من لوعة الفرقا...!!

[align=center]السلام عليكم ورحمة لله وبركاته

وبلا مقدمات ..نقدمها ..


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من لوعة الفرقا وانا خاطري شين = احسها همٍ على الصدر راكب
مابات ليلي اشكي الهجر والبين = وضاقت علي دروب وساع المناكب
ونظمت من جزل الشعر فيك بيتين = سبك الذهب ماهي بنسج العناكب
سبحان من صورك ياكامل الزين = فيك البها والحسن والذوق ساكب
قربك مناي وشوفتك تسعد العين = وفي ناظري مالك شبيهٍ يواكب
انتي وطن عمري وكل العناوين = ومشاعري في بحر حبك مراكب
والبدر في صدر السما تطلبه دين = لولاك ماله نور بين الكواكب
واليوم وينك ياحياتي وانا وين = بيني وبينك حال مليون ناكب
يالله عسى من حال بين المحبين = عليه دمع عيون الاقراب ساكب[/poem][/align]

[align=center]ودمتم سالمين [/align]