شرهة الطيب

متواضعه


للتواصل

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تنص عين الما ليا صرت وراد = والا عطيت اعط العطايا السمينه
كلام من رايه عن الدرب ماحاد = مايستمع للي يحرث الضغينه
نموت ماحدنا عن دروب الاجداد = دام الشعر فوجيهنا حافظينه
ورثٍ من الاجداد يعطى للاحفاد = امانةٍ تحفظ ونفسٍ امينه
وش عاد لو كثروا هل النم وش عاد = برفع مقامي عن غثا ناقدينه
ماهمني شامت وعاذل ونشاد = مادام فعلي صايرٍ كحل عينه
وان كان نفسه كلها حسد واحقاد = يالله تعينه يالله انك تعينه
سم الكبود ان كان به سم الاكباد = انك تجاهل من نواك بغبينه
للهرج نقاده وللفعل نقاد = والناس تعرف خايبه من ثمينه
يبيد راع الطيب والطيب ماباد = يبقى بذكره والبشر ذاكرينه
واللي ورد عدٍ مهوب اي ميراد = صدر منه ماغثربنه يدينه
يمكن يجي عقبه شغاميم واجواد = يردون عدٍ والملا واردينه
ياشرةٍ جتني من قراب وبعاد = وانا موفي راعي الدين دينه
ان جا لقى في مجلسي بن وشداد = وعودٍ لشمطان اللحا ذاخرينه
يزيد له عندي مكانه ويزداد = حشمه وتقدير ووقار وسكينه
وان راح ماني للمقفين طراد = يغيب ما والله ذكرته بشينه
بقفي عنه ماعقب مقفاي معواد = قدام لايخلط هماجه بطينه
السيل لا انحى ما ورا السيل مسناد = والله يسير فالبحور السفينه
من امس والهاجس به اصوات رعاد = به كلمةٍ تقرع وبيح كنينه
نموت ماحدنا عن دروب الاجداد = دام الشعر فوجيهنا حافظينه[/poem]


وسلامتكم