الوافيه

صباح /مساء الخير


هذه قصيده و ان شاء الله تحوز على قليل من رضائكم

وتقبلوها متواضعه امامكم



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام ياللي داخل اضلوعي مساكنها لجت =سلام ياللي وافيه بوعودها وعهودها
وسلام ياللي باعت الدنيا على شاني وجت=مغرها في حبها واشي ولا نمرودها
جتني مثل غيمه ولاحت فوق راسي ورهجت=اخيلها وستبشر الخاطر بزين ارعودها
تقول يانبع الوفا ما ضاقت الا وفرجت=اصبر وانا بصبر ولو طالت لنا مردودها
اسمع خلاج بصدرها وضلوع صدري اخلجت=يوم الرجاء من بيننا حبله قصر ممدودها
ضميتها ودموع عينه فوق خديه ادرجت=ودّانها يسقي دياراًٍ ممحلات اعدودها
ياليت ما ضميتها ماكان (.....)ازعجت=غصبٍ عليّ ضميتها صبري تعدى احدودها
شفت الشقى في وجهها والظلم لكن مهرجت =الا حياتي تمتمه والبيض طاغي سودها
سألتها عن حالها قالت جريحه مانجت =الصدر صندوق الجريحه والضلوع اسدودها
لو كل شي ٍ قيل يالغالي ماشفت اللي بلجت=لكن ميّز في خدودي ذابلات اورودها
قلت القدر دق الجرس وخيول فرقانا اسرجت=والصفر حانت ساعته لا شك حان اوعودها
اقفت ولدت بالنضر لوصالنا ياما رجت=ياوجد حالي كل مالدت وزاد اصدودها
فيها جمال اليوسفي معه الرزانه توجت=كن البدر مع طلته يكشف شعاع اخدودها
هذى نهاية حالتي وان طالت الدعوى اسمجت=كلاً يدور غايته والله يحل اعقودها[/poem]