تواقيع الأعضاء الجزء 12

الســلام, عليكم ..

بسم الله وعلى بركة الله ..



نعلن افتتاح القسم ( الثاني عشر ) لتواقيع الاعضاء

ونحن هنا نشيد بصاحب الفكره الأخ والشاعر المبدع / كلاش
والأخت العزيزه وصاحبة تنفيذ الفكره / سـراب


ونؤكد على عدم تكرار التواقيع !!







توكلنا على الله


..

والبدايه مع التوقيع الأنيق هذاه للأنيق : بــدر العجمي
اللي يعتبر قصيده مكتمله !

اي قول :


برج المشاعر وسط قلبـي تهـاوى
وراسي سكن وسطه من الجن مارد
حتى كأن الكذب عندي تسـاوى
معا كلام الصدق والفكر شـارد
أمراض منها الصدر عجز يتداوى
والجمـر بكفوفـي أقلبـه بـارد
وجدي على قلبٍ أشوفـه تخـاوا
مع الشقاء ولجمـة الضيـق وارد
أوحي على صدري ذيابـه تعـاوا
وأنا وسطهم جابني حـظ قـارد
قلبي كمـا حـرٍ وفعلـه تثـاوا
من عقب ما هو فبرق الريش جارد
يعني بعد ما كن قلبـي تشـاوى
عادت عليه خيول همـه تطـارد

ثم هالدعوه الخيّره من غالـب الشريف ،

عسى الله أن يجزيه خيراً

حيث يقول :-
< قد يعتقك الله من النار بسبب مساهمتك في اعتاق رقبة أخوك المسلم فلا تبخل على نفسك >


ويدعم الصوت بالصوره :

من يزرع من التين يحصد من التين
ومن يزرع الصبّار / شوكه هبابه
ومن لا ظهر قلبه وهـو فالثلاثيـن
يا خيبته / ثم خيبة اللّي هقـا بـه

لـ فالح الهاجري

فيني بقى غدرك .. وفيك أنكسر قدري
الله حسيبك .. ! حفرت بداخلي قبـرك
لا .. تستبيح المشاعر وأنت لو تـدري
وشكبرها طعنة الفرقا .. ووشـ/ كبرك



طلال عطاالله العتيبي

ياوجودي!! والا تدرون مال الوجد لون
اتركوني واحـلالاه يالوقـت القديـم
يوم تسبدي منعمه تحت همال المزون
ارضها ممطورها وجوها مافيه غيـم


عبدالله بن قنيص

اخووكم عبدربه يقول :

ياهل الجبل بالله وش يقول سداح // ليا فهمـتـوا مقصـده علموني
مما سمعت اليوم مانيب مرتـاح // متعكـّرٍ بالي وتبتسـي عيوني
اشبح بهـن تقول في داخل اشباح // يارب هونها عسـاها تهـوني
ماني مصدّق كل من جاء ومن راح //مار اعذروني يارجال اعذروني
تسيف المـداوي صار للناس جراح // كلش على وجه البصيطه يكوني
لمحـت علمه لـو مانيب لمـّـاح // لي وقت وأنا أوحيه والله ينوني
يخفي وعنوانه على الضلـع فضاح // كلٍ قراه وقال : ( ألا واغبوني )!
وأظن بأن مهندس الضلـع مزاح // يالله طلبتك لا تخيّـب ظنونـي

الهاجري بندر ، راجح ، ابو ثوبٍ أسود !


صايلٍ له على واحدٍ ماربح ، آيه يقول :

ماغرني .. بعض الدعاوي يابو زيد
انصّبك لو كـان منـت بسلامـه
مانيب صوبك وابتعـد منـي بعيـد
ارجع محلك في فـراش الكرامـه
حنا رجـال... ونحتفـظ بالتقاليـد
والمحترم نعطيـه مثـل احترامـه
ولجل المراجل نفعل ونقطـع البيـد
نقـدّر الطيّـب ونحشـم مقامـه
وان سخّن الميقاف ناقف صناديـد
والكل منا فزعتـه مـن حزامـه
ولا تزعزعنـا هـروج وهرابيـد
غير اهجد وفارق يامال السلامـه
مامنك زود ومستحيل انـك تزيـد
هذا انت منا ليـن يـوم القيامـه
اهرج على قدك من بعيـد لبعيـد
واجلس محلك في فراش الكرامـه

