مًقٌٍتُِِّْطُْفْـِّآتُِِّْ مًنْ حٍّيَآة شًِْآعًٍرٍ

[align=center]السلام عليكم ورحمة الله [/align]

موضوعي هو عباره عن حياة شاعر او شاعره , سواء كان قديم او معاصر, فهناك بعض الشعراء المبدعين خلف عتبات الكواليس او الذين لم يأخذوا تلك الشهره الواسعه رغم جزالة قصائدهم وإبداعاتهم000

سأبدأ بأول شاعر وهو شاعر مبدع من مواليد بادية الكويت سنة 1945م كان ضابط صف جيش بالجيش الكويتي بوزارة الدفاع شارك بأكثر من حرب كحرب الاستنزاف 1969م على جبهة قناة السويس وحرب العبور1973 على نفس الجبهه وهو عضو مشارك بديوانية شعراء النبط هو الشاعر المبدع والرائع شباط عبد الرحمن الظفيري حيث يلقّب بشاعر الظفير خليفة ((سند الحشار)) شاعر قبيلة الظفير المعروف
كتب في مختلف أغراض الشعر النبطي وتمتاز قصائده بنكهه شعريه فريده تميزه عن غيره :

[align=center]فقال عن القهوه :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا ونيسي دلتين على النار = لا ضاق صدري شوفهن ونّسني
عيني تراعيهن وقلبي لهن بار = وهن منوتي يا جديع الياحضرني
إقنادهن يزرع وينبت له إثمار = ومرابحه بالسوق ما ينحصني
هن كيفة المجلس وهن شمعة الدار = عند الرجال الطيبه ينلقني
شروهن اللي بالمراجل لهن كار = اللي لهم ماض الليالي اشهدني
اللي لهم بالطيب مدخل ومعبار = وأفعالهم ياجديع قد جربني
والا الردي لاهازهن ميت النار = يقول ليا نْ شريتهن خسرني
ماهمه إلا جمع فلسٍ ودينار = بين الربايع قاعدٍ ومتهني[/poem]




[align=center]وكتب في وصف الرجوله :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الطيب صعب ولا يجي بالسهوله = ماهي دعاياتٍ تكرر بالأقوال
ولا كل من يبغي الشكاله يطوله = ولا كل من هام المراجل لها نال
يا كود رجلٍ ماضياتٍ فعوله = اللي شرى النوماس في غالي المال
اللي ليا جاله مجال اشهدوله = رْجالٍ تعد النور في كل الأحوال
اللي ليا ثقلت عليه الحموله = مهما ثقل حمله للأثقال شيّال
والياركب غزّاي يتعب ذلوله = دليل هجنٍ روّحن عقب مقيال
وصل الديار اللي صعيبٍ وصوله = وخذا الحلال اللي به ألوان وأشكال
الناس ماتجهل طريق الرجوله = لكن وصوله صعب يا طيّب الفال[/poem]



[align=center]ومن النصائح اقتطفت هذه الابيات من قصيدةٍ له :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو المناوي تدرك اللي بغا البال = كان اكتفينا وأول العمر ماراح
مار المناوي ما ملت جيب من قال = لا زالت أحزانٍ ولا جابت أفراح
ولا طوّلت عمرٍ ولا زودت مال = ولا فرّجت همٍ على القلب لحّاح
ودنياك لو ترقيك في روس الأجيال = ليا دبرت تسلبك من كل الأرباح
الله يكافي شرها يابو هذال = ليا عاكست تطحن رحاها بالأرواح[/poem]





[align=center]وكتب بالغزل حيث قال :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

