جنون العشق !!

الغالين في المرقاب
تقبلوها عساها ترتقي لــ ذايقتكم

القلوب خضر هالايام .!

[poem=font="Simplified Arabic,5,black,bold,italic" bkcolor="transparent" bkimage="backgrounds/41.gif" border="double,2,gray" type=2 line=0 align=center use=ex num="0,black"]
الغلا والحب والعشق الجنوني= والمعزّة والمؤده والحفاوة
مالها غير انت يا قرّة عيوني= كل يوم تزود بعيوني حلاوه
يا حبيبي فيك ما خابتّ ظنوني=آرتوي بك عشق واحيا بك زهاوه
الوحيد اللي على قلبي تموني= شيّله أخـّذه عالجه ضمّه وداوه
قيس نبضاته وخلك به حنوني= من فراقك ما تبقى به شلاوه
مقدر اصبرعنك ما تصبر بدوني= وش تسميها هناء وإلإ شقاوة؟
زارني طيفك بلحظات السكوني= داعب الاحساس بسلوب وهداوه
وانتشيتك نشوةٍ هاضت شجوني= بين لذة سحرها نوم وصحاوه
المشاعر معك تصدق ما تخوني= تحتويك بشعر وشعور وطراوه
القصيد العذب وجداد اللحوني= في وصوفك كلها ذوق ونقاوه
يا بعدهم كلهم لو يزعلوني=كل سكان الحضاره والبداوه
بالحلا والزين ما مثلك يكوني= في الغلابا والوسط والابهاوه
انت قائدهن تقدم ما تهوني=غصب هنّ اللّي وراء وانت القداوه
القمر بين النجوم إبداع كوني=ميّزه ربي على العالي علاوه
أي بمعنى لو وصفتك يا فتوني=كل زينّـك فارقٍ فيه برهاوه
عنق ريم وعين حر وصدقوني= وسطها شـــبّر وبعد يبقى فضاوه!
والشعر لا ماح من فوق المتوني=ذيل شقراً لزّة الخيل بعداوه
والنحر والخد براق المزوني=لا تلاعج وابتسم في عرض ناوه
والشفايف جمرتينٍ يجذبوني= من وسط نارٍ على تبــّة نزاوة
والبقيه من وصوفه سامحوني= للــخّطوط الحمر ما عندي جراوه!
يا حبيبي فيك ما خابتّ ظنوني=آرتوي بك عشق واحيا بك زهاوه


مفرح بن بداح=[/poem]