـه

طال المدى ثم قلت انا أغليك يالوح=مجروحة جرح مخاطـره عجلـه

دنق:وقال أنا من العـام مجـروح=واشر لجرح مبطي وسط رجلـه[/POEM]

وهذا سعيد الاكلبي
وش يقول


[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا يالله عفـوك لا معي بيـجــر ولا جــــوال=ولا عنـدي وضيـفه والتجـــاره فاشـلٍ فيـها


ولاعندي شهـاداتٍ ولاحــرفه تسـد الحــال=ولا حــظٍ كبير لا اخـطـت الجــــره يقديها


مخابي الثوب تومي مادخلها من زمان ريال=بها فاتورة الكهــرب ولا يمـديني اقضيـها


علىذيك العراوي تتعب الحادي مع الجمّال=ثلاث اشهـور فالورشـه وشهـرينٍ مغطيـها


ابيها لو تجـمّـل يـوم واجلـبـها على الدلاّل=يجيـها واحـدٍ حـظه مثل حـظي ويشــريها


نصيت العسـكـريّه يوم قالوا للنظـام رجــال=وقـدّمـت المـلـف وصـورةٍ متشــخـصٍ فيـها


خـذا الاوراق مني واحـدٍ مـا عند ابـوه دلال=سلوم الناس واهل المعرفه والطيب مخطيها


قراهـا في دقيـقه والتفـت عـجـلٍ علي وقـال=شهادتك العظيمه يا ولد وين انت مخفـيها


هزّيت الراس ماعندي تقول اني من البنقال=وقمـت احـب خشـمه واطلبـه بالله تمشّـيها


حـذفها من يده شين الطبيـعه والنبا والفـال=وقـال ازين تعـوّد صـوب نوقاتـك تعشّـيها


تناوشته من الكرسي وعفت الحل والترحال=وضربته بالبياله عقب ما بيّحت شـاهـيها


خذوني للسجـن لا نيب لا ظـالم ولا محـتال=مجـرّد واحـدٍ جـا يكـحل عيونه فيعمـيها


ويوم اني خرجت اقفيت لارض الله وسيع الجال=عـلى بـرٍ هـواه يـداوي العـلّـه ويـبـريـهـا


ادوّر قصعة الجـربوع والظـب الفتي يخـتال=والارنب يا شفاة الروح ما احلاها وطاريها


بـلا كهــرب ولا بيجــر ولا غـازٍ ولا نقّــال=قوانين الحضــاره لا تبي شـوفي ولا ابيـها[/POEM]

طيب طيب

خذ عندك



هذا واحد " طفران " من الاوليين
المهم ( الاخوان ) منول يدورون و كل ما مسكوا لهم واحد طقووووه وقالوا هات الزكاه
المهم لقوا خوينا هذا في سبيل الله
و هم يمسكونه قالوا طلللللع الزكاه .!
المهم قال هو :

قالوا تزك ّ و قلت و الله ما أزكّـي ..
ـــــــــــ من يوم ربي جابني ما تزكيـت .!
الفقر عانه وسط بيتي متكـّـــي ..
ـــــــــــ ما كنه الا واحد من هل البيـت .!

قالوا
مادام هذا حالك الله يرزقنا ويرزقك و تكول على الله

ناصر .. فكرة رائعة .. ورائدة ..

ابشر بالتفاعل ..
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلامك العـذب مـن قلّـه= ماعاد يآقف علـى طولـه
لك مفردات ٍ يـا مـاشالله= دايم تجـي منـك مقبولـه
الناشفـه معـك مبتـلّـه= والحنضله منـك معسولـه
يرسل لي الشوق وارسل لّه= وآخذ معه صوله وجولـه
قلتي وقولـك علـى حلّـه= عبـارة ٍ غيـر معقولـه !
(اشتقت لك جعلك العلّـه)= موزون هرجك يا مهبولـه[/POEM]

لـ ..(( سداح )) ..

المحبـه يـا حبيبـي (( سندوشـتـه ))
وأنت (( ببسيه )) وبعدي عنك (( شطه ))
يـوم كـلٍ لابــسٍ ثـوبـه وبشـتـه
في غيابك مـا بقـى الا الثـوب اقطـه



لـ ..(( شاعر مرقابي )) ..