لا واهني الطير يكفخ جناحه = طير الهوى ياخذ مع الجو سجات
ماهو بمثلي حددوا في سماحه = يمشي بعكس الكيف من غير مشهات
قلبٍ تغيّر ونسته وانشراحه = والهم ياخذ به مع الوقت سوقات
عزاه يا قلبٍ تغير فراحه = ولا ينفع المحتار كثر التنهات
مثل المريض اللي تدهور نجاحه = دخل ورقّد في جناح المواسات
وجاه الطبيب ودار فيه اقتراحه = وطلب فحوص المختبر والاشعات
وقرّر عليه وحوّله للجراحه = باسعاف ماتخضع لكل الاشارات
ومن لامني عساه يقضّب سراحه = ويرمي بسجنن عنه الأنوار مطفات
سجنٍ صغير الحجم ماله مساحه = وعليه ناسٍ شددت بالحراسات
داروا عليه البحث مبطي مراحه = حاشوه قبل يبتعد بالمسافات
أول سبب ذنبه وقلّت صلاحه = حضّر على اجرامه براهين وإثبات
ودخل لتحقيقٍ دقيقٍ وشاحه = وتم اعترافه بالخطايا الكثيرات
ونفذ عليه الحكم ضد انتزاحه = حكم ينفّذ في شديد العقوبات
حاول يخفي الأمر قبل انفضاحه = يبي السلامه مير مامن سلامات
وصدر عليه الجلد والكف لاحه = وتناوشن جسمه اعصيّن قويات
ومن حر ما يونس تقطّع صياحه = جازوه بالتعذيب عن كل مافات[/poem]






[align=center]وقال عن هدة الطير :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زين مشين في سهاليل الحمادي = وحلو هد الطير قدام الرعيه
أشقرٍ يعجبك بأيام الهدادي = ما يصدد دون طلعه قيد نيه
فوق حمرا زاهيه دل الشدادي = وأم خمس اللي شراها العود ليه
زين صفقه في كبيرات الثنادي = يوم راج الطير طاحن بالشغيه
لا نقلت الطير بأيام المنادي = نطرد الهوجاس بأيامٍ هنيه
يوم ناض البرق سيّل كل وادي = قال ابن مسمار شدو للحنيه
ما مشينا كود في علمٍ وكادي = والعسوس مروحينٍ من هديه
درهم الصقار يوم الذود قادي = ومد راعي الفرق يبرا له خويه
ومن تجضّع للكسل فوق الوسادي = فوده النقصان وإيدينه خليه
خاليٍ جيبه اليا طب البلادي = لا نفع نفسه ولا له قابليه
أبدي القيفان بأبياتٍ جدادي = من ضميري هاض قيل السامريه[/poem]


[align=center]وفي جبهة القتال في حرب الاستنزاف في قناة السويس دخل شاعرنا المعركه وصورها لنا بهذه الأبيات :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المزنه اللي ما يونّس مطرها = تبرق وعصمان الشوارب وقوده
صبّت علينا من ذوارف خطرها = بمدرعاتٍ للهجوم محشوده
وطار الغبار وطاح عالي شجرها = وقامت تشاوح بالمدافع جنوده
باسباب دران صيدرت في شمرها = نفسك على شوف المعادي تقوده
لو اليهودي نازلن في زهرها = العبد ما يخلي موارث جدوده
نبدي لهم باللي عريضٍ نضرها = ليما سواد الملح يصبغ نفوده
اربع ليال كل منا ذكرها = بمزنن من النابال ترجف رعوده[/poem]



