الدرب خطوه..!

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدرب خطوه واول الدرب لازال= في غيب علام الغيوب وقدرها
مالك على ريبك يا مالك ولا فال = ولالك على شمس السنين وقمرها
والفرصه اللي بين الاهداب تختال = ماهيب لـ / ادارج الرياح وسفرها
مانيب حلو اللسان في كل الاحوال= ولاني قليل احسان يوم اختصرها
رجل ٍ مشقى فالبدايد والافعال =ماله ورى خضر القلوب وحمرها
ينام وعيونه على روس الاقذال = ويقوم واقذال امنياته خسرها
يشيل بين اضلوعه الآم وآمال = رغم السنين الممحلات وكدرها
كم فاضت آهاته على سيرة ابطال = وكم زفرة ٍ لعذب حنينه زفرها
ماهوب هم: الهم راحل ونزال = حزن ٍ ورى حدب الظلوع يغمرها
ماجيتني قبل امس ياليوم فالبال = لو جيتني جيتك انا معتبرها
والراعد اللي صار للمزن خلخال = لايكسف ايدين العباد ونظرها
مالي على نبض المحبين مدخال = لو كان عين النبض طول سهرها
رعبوبة للورد في خدها اشكال = ازهى حقول القاردنيا صورها
تلبس من قلوب العشاشيق سلسال = واسعدهم اللي حبها واحتظرها
ترفل على خضر العواطف وتحتال = متمدنه والصدر كله ديرها
يا ام الدلع : لمي دلالك ليا سال = مانيب حمل المقبلات ومهرها
والدرب خطوه والصواديف عذال = والله علام الغيوب وقدرها[/poem]