نصيحه ارجو ان تحوز على رضاكم

[poem=font="Simplified Arabic,6,blue,bold,normal" bkcolor="white" bkimage="" border="solid,6,red" type=1 line=0 align=center use=ex num="0,black"]
قـالـوا تفـكّـر قـلـت يـاكـثـر الافـكــار =اسرحبهـا وأضويبهـا فــي حيـاتـي
قالوا وش اللي مشغلـك قلـت الاقـدار=مافيـه يـوم الا وانـا حسـب وفـاتـي
وانـا ادري ان المـوت مامنـه منـفـار =وإن الـبـنـادم مـرجـعــه للـمـمـاتـي
لاكن ابا أوصي قبل قصّـاف الأعمـار =وأبــاك يـاراشـد تـوثّــق وصـاتــي
حافـظ علـى دينـك ولوصـار مـاصـار =وترى عمـود الديـن هـي الصلاتـي
مــن كبّـهـا كـافــر ومـثــواه فـالـنـار =مــن لايصـلـي ماحـصـلّـه نـجـاتـي
حذرا يجيك النوم فـي وقـت الاسحـار =عـن مـذّن الاسحـار حــذرا تبـاتـي
هلّـل وكـبّـر واطـلـب النـافـع الـضـار =ترى هذاك الوقـت وقـت احسناتـي
وعـــن الجـمـاعـه لاتـعــذّر امـعــذار =مـايـنـفـع الـمـعــذار فالمـوجـبـاتـي
والصـوم واجـب فوقنـا جمـع ونـفـار =الله كـتـب فالـعـام شـهـر ابـركـاتـي
شهـر ابركـات وذكـر ياطيّـب الـشـار =يـاحــظّ مـنـهـو فــــاز بــالأوّلاتــي
فيـه انـزل القـرآن فـي داخــل الـغـار =علـى رسـول الله حسـن الصفـاتـي
وبـه ليلـةً مـن قامـهـا ســر وجـهـار =يـفـوز بـأحـس نــوع فالجـايـزاتـي
والحـج فـرض لْكـل مسـلـم فالأقـطـار =مــن يستطـيـع الـحـج لابــد يـاتـي
يـزور بيـت الله علـى حسـن ووقــار =وياقف نهار التسع وسط أعرفاتـي
فـي يـوم مابـه فـرق فكبـار وصـغـار =مـن كمـل اشـروطـه لقـالـه بـراتـي
وطلّع زكاة المال من حسـن الاسعـار =الله كـتـب فـوقـك طـلـوع الزكـاتـي
واختـار جـارك قبـل لاتشـري الــدار =ان كـان فــي دارك تـريـد الثبـاتـي
الديـن ياراشـد بـغـى يــورث الـجـار =يصبـح مـعـك خشـيـر فالمورثـاتـي
انشد عن احواله لاتنشـر لـه اسـرار =اســرار جــارك خـلـهـا مبهـمـاتـي
واصحى تصك الباب في وجـه خطّـار =كـرّم ضيـوفـك لــو تبـيـع العبـاتـي
انص الضيوف بواجه منور ومسفار =واحجاج يضحك واحسب المقبلاتي
وبنت الردي لـو زينهـا ينـور انـوار =فـــي ناحيـتـهـا لايـجـيـك التـفـاتـي
مـامـن وراهــا ألاّ مشـقـه ومخـسـار =منتـه محصّـل مـن وراهــا غنـاتـي
يطـلـع ولـدهـا خـبـل مايـاخـذ الـثــار =يجلس مـع امـه فـي نهـار الغزاتـي
لاتـاخـذ ألاّ بـنــت وافـيــن الاشـبــار =مـاكــل ورده تـنـقـطـف فالـنـبـاتـي
الـي لهـم فـي صفحـة الطيـب تـذكـار =لاخيـر فــي تـمـره مافيـهـا نـواتـي
احسـب احسابـك قبـل تاقـع وتخـتـار =لاتـنـخـدع فنـجـومـه الـسـاهـراتـي
صـقـراً بلاجـنـحـان فـالـجـو مـاطــار =والعـلـم يـاراشـد لـيـا فــات فـاتــي
وربعـك لاتتركهـا لـو إن الدهـر جـار =تضحك علاك اعداك وهل الشماتي
ربعـك ضلالـك فالمواقـف والأعسـار =فوقك ضـلال وفـي يمينـك عصاتـي
تفخـر بهـم فـي كـل محفـل ومحضـار =مـن كـبّ ربـعـه طــبّ فالموبقـاتـي
وأنصحك لاتجلس مع الناس الاشرار =لاتجـلـس ألاّ مـــع رجـــالٍ ثـقـاتـي
انتـه مـجـوّد مــن رياجـيـل وأحــرار =وهذي وصاتي وأستمع في وصاتي [/poem]

صح لسانك ياجميل

ونصيحه طيبه من طيب

لا هنت وتحيتي لك

الله يكتب لك اجر هذه النصيحه الثمينه والغاليه يا جميل



صح السانك يالغالي
والله يرحمنا برحمته .. ويجعل كل اعمالنا خالصه لوجه الله
ويردنا ويرد المسلمين الى الحق





اخووك !