الاسباب التي تخلي النت بطي عندك حتى بأسرع الاجهزة

الاسباب التي تخلي النت بطي عندك حتى بأسرع الاجهزة


ابدا بذكر الاسباب والتعليق على كل سبب


- سلك التلفون
تتاكد من سلامه سلك التلفون من الخدوش او اي قطع مهما كان صغير
ويمكن لو تلاخظون بعض الاحيان وقت تتكلم بالتلفون الثابت يكون فيه
اصوات وشوشه او ضجيج
هذي الحاجه دليل على سلك التلفون يكون غير سليم بالاضافه الى توصيلات
سلك التلفون يكون موصل باكثر من جزء والافضل يكون السلك جاي من
كبينه البيت على المودم على طول وراح يكون الوضع هيك


2-التلفون
برضه شباب ممكن يكون في البيت اكثر من تلفون لنفس الخط بحيث
انه ينفتحون على بعض المودم والخط الثاني ويمكن لو تلاحظون
وقت شابك النت وتفتح الخط الثاني اللي متصل راح تسمع اصوات
وقتها على طول النت راح يوقف استقبال البكسلات ..ولو كنت تحادث احد
او تحمل ملف داونلود معناته راح ينفصل لو طول الوضع
فالحل تكون قبل تدخل النت تفصل
الخط الثاني عشان مااحد يتلقف ويرفع الخط الثاني


3-فايروسات وباتشات ..اكثر المسببات لمشاكل الجهاز والانترنت والاخطاء ..واكثر شي ..
توثر على ملفات الـ system 32 .. وبعض الفايروسات تقوم بحذف
ملفات النظام وتدمرها تلقائي .. وتأثر على الجهاز والانترنت ..
وهي السبب الريئسي في ظهور رسائل العمليات الغير شرعيه
نقص ملفات النظام dll ....
الحل ماتستقبل اي ملف من الانترنت او من الايميل الا من شخص واثق فيه
ثقه كبيره .. لانه مو كل فايروس او باتش يكون exe ياحلو ..
مليان النت فايروسات swf و jpg و gif ...وايضا html
وايضا من الحلول تركب مضاد فايروسات مثل الانتي فايروس ..2003 بشرط
يكون كامل .وليس ديمو ..


4- الرام (( الذاكره العشوايه ))اكثر المواقع وقت ماتفتح تحتاج ذاكره عشوائه (( RAM )) .. كبيره عشان
سرعه نشر وانزال ملفات الموقع بسرعه وبحريه ..عشان يفتح الموقع بسرعه
فالاحسن يكون لديك رام كبيره ..وذات سرعه كبيره بالبوست
يعني الجهاز اللي يكون شبه Top يكون على الاقل الرام 512 ميقا بايت
واحد صاحبي حاط رام 1024 ميقا ولايدخل نت الا بالاسبوع مرة <--
فاااا مهمه موضوع الرام كثير .. بعض الاجهزة تكون الرام 60 ميقا


5- اشتراك الانترنت ..لابد يكون اشتراك الانترنت لديك يكون نشيط وسريع ..وهذا راجع للشركه
اللي تختارها ..مايكون عليها ضغط .. بقولكم قصه حلوة
مرة اخذت اشتراك . اوكي الحمد لله 20 ساعه بس ..ماكثرت ماراح اقولكم
وش الشركه لايزنطوني ... المهم فكيت الاشتراك ..انواع الكلمات السريه ومدري
تعقيد قلت حلو اكيد شركه سريعه .. شبكت الخط بعدين طوط طوط طوط
مشغول .. مرة ثانيه .... نفس الشي .. 3 و 4 و5 و6 والمره السابعه شبك الخط
ايوة وادخل انترنت .. كانه انترنت زمان ابيض واسود ..
مرة مرة ... ويعلق كثير .. بعدين انا صرت هيك ..
دقيت على الـ support ... اسالهم عن المشكله يرد على الموضف وكاني ماخذها
مجاني .. يقول وباعلى صوت ..ياخي علينا ضغط استحمل
<<---
ههههههه ضحكت في وجهه .. يعني وش يبغاني اقوله صدمني صراحه
عموما قلت له الكلام معك ميؤوس منه .. وقفلت الخط ... يعني الشركه ممكن
زي مايقول زحمه ..بس هم المسوولين .. مو انا .. عشان كذا انا اشترك اشتراك
ماغيرته من 6 شهور ماشاء الله كذا
ماني قايل لكم ايش الاشتراك عشان مايصير دعايه ..


عموما شباب للتأكد من الاشتراك مو معلق من الصورة هذي ..


وتتأكد ان البكسلات المستقبله والمرسله .. تتحرك ولو وقفت معانته ..
معلق ..
6- برامج الكمبيوتر .الحقيقه تمر على اجهزة كانها موسوعه برامج .. الشخص حاط الف برنامج
ولايستخدم الا واحد وياليتها اي برامج ثري دي ماكس فوتوشوب
دريم ويفر مايا كلهم احجامها كبيره تاخذ حيز من الذكراه
والهاردسك وهذي مشكله كبيره صراحه ..
فلتحذف اي برنامج منت في حاجته
عشان يتغير الوضع
7- المروحه ..ممكن تكون احد مراوح الجهاز معطله وهذي مشكله كبيرة
تسبب ارتفاع حراره المعالج وتهنيق الجهاز والنت وممكن ينقص
عمر المعالج لو تشتغل عليه لساعات طويله ..
الحل تتأكد كل فتره من المراوح للجهاز تكون شغاله



في النهاية


ارجوا ان يكون كل شي تمام 100%
بالنسبة للجميع

انا جهازي توه جديد وواير التليفون جديد والراوتر جديد وكل شي جديد في جديد وسرعة الاشتراك ممتازه

واذا دششيت المرقاب بالذات يصير المتصفح بطيء

اموت واعرف شالسبب ؟



لاهنت اخوي عبدالله

عبدالله فرج


لاهنت على الافادة

دمت بخير

معلومات قيّمه

لا هنت ياعبدالله

اذا كان المشكله عند دخولك المرقاب ممكن
يكون الظئ السيفر حق المنتدى
بس ماهو على بطي
الف شكر على مرورك

تسلم اخوي المسري على مر ورك ومصافحة الموضوع
ودمت لنا بود

الف شكر اخوي عدنان مرضي على مصافحة الموضوع
والرد عليه ودمت لنا بود

لاهنت ياعبد الله على هالتفرد بهالطرق الجميلة

يعطيك العافيه

هلا اخوي عبدالله
الف شكر على هالموضوع المفيد ولاهنت

الفجر البعيد اسعدني مرورك
ودمت لنا بود

الف شكر يا أبو فرج

مع أجمل تحية

أخوك

الف شكر اخوي نواف على مصافحة الموضوع
والتعليق عليه
ودمت لنا بود