الله لا يهينك يا ناصر على الموضوع الرايق


:
:

الشايب الله يطول عمره رجال مطوع و يقرى على البشر المرضان .. المهم جانا مرة عند واحد من الربع و كنا جالسي في المجلس أنا و واحد من خوالي
المهم قام الشيخ الله يطول بعمره و قرى على أهل البيت و جعلهم حب حلف و مشى

عاد أنا و خالي ملقّف و نحب القشر و كل منا دب بس ما هو بجدا و قلنا نرسل ثلاث بيوت في التلفون و كانت كالتالي :



[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا سلامي يا شيوخ الرقى سقم الجنون = يا رجال تنطح السكن و تسيّل دمه
ترقى من السحر و من الحسد و من العيون = كم و كم سحر تفكه و سكن تلطمه
يا الله يا المطلوب يا عون من يطلبك عون = تحمي شيوخ الرقى من صدوف مظلمه [/POEM]

عقبها جلسنا شوي إلا و الرساله جايه و كان محتواها :


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا يا ربعنا يا مزابير المتون= كل رجال تقحّم و جاب ملا فمه
ربعنا يا ربعنا يا مخانيز الزغون = كل واحد صايرٍ كنه عامل ملحمه
من تعرضني يبي يظهر براسه قرون = و إن تطاول ما له إلا نهل له بضمه [/POEM]

و عقبها خفنا من هلة البضم

و سلامتك و لي عوده إن شاء الله

[POEM="font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا بعد عيني وعين اللي يعاين=من بعيد ونظرته يا ويح حالي
كن في خده ورق منديل فاين=آه لو يقبل وأحطه معك غالي
نعنبوه السوق تال الوقت زاين=لو أخذ قلبي وأخذ عقلي ومالي[/POEM]




(( شاعر مغمور ))

الله يعطيك العافية يا أبو فهيد

يقول طال عمرك:

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خل عنك القبْيَلة واطلب ثلاثة موكا=والله إن قهوتك الصفراء ما تصمد راسي
ووالله إنّه ما يبرّد كبدي ألا الكوكا=كب در الضان والخلفات واملى كاسي[/POEM]

لـ(( شاعر مهوب مرقابي ))


.

ياعيني على الموضوع خفيف الدم
بس لو كان في المواهب ماهو احسن .. ونخصص موضوع للأبيات خفيفة الدم للجيل القديم هنا ..
مجرد إقتراح ..

وسجّل عندك

ابيات لوالدي تراحيب بن سويلم
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من بدة اللفات ما أقشرك لفه= لاعاد لفه والدركسون به بوش

خطٍ غزير ولفةٍ مع مطفه =والفرمله باكم تحجر على النوش

في رملةٍ لو ينبطح من يدفه=والله لو حيله مثل حيل علوش

انه ليطلب صاج والواح صفه=والا يجيب ارجال وحبال وونوش[/POEM]

الشاعر بصري الوضيحي هو أحد أشهر شعراء الغزل في الشعر النبطي .. وكان إذا سمع عن فتاةٍ جميلةٍ جاهد بكل الطرق حتى يراها .. وإن رآها جاهد بكل الطرق حتى يقترب منها .. ذكر له أحد ( الحكّايين ) إمرأةً جميلةً وأشار عليه أن يجاهد لرؤيتها فهي تستحقّ ذلك .. كانت تلك المرأة هي زوجة لرجلٍ يدعى ( ابن خلبوص ) وهو فارس شجاع لا يريح راحلته .. إذ كان ينطلق من غزوٍ إلى آخر وكان قلّما يعود دون أن يكسب شيئاً ، لذلك كان كثير من البدو يرافقه في غزواته تيمّناً به وطمعاً في الكسب .
ذهب الوضيحي إلى ابن خلبوص فأكرمه لثلاثة أيام ثم سأله عن حاجته فادّعى أنّه يريد مرافقته في غزوه .. وهو يضمر رؤية تلك الزوجة الرائعة الجمال التي ذُكرت له .. رحب به الرجل وطلب منه أن ( يمسي ) عنده وفي الصباح سيسيرون للغزو .
بعد ان سار الركب أياماً .. قام الوضيحي بوخز ذراع ناقته بإبرة معه .. وراحت الناقة تعرج .. وادعّى أن ناقته لا يمكن أن تكمل الرحلة فأشار عليه ابن خلبوص ( بطيب نيّة ) أن يعود إلى مجلسه ( أي مجلس ابن خلبوص ) وسوف يقاسمونه الغنائم عند عودتهم ..
كان هذا هو مايتمناه الوضيحي وقد جاءه على طبقٍ من ذهب .. فعاد إلى المجلس وهو يمنّي النفس بأن يرى تلك الحسناء ويقترب منها .
كانت المرأة تمدّ له الزاد من وراء ( الرواق ) .. وكان هو يجاهد كي يراها أو يرى منها مايشبع فضوله .. ولكن دون جدوى .. فحوّل الوضيحي غايته من السرّ إلى العلن حين احتضن الربابة ثم راح ينشد بصوتٍ عال :

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ماتنشدن وش عوّقن عن طريقي = اللي منعني عن مرافق هل العوص
عنق الغزيّل عند هاك الفريقي = كامل وصوف الزين والوسط ممهوص
طرفه علّي مع النضايد يويقي = لونه يشادي بيضةٍ فيه برخوص [/POEM]

