@@ إبـك .. إبـك @@

أتمنى أن يحالفه الحظ معكم ..



:


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
شوقـي جسـد..يطعـنْه خنـجر غيبتك في كل يـوم=واليوم مات الشـوق..يعنـي شوف كم من يوم غبت؟
سبحـان من خـلاك بـي موجـود وارداك مْعـدوم=شف كيف كنت بيوم سبت .. وكيف صرت بيوم سبت
هذي هـي الدنيـا .. لأيــاً كـان لا يمـكن تـدوم=فْـما بالك بشــوقٍ قبل لا يمـوت يـامـا منْه ذبت
ما اخطـيت في حقّك ولا بلْحـقْك بعـد اليـوم لـوم=بالعكس .. اشوف اني معك بالذات يوم اخطـيت اصبت
القلـب بايـع .. والغـلا سلعة .. وعـذّالي تسـوم=وانت اتظاهـر بالرضـى للبيـع وإلا انت انغـصبت
خلك كـذا.. كابر على حسـابك يا معـطى و مْحـروم=الأرض لو جاها المطـر ما امتصّـته ما شفـت نـبت
وانا لك الله بعـد دفـن الشـــوق عـزّيت الهمـوم=وشافت عوضـها في دفـا صـدرك يا مسكـين انّكبت
كنّـي أشـوفك بعـد ما اقفـي عنْك تمـسح بالكمـوم=دمـعٍ لو بكـيفه يقـول : إبْك إبْك .. هـذا ما طلـبت
أحسـنت فـيك الظـن لين الظـن جـا ويقـول قـوم=مـا ضيّعـك غير انك لحـقّـك من أيـامك سلــبت
وصدقـي معك ما ذلّـني والكـذب ما عـزّ الرخــوم=وانا معـك صـادق لهـاللحـظة ولا عمـري كـذبت
كان العطـش فقـداني لـزولك .. والأيـام السـمـوم=وشوفك لي (الماء) بس قبل اشرب على الأرض انسكبت
إليـن قـال اليأس لآمـالي : ترى الأمر مْحـسـوم=واستـسلمت آمـالي .. وسجـيت لحـظة .. وانطربت
والله عطانـي مـيّـزة .. تستخــدم بوقـت اللـزوم=تكيـيف تفكـيري ونفسيـتي .. حسـب ما انا رغـبت
هـذا فقـط عن ما حصل بيـني وبيـنك .. عالعمـوم=لا يروح تفكـيرك على انـي فـزت وإلا انت انغـلبت
الحـبّ أسمـى مْن انه يكـون لنـزاعات وخصـوم=وبعطـيك بيت بصـدره الواقـع.. وعجـزه فيه كـبت
إغسـل يـدك منـي .. تراي ابعـد عليك مْن النجـوم=وانصحْـك..عـشْ لـذّة ندمْك الموجع لذنب ارتكـبت[/poem]