راعي القرن الاشقر شد قلبي وتله... للشاعر ضويحي الهرشاني

اسعد الله اوقات الجميع بكل خير .

قصيدة للشاعر / ضويحي الهرشاني
والتي جاراها شعراء منهم : عبدالعزيزالعبيدي والشاعر
حمدبن ناحي الحربي



قصيدة ضويحي الهرشاني.. [poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]



راعي القرن الاشقر شد قلبي وتله=بيُح السد مني عقب ماني بكامي

عنز ريمٍ تقود الصيد دقه وجله=عذبت ناقل البندق سريع الولامي

ياوجودي عليها وجد من فاطرٍ له=غرها النوم عنها في فروع المظامي

فوقها قربته وحذاه مع مزهب ٍ له=واختفت جرة الفاطر غطاها العسامي

خابر الما بعيدٍ والدحل مايدله=وما حواليه من يعطيه حمض العلامي

صاحبي وان هرج له هرجةٍ مانمله=كود امل اللبن من در هدف السنامي

له زمانين حبه ماتعدى محله=كود برق الصبيحيه تعدى سنامي

ليتني شذرة ازمامٍ على مبسمٍ له=فوق بيض تلاعج مثل برق الظلامي

ليتني ربطة ازرارٍ على لبةٍ له=فوق فرع النهود وحدر طرق اللثامي

كن في عينه اليمنى عساكر وسله=عسكر الروم حمران الوجيه الطغامي

ان قتلني عشيري بالهوى فدوةٍ له=ذبح خلي حلال وذبح غيره حرامي [/poem]

ثم جاراه عبدالعزيز العبيدي بقصيده قال فيها
[poem=font="Simplified Arabic,4,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]


تل قلبي من اقصى ظامر الروح تله=نشت الحال من عقبه طواها الهيامي

قلبي اللي تذكر بالهوى صاحبٍ له=بو قرونٍ ذوايبها تعدى الحزامي

كن قلبي على الملا عشيري يمله=لاطرالي عشيري ماهتني بالمنامي

بو عيون هدبها فوق خده مظله=مجهماتٍ يشادن ريش ربد النعامي

خدها كنه البراق في مستهله=مزنةٍ من حقوق السحب فيها قتامي

عين ياللي على شوف الحبيُب مغله=ياوجودي على راع النهود الزوامي

ناب الارداف صاف لي وانا صافيٍ له=كامل الزين ماوقف بدرب الملامي

شبه خلي خشيفٍ والحجر مدهلٍ له=خشف ريمٍ رتع بقفور خد وسامي

ليت من شافني مع لابتي طارشن ٍله=طارشينن لداره مع ربوع حشامي

كيف انا فالبحر والترف نجدٍ محله=حيل بيني وبينه وارمسن العلامي

كيف اطرش لترف الروح خط وسجله=ودي بشوف زوله وله ارد السلامي

شوف خلي طماشة صاحبي مانمله=كل من حب خله ظنتي مايلامي

ماحلا ياعرب عقب البطا مبسمٍ له=من ثمانٍ يشادن قحويان العدامي

شربين من ثمان الزين نشحه وأعله=كود ابرد ظميري عقب ماني بظامي

ول يالايم المفتون في حب خله=جعل يذكر مريض طايحن كل عامي

اوغريقٍ بغبه هالك عن هلٍ له=طابعٍ محمله بالريح والموج طامي [/poem]


ثم رد عليهم حمد بن ناحي البديري بقوله






[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]


هيضتني هنوف واثرت في خله=عقب شفت المبيسم طار عنه اللثامي

بوجديل على متنه طويلن يهله=ريحة المسك والريحان دايم دوامي

شد قلبي بشنكارٍ حديدٍ وتله=لين قطع معاليقه ظبي العدامي

يوم تله جداي اصيح واقول خله=قال ابقطعك من قلبك وازيدك هيامي

تلني تلتين ووحدتن مستجله=وانشده مايعلمني بوضع الكلامي

قلت انا وش علامك قال خله لعله=ذاك سلمي وسلم مرودعات الوشامي

من خبر خل يالاجواد يلعب بخله=ناهبٍ قلب خله وآخذه بالتمامي

ياحسين الشخص حالي علامك تسله=لين خليتني ماعاد اديم المقامي

ياعيون اشقر وقع على ماكرٍ له=مستطلٍ على صيد الخلا ماينامي

لعنبو داعج العينين من سامحٍ له=كيف يلعب بقلبي ماحسب للكمامي

ليتني في حشاه ليا رقد في محله=ثم اقلب نهودٍ مثل بيض الحمامي

ثم اوطي غطاه اللي على الوجه كله=واتفرج على خد يبوج الظلامي

واتفرج على خده وهو جايزٍ له=مستنيسن على لعبي حسين الكلامي

صاحبي عايزٍ فالناس عمره ودله=عايز الوصف واسمه من خيار الاسامي

ياوجودي عليها وجد من هجمتن له=اقتفاها عقيدٍ ظاريٍ باللغامي

فوق حمراً تكف الخيل حمراً غذله=مغتذيها على يمناه ولد الحرامي [/poem]



لكم فائق احترامي وتقديري!!!

الله الله


الله الله


درر درر



وقصيدة الهرشاني لحالها


الله لا يهينك ياراكان



[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راعي القرن الاشقر شد قلبي وتلـه=بيُح السد مني عقب مانـي بكامـي
عنز ريمٍ تقود الصيـد دقـه وجلـه=عذبت ناقل البندق سريـع الولامـي
ياوجودي عليها وجد من فاطرٍ لـه=غرّه النوم عنها في فروع المظامي
فوقها قربته وحذاه مع مزهب ٍ لـه=واختفت جرة الفاطر غطاها العسامي
خابر المـا بعيـدٍ والدحـل مايدلـه=وما حواليه من يعطيه حمض العلامي
صاحبي وان هرج له هرجةٍ مانملـه=كود امل اللبن من در هدف السنامي
له زمانيـن حبـه ماتعـدى محلـه=كود برق الصبيحيه تعـدى سنامـي
ليتني شذرة ازمامٍ على مبسـمٍ لـه=فوق بيض تلاعج مثل برق الظلامي
ليتني ربطة ازرارٍ علـى لبـةٍ لـه=فوق فرع النهود وحدر طرق اللثامي
كن في عينه اليمنى عساكر وسلـه=عسكر الروم حمران الوجيه الطغامي
ان قتلني عشيري بالهوى فدوةٍ لـه=ذبح خلي حلال وذبح غيره حرامـي
[/poem]

الله الله
وياسلام على ذائقتك اللي اتحفتنا بهالدرر
لاهنت

راكان سلمت على النقل الرائع ..


فعلا قصائد قويه وجزله ...

لاهنت طال عمرك


وصح لسان الشاعر


تقبل تحياتي

الله على الاختيار ياراكان

وعلى القصايد البديعه وشعارها

مشكور يا كبتن

صح لسان / ضويحي الهرشاني

ولاهنت ياراكان

تقبّل مروري وتقديري

ياسلام

مساجلات أكثر من رائعه

صح لسان شعـّـارها

لاهنت على النقل المميّز يا راكان

راكان سلمت على النقل الرائع ..


فعلا قصائد قويه وجزله ...

هلا اخوي راكان
الف شكر على هالنقل الرائع
مساجلات رائعه

راكان الروقي


( الذائقة الفارقة )



شكراا ياراكان