[align=center]ومن مساجلاته الرائعه قصيده ارسلها للشاعر الرائع متعب عثمان السعيد حيث قال :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الـبـشــــت ياجـديـع مالبـســه بـزاهــيـني = لـو البســه شــبهـروا كـل الـعــرب فــيــه
لــو الـبـــس الـزيـن ما زيـّنــي الـزيـني = من جـور كبـرٍ عصـرني عـصر لـومـيــه
يوم انصـرم من رصيـد العمر ســـتـيـنـي = واش عـاد خـلا الـزمـان واش بـقـى لـيه
خـلانـــي ارص وجــه الارض بـيـديـنـي = واقـوم لـي قـومـةٍ ما هـي طـبـــيـعــيـــه
ثـقـل مقـامـي وثـقـلـن فـئ رجـلـيـــنــي = والغـيـت لـي رحـلةٍ عـنـدي ضــروريــه
لـو بالكبـر طـب جـابـوه الســـــلاطـيني = ماشــفـت شــيخٍ يصـلي فوق كرســــيه
عـلـى زمـان الصـبـاء يالعـيـن عزيـنـي = وانـا بـعـزيـك بســنـيـنٍ شــــــــبـابـيـــه
ســنـيـنٍ زهـيـنـابـهـا يـوم الثـمـانـيـنـي = يوم اشــري البشــت باســـــعارٍ خياليه
الجـمــس حـدري جديد الطرز يارديني = وكـالـتــه مـن بـلـد هــدلان رســـــمـيـه
طـبـلـونـه اصـفـار تـوه بالتـماريـنـــــي = من معرضه ماوقف عـنـد الشـــريطـيه
اخترت شكله من المعرض على عـيني = وجـنـبـت نـوع الـتـجـاري والتـجـاريـه
وســـلمت لمحاسب الصندوق زرفـيني = من العـمـلـه اللي مع الـعـالــم دوالـيــه
وقـالـوا نـبـي مهـلـةٍ للجمـس يوميـنـي = ونســلـمـك فــيــه لـوحــاتٍ مـروريـــه
نـبـا الـثـلاثـاء ونـبـا مـنـك الاثـنـيـنــي = والاربـعـــاء جـاهــزٍ مـوتـرك للـجـيــه
تلـقـى عـلى الـباب مسوؤلٍ فلســطيني = يعـطـيـك كرت الخروج وســمح النـيـه
واليا ملكته وطـب اســويـكـه يمـيـنــي = ما واللـه اغـبـط راع المليون والمـيـه
مهو بصنعة خبير الروس والصـيـني = امريـكـي الصـنـع والـدولـه مـريـكـيـه
ســعـره يجـنـن قلـيـل المال تجـنـيـني = وفخامـتـه نشــعـت في راس راعـيــه
اليا اندفق ماه من روس الشــكاميني = كـنـه يـبـشــر غـريـب الـدار في حـيه
اسري به اللـيـل يوم الناس ممسيني = خـلاويٍ فــيــه والـديــره خـلاويـــــه
ما قـلـت يافـلان وش رايـك تخاويني = اخـاف حـظــي يـطـيـح بـواحـدٍ عـيـه
يا زين ذاك الـزمـان وفـيـه يا زيـنـي = لـيـتـه عن اشــــباط ماغابـت ليالـيه
واليوم ياجديع راســـي بين قوسيني = تـقـدم الـســــن حـط يـديــه بـيـديــه
ابعفي البشـــت وابي البشت يعفيني = والبـس بـدالـه على ثوبي ســـديريه
مابي هـل النـقـد تفـتح لي عنـاويني = اللــي تـبـث الخـبـر بـاقــلام حـريــه
ياليت لـو متعب العـثـمـان يوحيـني = ويجاوب اخوه بـبـيـاتٍ حماســـــيه
رفـيـقـي اللي جـنـابـه مايخـلـيـنـي = شخصيته مكسبي عن كل شخصيه[/poem]



[align=center]هذا وقد اجابه صديقه الشاعر متعب بن عثمان السعيد يقول :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حـيـيـت يا شـــاعـرٍ بســمـي يـنـاديـنـــــي = جاني صدى الصوت من صوب السعوديه
اول حســبـتـه صـدى واثـره يحـاكـيـنـــي = يشــكـي زمانـه ويـبـدي لـي دعـاويـــــــه
رفيقي اللي قضى من عمري اســـنـيـنـي = حـرصٍ عـلـى خـوتـه وافـرح بـطـاريــــه
عشــيـري اللـي عـلـى نـفـســـه يبـديـني = عشـــرت شـــرف لا تـعـزوا بالظفـيـريه
متبادلين الـوفـاء واجـيــه ويجـيـنــــــي = ولـو غـيـر الـوقــت ما غـيـر مـبـاديــــه
حرام مانســى وهو ماهوب ناســـيـنـي = خوت شــرف ســاســهـا بالطيب مبنيه
هـذي ثـلاثـيـن عـام وزود عـامـيـنـــي = مـبـداي انـا وانـت يـومـنـا عـزوبـيـــه
إلـيـا تـذكـرت وقـتٍ بـيـنـك وبـيـنـــــي = هـلـت عـيـونـي عـلـى خـدي عـبـاريـه
يالـيـتـنـا عـن خـفـي الغـيـب داريـنــي = عن طـيـب الـنـاس واللي فـيـه غاريه
وليت الليالي على بعـدك تواســـيـنـي = ارجـيـك مير اللـيـال القـشــر ملـويــه
يا شــبـاط كان اللـيـالـي مهلت فيـني = لا بـد للحــي مـنـا واصــلٍ حــيـــــــه
بالـعـون ما ضاع عند القرم تخميني = مـدة ســـنـيـنٍ طـويـلـه مخلصٍ لـيـه
لا باس يللي على وقته يشـــــاكيني = يشــكـي من الـوقـت والايام دوريـه
عسى المنايا بـبـعـدك ما تـفـاجيـني = يا صـاحـبٍ صحـبـتـه للروح ماليـه
كبرك عـلى الزين في كل المياديني = يا شــأيـبٍ حـلـت الـدنـيـا معـانــيـه
اللي تـوطـاك من هالوقـت واطيني = ياللـه عساها لنا جنات واســـعـيـه
ياللـه يا خـالـق الـزيـتون والتيـني = يا قـابـلٍ تـوبـتـي يا غـافـر السـيـه
وصيت عـبدالعزيز ابني وصاتيني = ثـلاث حجـات ابيها منه واضحـيـه
والـثـانيه ياولدي لا غمضت عيني = علـيـك بشــباط ياشــوق السنافيه
تمت وتـم الكـلام وجاك بـيـتـيـنـي = من شـاعرٍ شــايفٍ بالوقت ماريه
اســلـم وبلغ سـلامي للعـزيزيـنـي = تحيةٍ من ظـمـيـر الـقـلـب منـقـيـه
هـذا مردي لو ان شـباط معفيني = بـيـنـي وبيـنه لـزوم تصيـر رديه
لو كان بدع القـوافي منـه يذيني = الروح ماهي لرد شــباط معفيه
تمت وصلوا على سـيد النبييني = مالاح لمع البروق وهل وسميه[/poem]

