يطربني المسيار

[align=center]اليكم بعد السلام عليكم من باب التواصل مع هذا المنتدى الراقي ابيات من مسابقه كانت مطروحه في احد المنتديات والبيتين الاولى كان مطلع موضوع من قبل احد الشعرا اخونا عيضه الثبيتي في المنتدى [/align]
[poem=font="Simplified Arabic,5,green,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يطربني المسيـار بـارض خليـه=دار الحيا شوق الرجال الطحاطيـح

ياجعلهـا لسيـل صبـح وعشيـه=من وبل همال المـزون المروايـح

لينٍ كـل شعيـب ركـب إردّعيـه=ولاغاض ماه انهل فوقـه كواثيـح

حقوق وسم(ن)من جزيـل العطيـه=من وقع سيله جرح الارض تجريح

نهـار رابـع بـذرة الخـد حيـه=ومداد وليه بالعشـي والمصابيـح

عشريـن لليلـه ماتخالـف نويـه=وعقبه يزين البـر للهل المراويـح

خطوا الرجال اهل الظفـر والحميـه=نزهين جمّعاهم على هبـت الريـح

ومن الحزابـه ولمـو كـل شيـه=تواعـدو مـرواح ولا مسـاريـح

وطبولهـم قفـراً عشوبـه نديـه=متخالطٍ نوار نبـت الصحاصيـح

تضحك زهوره فالفيـاض العذيـه=وفيه ام سالم تزعج الصوت وتصيح

ولاهب ذعـذاع النسيـم ضحويـه=جا للخزاما والشمطري معه ريـح

ثم شـب نـاره راعـي الشاذليـه=وصكو عليه اهل الوجيه المفاليـح

وجا للسوالـف والشعـر قابليـه=وفنجال كيف يّنـزّح الهـم تنزيـح

انشهـد انهـا سجتـةٍ عالمـيـه=مامثلها عنـد الرجـال الزحازيـح

تسوى القصورالـي قببهـا علّيّـه=لوذهبـت بيبانـهـا والمفاتـيـح[/poem]

[align=center]وسلامتكم[/align]