لحظه تجمع الغالي مع الغالي ............

السلام عليكم ورحمة الله وبركاته


قصيدة اتمنى ان تنال على اعجابكم

[poem=font="Simplified Arabic,5,blue,bold,normal" bkcolor="transparent" bkimage="" border="groove,6,royalblue" type=2 line=0 align=center use=ex num="0,black"]
عسى ربّي يجيب الفرصه اللي تجمع الاحبـاب=يا زين اللحظه اللي تجمع الغالي مـع الغالـي
أنا احسب للقا في ما مضى من وقت كل حساب=سنه ثم شهر ثم أسبـوع ثـم أيـام و ليالـي
أببذل كل مجهودي بشتّى الطـرْق والأسبـاب=عسى ربي يعجل بالفرج فـي كـل الاحوالـي
لمحته قبل مده من بعيد و خاطري مـا طـاب=وانا ظنّي لو انّي ما لمحتـه يمكـن أشوالـي
لقيته في محـلاّت العطـور يسعّـر الاطيـاب=و هو مضرب مثل بالزين تضرب فيه الامثالي
يشكّل زينها على جميـع العاشقيـن إرهـاب=تزلزلهم بنظـرات العيـون السـود زلزالـي
طبيعي تلفت انظار الجميع و تكسب الإعجـاب=وتمشي واثقه مـن نفسهـا بالزيـن تختالـي
و انا لولا سلـوم جدودنـا و الديـن والآداب=آحذف شماغي اللي فوق راسي و أحذف عقالي
و من هاك النهار القلب من نـار المحبـه ذاب=و انا ماني مصدّق كيـف ذاب القلـب طوّالـي
من النظرات الاولى ولّعت في قلبي المشهـاب=وألا يا وجد حالي وجد من حالي علـى حالـي
جروح الروح من فرقا الاحبّه مالهـنّ أطبـاب=دواها شيّ واحد .. ؟ شوفة اللي هو على بالي
ما غير اجرّ صوتي كل عصريه على المرقـاب=أجرّ الصوت في راس الطويل النايـف العالـي
على درب الدجيما فالهوى والشمري و عقـاب=طريق الجيل الاول بعدهم يمشـي بـه التالـي
بعد ما سرت في درب الهوى ما عاد لي مجناب=و لا فكرت في مطلاع نفسـي قبـل مدخالـي
عسى ربّي يجيب الفرصه اللي تجمع الاحبـاب=يا زين اللحظه اللي تجمع الغالي مـع الغالـي
[/poem]