خولان بن عامر @ سعيد ابو ديه || وطاروق ناري بإختصار

[poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
خولان بن عامر : =


في صدى الموروث ياسعيد ابو ديه تعال=ودنا نبني بيوت البدو وخيامها
المثل من سابق الوقت تدري ويش قال=العرب ماتقبل الا خيار اقسامها

سعيد ابو ديه : =

في صدى الموروث والكيف في صفر الدلال=البيوت مشيده والسعد قدامها
المثل حكمه ومعنى ولا فيها جدال= والعرب فوق النوايف ترز اعلامها

خولان بن عامر : =
العلوم اعلوم والبرق في عرض المخال=والسنين اتدور بشهورها وايامها
لى متى والقوم مابين ميله واعتدال=والليالي سرها بيحته احلامها

سعيد ابو ديه : =
وردوها يابن عامر على عدٍ زلال=لا يغرك زين ليلى ولا هندامها
راحت الايام ياصاحبي سجات بال=واعجبتنا سجت الوقت في درهامها
خولان بن عامر : =
لايزال الوقت عادي وفرصة لايزال=والجرايد والقنوات عفت اعلامها
غترة البسام ماتصلح الا بالعقـال=علم اللي ماسكبها على مرزامهـا

سعيد ابو ديه : =
بكر الوسمي وبكره نبا نشد الرحال=والمشاعر شاعريه وزاد هيامها
ايه ياخولان لا هنت ياشين الهبال= وللحا حق علينا نزيد اكرامها
خولان بن عامر : =

وردوها هيت ياللي تحثون الجمال=واحسبوا كم بقي من فودها واغنامها
المواتر سافرت من جنوب ليا شمال=مرّت المكرز ولا دققوا بارقامها
سعيد ابو ديه : =
والله انا في سباتٍ عميق وبئس حال= والمطايا من ظماها يزيد حيامها
عفة النفس الشريفه وقار وطيب فال = لعنبو من لا مها لعنبو من لامها

خولان بن عامر : =

والله ان الصدق نبراس ياذرب الفعال=البلاء في اللي سلعها تتطيح اقيامها
والله ان للموت ميعاد لوّ العمر طال=والقرون تلف دوراتها واعوامها


سعيد ابو ديه : =
اشهد ان الصدق ربح وفير وراس مال= خير لك من سلعةٍ ماربح سوامها
لا يضيع العمر بين الحقيقه والخيال=والرجال اهل التقا ما تزل اقدامها
خولان بن عامر : =

والله انك تاج راسي وزيزوم الرجال=مرضي ان ابوك ومك تبوس اقدامها
القضيه صيبها لاحرام ولاحلال=وانت عندك حل مضمونها واختامها

سعيد ابو ديه : =
طيب الله فال خولان زيزوم الثقال=والعلوم الغانمه قلدوه اوسامها
بين حد الشك واريب وقفه وحتمال=والصحايف لانطوت ما تخط اقلامها

[/poem]

طاروق رائع ومحاوره جميله


لا هنت يا عبدالله المهداني

شعراء رائعين واختيار ونقل جميل يا عبدالله

بارك الله فيك

اخوك