كبد المريكي لعين الجد والخالي = خذيتها بالريال وصابر المّيه

مساكم خير جميعا
كنت بزيارة احد اصدقائي (ابو خالد ) وكان لديه مرض الكبد وهو من الرجال الاقويا للامانه وشاعر ويحب الشعر وكان لديه قصيده من صديقه الشاعر عيد البقمي (ابو عالي ) يقول بمامعناه انه على استعداد ليتبرع لابو خالد بجزء من كبده قراءت القصيده في لحضتها ولم احتفظ بها (للاسف) وبعد مده قصيره ذهب ابو خالد لامريكا وعمل عمليه زراعة كبد وذات ليله سعيده اخبرني بموضوع الزراعه وبعد ان من الله عليه بالشفاء ولله الحمد داعبته بهذه القصيده

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاني مع الفجر علمٍ يشرح البالي = يامرحبابه هلا تقدير وتحيه
ممسن على خير لاذا صوت جوالي = يقصر على نغمته هرجت سحاويه
عاينت بعرف رقومه ماتهيالي = رقمٍ مريكي مهوب من السعوديه
دققت فالرقم لين اول مايطرالي = قلت ان بوش الردي ناون له بنيه
الو.. نعم قال ابشرك الخطر زالي= انا ابو خالد وسويت العمليه
كبد المريكي لعين الجد والخالي = خذيتها بالريال وصابر الميه
قلت الله يبشرك بالخير يالغالي = وفزيت من مسدحي بلا شعوريه
يابوهلا مرحبا زين التبهلالي = تستاهل العلم الابلج والمبريه
بني حنيتيش من وافين الافعالي = من ساس جدانهم حماية الهية
والاد جغثوم لمن الحمر سالي = ادروعنا اللي لوقت الضيق مزبيه
وان جانهارٍ شرير وحرب وقتالي = حنا لهم سيفٍ مصقل وشبريه
مير انتبه يابوخالد وقتنا التالي = لايدري اوسامه ان كبدك مريكيه
ثم يرسل اللي يبيع الروح طوالي = شغمومٍ يسوق نفسن مالها ديّه
اما معه قنبله تهول الاهوالي= والا مثل جنسن بخنجر وجنبيه
والعام ذكرتني علمٍ على بالي = قصيدةٍ وصلتك من عيد مبنيه
والله لوخذت قطعة كبد ابو عالي = ان يشغلك كل صبح وكل عصريه
مرن يقول انتبه لاتشرب الحالى = ترى الحلا يّثر بكبدي حروريه
ومرن يقول انت كنك ماتحفوالي= ماكّنك بماخذن من كبدي شويه
وان زعل والاتسمع هرج عذالي = وابرق لنايف واخوه احمد ببرقيه
واصبحت مابين قال وقيل وجدالي= من قاضي المحكمه لاجيب دوريه
ويمكن يحكمون حكم الشرع طوالى= ترد كبده مافيها شك موليه
لو مالله اللي رزقك بكبد ردكالي = والله يضني ماتلقى كبد عاريه
مير احمد الله تعالى ربنا العالي = اغناك عن عيد والا جيّتك لّيه
انا معك ماقدر افزع غير بريالي = لاتحسبنك بكبدي معي قطيه
ويومنك بكبدك الاولى يورالي = انك شقردي ونوهاتك شقرديه
واليوم طبعك تغير واختلف تالي = مانت برفيقي ولا هاذي مبادّيه
تفرح لا شفت المريكي والا الايطالي = وتزعل ليا شفت لك سنحه عربيه
ماباقي الاتجي ((اببدله)) وبنطالي = وتقول ايام دنت لايك يالسئوديه
صرت بدويٍ مركب كبد(( ميشالي)) = عقب البداوات اساليبك حضاريه
ماتشرب الا(( الكوفي )) بانواع واشكالي = ولاعاد تضرم على فنجال بريه
والربع لاجيت احدهم جيت متعالي = تنظر لنا يابني عمك بفوقيه
والله لونك مركب كبد بنقالي = مانرخصك مانناظرلك بتحتيه [/poem]
بجاد ابن عبيد ابن هباس البقمي
مغلي العرقين