(( علي بن بلال)) شاعر يام العريضه يرثي ((نواف العازمي )) نيابه عن يام كافه

[align=center]

هنا .. حضور الشعر يختلف عن أي حضور .. هنا .. بحر تلاطمت امواجه .. هنا للشعر أعتبارات ومقومات .. هنا .. شاعر المواقف في موقف لا يملأ فراغه الا حضوره .. هنا .. الشعر من منبع الشعر .. هنا .. حضر الشعر لأهمية الحضور ... هنا... مدرسه شعريه مستقله بذاتها ...

هو الشاعر الكبير (( علي بن بلال )) شاعر يام العريضه , يرثي شاعر الكويت الأول بموجب بطاقة عضويته الرسمية من ديوانية شعراء النبط في دولة الكويت , وشاعر قبيلة العوازم من خلال ميادين النظم والمحاورة , الذي توفى يوم الاربعاء الموافق 19 / 9/ 2007م أثر حادث مروري .

هنا اندفاع الشعر من هول المصاب كيف لا وهو الزميل النديم والصديق الصادق الذي كان لموته وقع شديد على (( شاعر يام )) الذي زعزع أركان القصيد بمرثيه تختلف عن غيرها , يقصف بها الحزن بأسلوب المبدع الذي فتح للرثاء أبواب أخرى ..

يكلفني ويشرفني بنقل مرثيته في فقيد الشعر ,من منبر عمالقة الشعر المدركين من هو الشاعر ..وماهو الشعر ... ولكل منبر عمالقته .. ولكل جيل وقته .. اتمنى أن أكون وفقت في تقديم وتمثيل من خصني في ذلك ...عبر منتدى المرقاب .
******

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
من المصايب ماتضيق به الصدور= تحرك أصدق مايفيض به الشعور
وفاة نواف العديم أغلى نديم = هزت كيان اللي على الشده صبور
نواف .. راعي كل ميقافٍ يشاف = شاعر وحتى في غيابه له حضور
حقُه علٌي مدح ورثا .. مادمت حي= مبدا وفا ..مانيب مداح القبور
أمدح كبيرٍ... مايزعزعه النذير = شجاع ومجٌرب ... وبالطيب مخبور
حلحيل .. ياما حل شبه المستحيل= إللي على القالات ..والهيبه غيور
تحٌسب له الأجناب ..وصحابه حساب= ومن خيرة الأصحاب.. وافين الشبور
أكبر من التميز ... أبو عبدالعزيز = لو غاب عن دنيا.. دوايرها تدور
ياحي ياقيوم .. ماغيرك يدوم= أغفر لنواف أبن منور .. ياغفور
واجبر عزا .. من بستحقون العزا = شمل العوازم 00 وأنت جبار الكسور
في من تفاجيت ابوفاته ..واعتزيت = من واقعٍ مافيه شرك ... ولا غرور
صدمة نبا .. فيها من الفيصل شبا = إللي تمر بكل دار ... وكل دور
نواف .. مات اوجات من كل الجهات = روابعٍ أغزر من أمواج البحور
وأنا المحيط ليا ألتطمت بما يحيط += مهما طميت ... أو أضمحليت امعذور
وأنا الصديق .. ولا صديق إلا صديق = عن الصديق ..إيبيع روحه مايبور
كان أحتفل شاعر(معاصير الدول) = لمواجهة ... سوق الفدايا والنذور
قلت أبن منور مات ؟لا ..لو قلت مات = دام العرب ...فالمقبلات من العصور
خلُد علوم من بيان .. لسان قوم = وبعده رجالٍ مايجي ... فيهم قصور
وخلف من الأشبال من عمٍ وخال= فيهم يجود الضن .... والجود معمور
إن قلت .. مايجبر عزاي ! أمطر سماي = يبيٌن العرفان ... عن وجه النكور
فكرت حتى فالربوع ...من السبوع = وتبادل أيام المصايب .... والسرور
ومن كل ناس الموت .. ياخذ كل راس = عجلٍ لقصف الراس ... ويعاف معثور
كنٌه يقول الموت ...لاداعي يموت = لين الفنا يقضي ...على وجه الدبور
والهزل مايبغيه جزل ... لد فيه = الموت والناس ...آل أبو تسعة شهور
الكوم واجب روس قوم .. ومن يقوم= بالكايده ...لو دونها ... دق النحور
أهل الكفاح ... مرٌوية علٌط الرماح = لكن على وضح النقا ...صوله وشور
من النفوس ... تسوق مهٌر العيطموس = تزاودت بالروس في ...دفُع المهور
أهل العطا ... و متوبة راع الخطا = عن الوطا ... يشٌفع لهم حظٍ بشور
لحفادهم في الأرض ..زولٍ لو يزول = تحقق لجوج وماجوج ... الظهور
هذا وآعيد القول في ... نعٌم الفقيد = نواف ... والفقدان بركانٍ يثور
قالوا .. كفا ! وأقول لو ... ربُع الوفا = ماوفيت ثلث الربع ..حيث الصدق نور
نواف ...ماينسا ولعل او عسا = اوفيه بمر النور .... من خير الأمور[/poem]شاعر يام العريضه [/align]