فقدانك العزوه ليا ضامك الوقت مصافحه بعد انقطاع

صلوا على النبي
,
,
,
,
,
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صاحبي دام الفرح ناتـج الضيـق=اجل تفـاءل واحتفـل كلمـا ضقـت
لان التفائل مصـدر افـراح ويعيـق=حزنك ليا منك من الضيـق ماطقـت
نفسك 000 ولا حتى اعز المخاليـق=بينك وبينـه رابـط الشـوق علقـت
ما هو بكره فيه لكـن يبـس ريـق=صبرك من احلامـك ولاعـاد فرقـت
اصعد وخل الحلم فـوق الشواهيـق=ولا تلفت للي وراء الريـع لاسقـت
ركب الهقاوي000 والعزايم مطاليق=طير هداده يعجـب العيـن لا تقـت
لكن ترى حزنـك لطيـرك مسابيـق=ولا اصبحت اسير الحزن للهون دنقت
هد السبـوق وتنفتـح لـك مغاليـق=وتعال شف فرحتـك لامنـك حققـت
حلم على شوفـه عيونـك غواريـق=في وقتها لمـوادع الحـزن صفقـت
ياخي الحياة جهـاد حـظ وتوافيـق=وبالعزم لأ تاخرت عالركـب لحقـت
يعني مسـار فيـه اثـاره وتشويـق=واحساس ماتشعر به الا ليـا ذقـت
طعم النجاح وصار الانجـاز توثيـق=في صفحة امجادك ليا منـك وثقـت
هذا وانا اللي فـي حياتـي مطافيـق=احظوظ راحتبي مع المـوج واغرقـت
في بحر حلم لـه عهـود ومواثيـق=كملي وانا لا مـن تذكرتـه ووقـت
على المحاني طال ليـل الطواريـق=يا وجد حالي كم على شوفه اشفقـت
اشتاق له وتحـن عـوج المعاليـق=والشوق جمره تحرقك كلما اشتقـت
انـام وأعيشـه بالاحـلام وأفـيـق=واقول يا ليتي من النـوم مـا فقـت
ازريت كتمانـه وتـدري المخاليـق=أليا دروا بك ضعف تبدا بـك المقـت
فياصاحبي لا عاد تشكي من الضيـق=الضيق ما هو قلة الحيـل لا ضقـت
لاوالله الا الضيق واقسى من الضيق=فقدانك العزوه 00 ليا ضامك الوقـت [/poem]