ليه تشريه ؟!

السلام عليكم ورحمة الله وبركاته

قصيدة قراءتها في احدى المواقع واعجبتني
وقلت أنقلها لكم هنا


وهي مدونه تحت اسم الشاعر / عتيق الزبالي ،







[poem=font="Traditional Arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللي يبيعك في الزمن ليه تشريه=بيعه برخص بسوق بايع وشـــاري

واذا جفاك اللي تعزه وتغليه=محبته عليك ما هي جباري

لا تلتفت يمه ولا عاد تطريه=زله وكنك عنه ما انته بداري

خله يزل وينقلع وش تبي فيه=ما دام قلبه من صفاء الود عاري

لو كان في كل المواقف مصافيه=ما انته محصل منه غير المزاري

وليا احترمته طلع اللي مخفيه=قال احتقرته واحترمني جباري

مسكين ماهو عارف اللي يسويه=انه ما خلى له قدر واعتباري

الوم نفسي يوم بالهرج اجاريه=بعد عرفت انه كلامه تجاري

وليا درى انك في كلامه تجازيه=قدم كلام الطيب والاعتذاري

حسب الكلام اللي من الناس نوحيه=ان الضعيف يحط عشرين طاري

وبعد التجارب في زمانٍ نقاسيه=قررت ما يأتي بكل اختياري

اللي يبعك في الزمن عيب تشريه=بيعه برخص بسوق بايع وشاري

وليا جفاك اللي تعزه وتغليه=محبته عليك ماهي جباري

صحيح صعبه فاقد الشي يعطيه=وسهل الوفاء للي على الطيب ضاري[/poem]



شعر / عتيق الزبالي