اي والله اني ما ابي من وقتك الا اليسير
سولف .. والاسرار خل قطوفها دانيه
خمسة دقايق تكفيني .. وخيرك كثير
ابستلّذ الدقايق .. ثانيه / ثانيه

مشعان الله يحفظه

يالغالي اللي كل ماجاه مـا أكفـاه
ماتلاحظ اني معك راعي طويلـه
طيّب سبب غيبتك ظرف وعرفناه
تكشيرة حجاجك كذا ويش هي له

محمد بن حميد..
( لله درك ) فقد تكلمت عني

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله ياللي يسالـك عبـدك الحاجـه=لي حاجة ٍ دونها الابـواب منصكـه
حاجه / ومن دونها النيران وهاجـه=حيث انها بين اهل جده واهـل مكـه
وانا الخطاء قافـل ٍ بابـه بمزلاجـه=طبعي عن اهل الكـلام ادوّر الفكـه
الا ليا جات دحـم جنـوب ومواجـه=ضعيّف الراي بيـن عيونـه اصكـه
كم من عدو اردعه واعقّـد حجاجـه=وكم من رفيق احتميه ان غاب وافتكه
لكن .. ( يامل قلب ٍ فيـه دولاجـه )=من تكة العشره .. ومن حلة الاكـه
تقلّد اهانته .. مـن دوّر احراجـه !=وانا ادري انه غشيم مضيّع السكّـه
ودروا به اللي قروا حديث ابن ماجـه=اللي على السطح والا اللي على الدكه
بيت المشاريه باني ٍ حولـه سياجـه=حتى جـداره رفعـه بلكّـه .. بلكّـه
من زلة الهافي اعصابي فـ( ثلاجه )=اللي يعلج العلوم .. وياكل بـ( فكه )
الطيّب / يعرف مدخالـه ومخراجـه=والا الردي / تلحقه في نفسه الشكـه [/POEM]

لــ مشعان البراق

الي وقت وأنا ياعرب خاطري منضام./. أبا أمتص منه الضيم وأزريت لا أمتصّه
اسيّر مع الأقسام .. والقلب راح أقسام ./. كلامٍ صحيح وقصتي ياعرب قصـه !
بعد غاب أبو نجد الحصيّن وأبو دحـّـام ./. تجي عاد ياسداح وتكمّل الرصـه!


ل عبـــدربه

مع السلامه واسعد اللحظات يـوم انـك تـروح
والله يسمح طرقتك مع كـل صبـح وكـل ليـل
كم مرة سقت البشاير وارجـي البـارق يلـوح
لو الحصيل امشاهدك ما ينحسب عندي حصيـل
مدري سمحت من الصبر والاسمحت من الجروح
لكن صدري لامتـلا يفيـض يالطـرف الكحيـل




لـ عبدالعزيز هليل

ألا يا الهمـوم اللـي لفيتـي علـي وفـود
علـى الهـون قلبـي لا تزيديـن بأوجاعـه
وجودي وجود اللي صويـب مـن البـارود
ينادي بعالـي الصـوت مـا جـاه فزاعـه
على اللي عبر الأجواء نصوا ديرة ابن سعود
بعدهـم فـوادي لايـع فراقـهـم لاعــه



اخوي التسبير / محمد ال عبدان

*(اللهم احرسني بعينك التي لاتنام، واكفني بكنفك الذي لايرام، وارحمني بقدرتك علي فلا أهلك وأنت رجائي، فكم من نعمة أنعمت بها علي قل لك بها شكري، وكم من بلية ابتليت بها قل بها صبري، فيا من قل عند نعمته شكري فلم يحرمني، ويامن قل عند بليته صبري فلم يخذلني، ويامن رآني على الخطايا فلم يفضحني، ياذا المعروف الذي لاينقضي أبدا، وياذا النعمة التي لاتحصى عددا، أسألك أن تصلي على محمد وعلى آل محمد، وبك أدرأ في نحور الأعداء والجبارين، اللهم أعني على ديني بالدنيا، وعلى آخرتي بالتقوى، واحفظني فيما غبت عنه ولاتكلني الى نفسي فيما حظرته علي، يامن لاتضره الذنوب ولاينقصه العفو، هب لي مالا ينقصك واغفر لي مالايضرك انك أنت الوهاب، أسألك فرجا قريبا، وصبرا جميلا ورزقا واسعا، والعافية من البلايا وشكر العافية