[align=center]تابع[/align]


[align=center]وأيضا من مساجلاته قصيده ارسلها الشاعر الكبير \ مرير بن عبدالمحسن الحبيل العتيبي له قال فيها[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام يا شاعر ٍ ديني على دينك = يالوافي اللي قصيدك ماله أمثالي
وشلون حالك وحال اللي مهمينك = وشلون حال العرب من كل الأحوالي
وشلون حال الظفير اللي موالينك = بشر عن أهل الوفا رجال رجالي
هذا وأنا صحتي صحت مودينك = بخير يا شباط لا تنشد عن الحالي
الحال حال السعد تفرح حجاجينك = ما دمت أنا مجتهد في طاعة الوالي
ولاهنت يا شاعر ٍ جتني دواوينك = فيها ذهب والذهب عند العرب غالي
وفيها كلام ٍ لعله في موازينك = يشرح صدور العرب ويفيد الأجيالي
تنظم بيوتٍ تنقاهاعلى عينك = ألها مع الناس والعراف منزالي
وأرسلتها يا عساها تسلم أيمينك = وقريت شعرك على عراف وألحالي
وأوفيت يا شاعر ٍ ثارت براكينك = ما أذكر سمعتك مع الأول ولا التالي
الله يثيبك على المجهود ويعينك = والدين يأبن الحموله راس الأموالي
يا شباط جوني مسايير ٍ مطرينك = ولقيت عند العرب لك منزل ٍ عالي
وجاني ولدك المحنك من شياهينك = ولقيت يا شباط وسط الثوب رجالي
ربيته الله يثيب اللي مربينك = على سلوم العرب يا طيب الفالي
وأبنشدك يالظفيري طالت سنينك = وين أنت يا معرب الجدين والخالي
من وقت أنا وين وأنته يالوفي وينك = سندت ما جيتني ما جاك محوالي
لاشك حنا على الدرب متحرينك = إن كان ما جيتني وإلا تحرالي
لازم تجيني أليا مريت في حينك = إظن تشرب أليا مريت فنجالي
ونعط العناوين ونسجل عناوينك = وأتحط الأرقام وتآخذ رقم جوالي
وإليا الشرف مفرداتٍ بيني وبينك = من شان يا شباط نقرالك وتقرالي
ونويت أجاريك مع ناس ٍ مجارينك = والبال قبل الهديه داله ٍ سالي
ويأبو جديع أعتبرني من محبينك = وأذكرك مدام ديوانك تهيالي
يا شباط من البل عسى ما خليت أيدينك = أنته قنيت الدبش وإلا يورالي
الناس في الصلب والصمان لاقينك = قالولي أنك مع البداون وبالي
هم شجعوك العرب وإلا محضرينك = عساك تمشي تشرب درها الحالي[/poem]



