لا تشتكي همك .. متواضعه للتواصل

بسم الله الرحمن الرحيم





السلام عليكم ورحمة الله وبركاته







أخر ما كتبت واتمنى أن تنال شرف القبول منكم



,



,



[poem=font="Simplified Arabic,6,purple,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]









ماكل من شبت بجوفه حرايق=ابدت لهايبها ولو هي تواراه

احدن يقول الآه والصدر ضايق=واحدن كتم جرحه بصدره وداراه

لاتشتكي همك لكل الخلايق=خله بصدرك يمكن الوقت يبراه

واجلس مع نفسك لحالك دقايق=فكر بحالك واكتب الهم واقراه

وامسح دموعٍ فوق خدك غرايق=واشكي لربٍ شاف دمعك ومجراه

واظهر امام الناس صافي ورايق=خل الحسود يموت والغيض يزراه

واحفظ عهود أهل الوفا والوثايق=واعتز في ذاتك وطيبك ومشراه

االطيب مبدا يجهله كل بايق=ويجهله من غرّه ابليس واغراه

والصمت هيبه مجدته الحقايق=يزيد من قدرك وعزك ويثراه

لاتلتفت لأهل الردى والعوايق=كلامهم تافه من اوله لاخرآه

كل آدمي تجيه عدة طرايق=يختار منها كيفما عقله ادراه

شخصيته لو زينتها البطايق=الوقت يكشف زيف نفسه ويعراه

يارب يامن بمره الريح سايق=سقته لبلده ميت والحي تذراه

والبحر مديته وفيه الغرايق=والفلك بأمرك يتجه نحو مجراه

تبعد هموم الضيق من صدر ضايق=والجرح في داخل حناياه تبراه

[/poem]





وسلامتكم