القلب كسره غير كسر العظامي 00!!!!

مرثيه في عمي حمود بن بن مسحل ( رحمه الله رحمة واسعه) وقد ورد في القصيده ذكر احد مواقفه البطوليه عندما قام في إحدى الوقعات التي وقعت جنوب البلاد ومايسمى بيوم (القهر) حيث انقذ أحد رفقاءه الذي أصيب في تلك المعركه دفاعا عن الوطن الغالي بعدما عجز الجميع عن الوصول إليه 00

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يارحمن ياخير معبود =بديت باسمك يا عظيم الاسامي


منك استمد العون في كل مجهود=وابدى بذكرك في بداية كلامي


العام ودعنا البطل منبع الجود=عمي عبيدالله رفيع المقامي


واليوم جرح العام بالحزن موعود=أصبح بعد ماطاب حيٍ ودامي


راح الفقيده عمي الغالي حمود=شهمٍ كريم ومن رجالٍ كرامي


فيه الكرم موجود من ساس وجدود=عليه هل الدمع مثل الغمامي


قلبه عطوف ودمعه اسبق من النود=من جاه يشكي فزله باهتمامي


لا شاف لو ورعٍ ورى الباب مردود=من رحمته مايهتني بالمنامي


وله سيرة فاحت مثل ريحة العود=وحاز الثنا و النعم والاحترامي


وفيه الشجاعه مالها قياس وحدود=يثبت إليا جا للصفوف التحامي


له موقفٍ مشهود والعالم شهود=( يوم القهر ) ، والجو بالنار حامي


خويه اللي طاح ما عنه منشود=جاله وشاله بين صايح ورامي


موقف ، ويبقى طول الايام موجود=للطيب درع وللشجاعه وسامي


ولاخاب من عقب من عياله فهود=الكل منهم فالطريق استقامي


حبل الرجا بالله لا زال ممدود=يارب عفوك في نهار الزحامي


إغفر العبدك واجعل الدرب ممهود=للجنه العليا ومسك الختامي


واجبر عزا اللي صار بالحزن ملهود=والموت حده مثل حد الحسامي


واجبر عزا اللي قلبها منكسر زود=والقلب كسره غير كسر العظامي


واجبر عزا ابويه ذرا كل مضهود=على حزام الطيب نعم الحزامي


وصلاة ربي عد مالجت رعود=وعداد من كبر ولبى وصامي


على النبي المصطفى خير مولود=منا عليه أزكى صلاه وسلامي[/poem]


[align=center]وسلامتكم[/align]