[align=center]فرد عليه شاعرنا رغم تركه للشعر منذ فتره وقال :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يلي جميع الخلق راجينك = تجعلنا مع طريق الحق مدخالي
ياحافظ الدين يا ناصر نبينك = يا مثبت الأرض في وديان وجبالي
ومن بعدها يابو ياسر عاشت أيمينك = شرفتني في جوابٍ منك يهدالي
أهديتني درةٍ طابت مضانينك = الدره اللي تشادي دانة هلالي
من طيبها طاب حظك عند غالينك = ما يعادله بالوفا شعري ولا مالي
يا شاعر ٍ تعرف الساحه ميادينك = تصرف ذهب ما صرفت جنيه وريالي
أليا جيت في حفلةٍ هلها متنقينك = شفت الجماهير تهتفلك بالأقبالي
يقودهم ريس الحفله محيينك = مفرع ٍ ما عليه شماغ وعقالي
وأسعدت جمهور حفلك ومتمنينك = وتوجت ليل الفرح في جزل الأمثالي
من حرصهم قبل خمس أيام داعينك = وأنته صدوق الوعد منته بدجالي
عساي ما أسمع فحول الشعر راثينك = يا نادر ٍ ماكرك في روس الأطلالي
يا مشرع الباب في وجه متنصينك = بصفر ٍ على النار فيها خمس الأشكالي
مصروف يمناك كثرلك ديايينك = يوم أنت يامرير بالنوماس ما تبالي
البيض تكسيك من راسك لرجلينك = وأعلمبها في جنابك عبر الأرسالي
وأنا أعتبرني يابو ياسر جناحينك = أليا كشر ٍ الأسود لروس الأبطالي
لا عاش راس ٍ يصاف اللي معادينك = لو هو عقيد ٍ يقود الجمع خيالي
خذها شهادة زميل ٍ من ملبينك = تنصاك يوم أنت للمعروف فعالي
هذا بيان ٍ عسانا فيه مرضينك = وأمضي على كلمتي وأشهد عيالي
لو إن ربعك عن اللي غير مغنينك = عتيبه اللي تضد الخصم لا عالي
وأشكر شعورك على حبك وتبينك = وسؤالك اللي عن الماضي شرح بالي
أعطيك رد الخبر وأفتحلي أذنينك = بأجابةٍ مالحقها شك وجدالي
إن قلتبه ناس بالصمان لاقينك = ربعتبه يوم عشبه يطفل إطفالي
واللي عن شباط ونياقه مفيدينك = عطوك علم الصحيح بكل الأقوالي
البل جنيته صدق ظنك وتخمينك = شعل ٍ تسر النظير طوال وجلالي
ويوم أنتها دورها جتني براهينك = ذكرتني ماضي ٍ ذكراه تحلالي
يا وقت يلي ذكرك مرير يازينك = يوم البداوه لها بالبر مدهالي
لو إن جاسيك حره غالبٍ لينك = فيه العرب راضيه حل ٍ وترحالي[/poem]



[align=center]ونختم بهذه الأبيات النادره لشاعرنا شباط الظفيري حيث قال :[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إن طاب حظك عيال الناس طابولك = تقضي لوازمك ماتحتاج للمنه
من طيب سمعتك لاشافوك فزولك = كلٍ فعلوه مع العالم يمشنه
وإن شان حظك قريبك ما يجي حولك = وإن جيت يمه بوجهك ما ضحك سنه[/poem]



[align=center]هذا وأرجو أن أكون وفقت باختياري لهذه القصائد والمساجلات الشعريه 0[/align]


[align=center]تحيتي[/align]

هنا ،،

إنصاف / إضاءه / إمتاع

وجد
موضوع رائع رائع رائع

اتمنى إستمراره .

سأعود فيما بعد .. لروائع هذا المبدع .

اخت وجد ,,

سلطتِ الضوء على شاعر يستحق ان نتذكره

وكثير هم المبدعين اللذين لم يسلط عليهم الضوء بشكل كافي

فكره جميله تشكرين عليها

اخت وجد ,,

سلطتِ الضوء على شاعر يستحق ان نتذكره

وكثير هم المبدعين اللذين لم يسلط عليهم الضوء بشكل كافي

فكره جميله تشكرين عليها



ولك أجمل وأرق التحايا ,,,

الأخت وجد

شكرا جزيلا على هذه الاضاءه الجميله

والحقيقه انه شاعر كبير بلا شك
أستمتعت بقصائده المميزه

...