توقيع : مرزوق الروقي

من وسط شرياني وصدري ومخي
إرسال حصري لش من الروح بثه
وأنا على طاريش قلبي يضخـي
أحلا مشاعر صادقه غيـر رثـه
أشد لش حبل المـوده وأرخـي
على وصالش دايم القلب أحثـه
طاروق شعري من عرفتش ينخي
وأحس قيفانـي وبدعـي مغثـه


بدر ناصر العجمي

أسأل الله ..العالي في سماه ..
أنْ يُباركَ لنا في هذا الشهر (شعـبان) ..
وَ يُبلغـّـنا وَ إيّاكم أعظم الشُهور قدراً ( شهر رمضان المُبارك) .


اللَّهُمَّ أَنْتَ رَبِي لا إِلهَ إِلَّا أَنْتَ ، خَلَقْتَنِي وَأَنَا عَبْدُكَ ، وَأَنَا عَلى عَهْدِكَ وَوَعْدِكَ مَا اسْتَطَعْتُ ،
أَعُوذُ بِكَ مِنْ شَرِ مَا صَنَعْتُ ، أَبْوءُ لَكَ بِنِعْمَتِكَ عَلَيَّ ، وَأَبُوءُ بَذَنْبِي ،
فَاغْفِرْ لِي ، فَإِنَّهُ لا يَغْفِرُ الذُّنُوبَ إِلَّا أَنْتَ

توقيع الشاعر سعد غازي الله يجزاه خير

:
:

وهذا (( محمد السواط )) يعاتب (( همه )) ..
بعد توظيب (( السنون )) وحكها :


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياهمّي استح على وجهك وخلّك خجـول = ماتكفي طعونـك اللـي قبـل سمّيتهـا
كم ليلة ٍ صرت في صدري تجول وتصول = ونيـران كـل المواجـع فيـه لمّيتهـا
ماكنّك ألا ماتعرف غير بـاب الدخـول = وليـا لقيـت الوناسـه فـيّ ذمّيتـهـا
ربّعت في قلبي المسكين عرض ٍ وطول = ولا تركـت المصايـب ليـن ضمّيتهـا
تاهت جميع المساعي بيننـا والحلـول = من بعـد زهّبـت ضيقاتـي وحمّيتهـا
والله ماعـاد الـك ياهـم ذرّة قـبـول = ألاّ مشاعـر مـن الأحقـاد نمّيتـهـا [/POEM]

جعل من لامني ف.. (ابها) .. و(سودة عسير)
وفي (تنومه) وفي (الباحه) .. وفـي جوّهـا
يلفحه مـن سمـوم القيـض نـار وهجيـر
ليـن يلتـف وجهـه لـف .. مـن قوّهـا!


فتى الجنوب في الصيفيّه :- خالد الحصيّن

^
^

يالحبيب بالنيابة عن المرقابيين ..
وبالأصاله عن نصري .. أقول :

مشتااااااااااااااااقين .. للجديد منك في صندوق (( توقيعك )) .. !!

لايجبرك الوسط الـ (( - )) .. على ان لاتكون (( + )) .. !!
وأجعل (( ÷ )) الجبان معك ..
محاولة الـ (( × )) من تحت الملام فقط ..
وحذاري من الأهتمام به ..
لأن اهتمامك به يجعله (( = )) راسه براسك .. !!


فلسفه ابداعيه !
للمبدع / عبدالرحمن حمد

كلبوي : طعـون واحـزان وكلافـه
لا انتهاني جرح الاخـر يبتدينـي !
ليت حظي ما رمى ( عمري ) خلافه
ولا ترك لي تمتمة : وينه و ويني ؟
وليت مابينـي وبينـه مـن مسافـه
مثل مابين : السهر وجفون عينـي !



المبدع / محمد جارالله