أيضاً فشلت محاولات الوضيحي .. فلم تكن تلك المرأة إلاّ زوجةً عفيفةً طاهرة .. لم تزدها محاولات الوضيحي إلاّ إصراراً على التمسّك بالشرف وحفظ أمانة الزوج الغائب التي يراودها هذا المتطفّل على خيانته .
بعد فترة عاد الزوج من الغزو .. هو ومن معه من مرافقين .. وما أن جلس الجميع لتناول القهوة حتى تعمدت الزوجة إحراج الوضيحي أمام زوجها وكشف ألاعبيه .. وربما كانت ترمي إلى قتله .. فقد طلبت من زوجها أن يطالب الوضيحي بإعادة إنشاد أبياته التي غنّاها على الربابة .. بهت الوضيحي واستدرك بسرعة وقد كان كما ذكرنا شاعراً فحلاً .. فأخذ الربابة ثم راح ينشد نفس الأبيات .. والمرأة تقف خلف الرواق تنتظر أن يحرّف في الأبيات علّها تكذّبه وتفضحه .. ولكنّه استمر حتى أنهى الثلاثة أبيات الأولى ثم لم يقف بل أتبعها بثلاثةٍ أخرى كانت هي النجاة لرقبته والخيـبة للمرأة العفيفة التي لم تتوقع أن يحمل هذا الشاعر من الخبث كلّ هذا ..!!
ماأن انتهى الوضيحي من انشاد الثلاثة أبيات الأولى حتى أتبعها بهذه البيات :

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]حليلة اللي حاجبه مايضيقي = ريف الضيوف وزبن من جاه منقوص
خيّالهن لا حرّفن مع مضيقي = لا هجّت القطعان والزمل مرصوص
حليلته ما تلتفت للعشيقي =ماله بغيرك رادةٍ يا ابن خلبوص[/POEM]

بهذه الأبيات التي ابتدعها الوضيحي من فوره .. استحسن ابن خلبوص انشاده .. ولم تستطع المرأة أن توقع به في ( شرّ أعماله ) .. لا بل إن زوجها شكر الوضيحي على قصيدته ومنحه حقّه من الغنائم كما وعده .. بمثل هذه البديهة أفلت كثير من الشعراء من العقاب وُمنحوا الجوائز والمكافآت ..بدلاً من ملاقاة الموت!!!! .

هذا شاعر دابلتن تسبده وحدة

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مسكين ياعقٍد على عنـق شينـه=وجهٍ غبر ,, دمّر وهج عقد الألماس

وين الهبيل اللـي تبـي تفتنينـه==والله لولا العقد .. لااقول عبـاس[/POEM]

يقول مقطّع الاشارات قبل يصدر أمر السجن لقاطع الاشاره :



حنا الرجال مقطعيّن الاشارات

ــــــــــــ رجالنا ما يعترف بالاشاره

السلام عليكم ورحمة الله وبركاته


امس العصر في تالي الليل ونيت
_____________ ونة مريض ٍ ما به الا العوافي



وبس

ابيات تذكرتها كتبتها من سنة وانا على شاطيء النيل ..
جالس على الشاطي والجو تمام وكان فيه ناس ٍ تلعب كورة و عكرت مزاجي ..
وقلت هالأبيات



في شاطي النيل شاهدت لي بنيّه
......... ما عاد باقي شـوّي الا توطاني !
مصرية ٍ مالها بالزين ماريّه
........ الظاهر ان النسب والأصل سوداني!
تلعب لها بكورة ٍ حمراء وملويّه
....... وتلاعب الله يكف الشر غلماني !
الجوّ طيّب وتوّ النيل عصريّه
....... لكن مزاجي تعكر والفضاء شاني!
هي ما تقدر ظروف السايح شويّه
...... وتبعد عن النيل .. لو لحظة على شاني
ان شاء الله اعجبتكم


ابو نايف

حنّا بني هنّاد لا صار جنجال * نارد حياض الموت مافيه مُـشـكل


للشاعر ( كومار بن بابو )

يامرحبا عدّت اضروس النعامه ** واعداد مافوق الحبيني من الريش



لـ ابو مرحبا

لا صار جدك ما ذخر لك ملايين == ما هو بلازم تشتريله ضحيه
هههههههههه

لقيته بقوقل ومدري من له
الله يكفينا شره

اصبحت انا من عقب فرقاك مجنون ** ماغير احذف بالحصى من نطحني

أحزن على فرقاك مثل الوراعين*** لامروا الدكان وأسرع أبوهم
ياحرام

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ودي أطيح ويلقفوني ثلاثه= حظ السعد والعافيه وألف مليون

دام التمني ما حسب للوراثه=بطلب ولو جدي قضى العمر مديون[/POEM]

الضماد

[POEM="font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا حمد ودي على المليون ودي=رغم إني بالشعر توي بديت
بس تكفى لا بدا لا تصير ضدي=فالك المليون أبي عن كل بيت[/POEM]

(( قديمة أيام شاعر المليون ))