مقاليد الأناه !

عسى ان ترتقي الى اذواقكم .,

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ابستميحك شعر ياصدري لعل الاتجاه = فيما عقدت العزم في طرحه على النهج القديم
يستدرج الموضوع من قلبي .. ويدفع ماوراه = للبوح عمّا راود احساسي من الامر العظيم
تواترت عن بيّنه في فكري اخبار الرواه = واستوطنت منظومة الحب الالهي في الصميم
للباقيات الصالحات .. اسلمت وجهي للإله = جلّ وتعالى في صفاته محيي العظم الرميم
تهيم روحي في ملكوته .. وتعرج في سماه = بإسم التأمل كل عرق ٍ يدلي بدلوه واهيم
واعيش في حالة ترقّب موغله في الانتباه = لعل باب التوبه الموصود في وجه اليتيم
تقدر مفاتيح الدعاء المستجاب من الصلاه = تفتح مصاريعه على الوجدان في الشهر الكريم
يارب مالي عن كرم عفوك على الدنيا غناه = ولا لحالي غير غفرانك ملاذ من الجحيم
انا لو املك خاتم سليمان .. وين القى عصاه ؟ = اللي تركها تلفظ الحكمه على انفاس الحكيم
غرقت مثلي مثل غيري في ملذات الحياه = لين اعتذر متني عن ذنوبي وخلاني غريم
من لذة اسباغ الوضوء .. ولذة اذلال الجباه = كم غاب عني .. من طمأنينه ومن روضة نعيم
كم لي وانا ابحث في خفايا الذات عن طوق النجاه = وكم لي على هالحال احث النور يغتال العتيم
مافي الصدر موطأ قدم الاّ الندم يبحث خفاه = والخوف موجع .. والشعور بكثرة التقصير اليم
يارب هب لي من لدن نفسك بخير الزاد جاه = يغني وقوفي يوم لايسأل حميم ٌ عن حميم
واتمم علي الستر .. وامنحني مقاليد الأناه = اسألك باسمائك .. قبل لا تاكل النار الهشيم
عمري لو اغفلت اوله .. ماودي اغفل منتهاه = قلبي على حلاوة الايمان من صغري كظيم
هيأ لي من الرشد مايلوي ذراع الاشتباه = ويجنّب اقدامي كلاليب الصراط المستقيم[/poem]