( أخصامك اللي ماتعرف المعاذير......؟؟؟ )

[frame="9 80"][align=center][poem=font="Simplified Arabic,6,darkblue,normal,italic" bkcolor="transparent" bkimage="" border="double,5,royalblue" type=2 line=0 align=center use=ex num="0,black"]
أخصامك اللي ماتعرف المعاذير = أطحن لها سم البلا في دواها.[/poem]

[size=6]قصيده بعنوان ( بعد المدى) لوالدي الشيخ \ زيد بن نجا الحارثي.........يسعدني اهداءها لكم اخوتي القراء..........[/size].[/[/align]frame]


[align=center]
[frame="7 80"][poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله يجزى بعض الايام بالخير = تكشف لي اسرارن بعيدن مداها.

تكشف لي اصحاب الرخا والمخاضير= اللي تغرك بالمجالس حكاها.

اصحاب بالحيلات والمكر لا غير= والا المنافع ماتحصل وراها.

غروني اللي بالسوالف بياطير = حتى انكشف لي طيبها من رداها.

عيال الرخوم اعن المراجل مقاصير = تبا تكمل بالسوالف هواها.

الألسنه تشذب سوات المناشير = ولا الايادي بندقن في خباها.

حلوقهم للحكي مثل المواصير = هرجه...تولفها....والاخرى وراها.

كلامهم لبزورهم والغنادير = قومن سوالفها سوالف نساها.

وان بانو العدوان راحو عصافير = فرسان فالحاره تهوش اقصراها.

تلقا لهم هدات وسط الدواوير = وبزر الرفاقه يشتكي من غثاها.

هاذي وظايف قاصرين الاشابير = مثل التيوس اللي توصخ لحاها.

وحذرك عن رفق الانذال تحذير = بضاعتن ماربحت من شراها.

عليك بالاشراف خل المثابير = شخوص الرجال اتزبن اللي نصاها.

كلامهم للرجل حشمه وتوقير = يرتاح بالك يوم تسمع نباها.

كلامهم كنه حليب الاباكير = يجلي عن الكبد العليله صداها.

كبار البخوت اللي تقد المظاهير = اجواد يندا فالشدايد نداها.

وياجاهل الدنيا تبصر تباصير = ارفق بروحك واعطها مستواها.

اضرب طريقك واطلب الله تياسير = مالك ومال الناس تبحث خفاها.

والناس ياجياش مطلوبها غير = ان جيت ترضيها صعيبن رضاها.

لوكان تعطيها الذهب والدنانير = يلحقك في بعض الليالي وذاها.

واخصامك اللي ماتعرف المعاذير = اطحن لها سم البلا في دواها.

محدن يلومك عقب كل التدابير = في ساحة الميدان عطها جزاها.

وصلاة ربي عد نبت النواوير = وعداد ماهل المطر من سماها.[/poem]

------------- -----------------------

[align=center] شعر الشيخ\ زيد بن نجا الحارثي ...رحمه الله واسكنه فسيح جناته[/align]

وللجميع تحياتي,,,,,,,,[/frame],,[/align]

11111111111111111111111

الله يرحمه ويسكنه الجنه


عز الله قصيد عليه العلم !!

رحمه الله واسكنه فسيح جناته

ولاهنت ياثواب على النقل المميز

تقبل ودي وتقديري

الله يرحمه ويسكنه فسيح جناته

وعز الله ان القصيده كايفه

كل الشكر يابو زيد على النقل الرائع

__

ياسلام ياسلام يابو زيد


الله يرحمه ويسكنه فسيح جناته
ولاهنت على النقل الرائع
دمت بخير

:

من جمال جميع أبيات القصيدة ماقدرت أختار بيت واحد .,

كامله واافية .. الله يرحم شايبك وجعل اعظامة للجنه ومن يقراء

لاهنـ ت ., احــــترامي

الله يرحمه ويسكنه فسيح جناته

وبيض وجهك

عز الله تستحق النقل والإحتفاء

غيمار

رحمه الله واسكنه فسيح جناته

ولاهنت ياثواب على النقل المميز