-



نبدي لهم باللي عريضٍ نضرهـا

ـــــــــــــــ ليما سواد الملح يصبـغ نفـوده


صح لسانه


تصوير اكثر من رائع



لاهنتي يا وجد



موضوع مميز ومكافأه لـ اشخاص خدمو الموروث الشعبي .





تحياتي وتقديري الجمّ

وجد




مجهود رائع تشكرين عليه


و كم هو جميل ان نشهد اضاءات شعرية عذبة لشعراء امتعونا


سأكون هنا كثيرا لاقرأك ..


ليقيني ان المداد لن يتوقف ..





ولك كل الشكر

ياسلام ياوجد

عز الله ماقصرتي

سلمتي ولاهنتي

إضاءه رايعه

استمتعنا بها

وجد

اتمنى الاستمرار في هذا الموضوع

لا هنتي

وجد

اتقنتي في حسن الاختيار والانصاف

جهد تشكري عليه !


لا هنت .. وتقديري .

شباط الظفيري


من الأسماء الشعريه المعروفه .. وكثير من الأبيات ( العسكريّه ) المتداوله .. تعود له ..



صح لسانه في كل ماقال ..



وألف شكر ياوجد على هذا الإتحاف ،

وعليكم السلام ورحمة الله وبركاته
هلا اختي وجد
الف شكر لكِ على هذا الموضوع الرائع وتسلمين

وجد

الله يعطيك العاافيه على هالاضاءه

على شاعر قدير وكبير


تحياتي لك

...
.
.
.




وجـد / موضوع جميل وإطلاله رائعه لـ حياة شاعر .,


ألف شكر لك ولـ قلمك ولاهنتي .,



.
.
.
...

,’
’,
,’
’,

وجـــد شُكراً شُكراً كثيراً...

مَوضوع زَاخر بـ الدرر ...

إن طاب حظك عيال الناس طابولـك
...........تقضـي لوازمـك ماتحتـاج للمنـه

نَور الجزالة (و) ضاحْ.؟

,’
’,
,’
’,

تقـديري (و) إحترامي .

,




ياسلام
ياسلام
ياسلام



وجــد



موضوع يحسب لك ِ
واختيار لشخصية وشاعرية فذة
تشكرين والله يعطيتس العافية

دمت بخير

المشاركة الأصلية كتبت بواسطة ناصر تراحيب

هنا ،،

إنصاف / إضاءه / إمتاع

وجد
موضوع رائع رائع رائع

اتمنى إستمراره .

سأعود فيما بعد .. لروائع هذا المبدع .

هلابك أخي ناصر

مرورك شرف وان شاء الله يستمر الموضوع


بانتظارك

لاهنت

المشاركة الأصلية كتبت بواسطة مشعان البراق

,

الله ,
الله ,
الله ,


وجد :
كل الشكر لكي على تسليط الضوء على جزء من مسيرة شاعر .. وعلى هكذا موضوع ,

سلمت يمينك على ماكتبتي حرف حرف ,

/

هنا لـ الشعر الاصيل حضوره , آطال الله في عمر الشاعر القدير .. ,
كل الود والشكر ,

المدير أهلا بك

الله يسلمك وشكرا لردك العذب ولمرورك العطر

لاهنت

احترااامي

و
ج
د

احسنتي ياوجد الاختيار والحقيقه كلمة شكرا قليله في حقك وحق الشاعر الكبير شباط والذي اتحفتي المرقاب بقصايده الجزله والمعبره ..

المشاركة الأصلية كتبت بواسطة فالح المصعوك

اخت وجد ,,

سلطتِ الضوء على شاعر يستحق ان نتذكره

وكثير هم المبدعين اللذين لم يسلط عليهم الضوء بشكل كافي

فكره جميله تشكرين عليها

اهلابك اخي فالح

العفو وان شاء الله اننا نسلط الضوء على هؤلاء المبدعين

شكرا لمرورك العطر

احترااامي

و
ج
د

شكرا ياوجـــد




فعلا شاعر يستحق تسليط الضوء عليــه


لاهنتي ..