كيــــفي أحبك ....

,,

.,

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]


كيفي أحبك وأعشقك موت وأغليك=يعني بكيفي ياحبيبي هويتك
أعطيك وأخذ منك أكثر من أعطيك=متملكك كلك ولو ما شريتك
أخذك من ناسك وأجيبك واوديك=وتنسى جميع الخلق لامن دعيتك
أعاندك وأزعلك وأمشي وأخليك=وأدري بأني لا بغيتك .. لقيتك
أجيك لامن ضقت وأقول وش فيك=وترضى بدون أعذار لاني نصيتك
طيب وطيبة قلبك أصدق معانيك=حبوب ما ألقى مثل قلبك .. فديتك
علمتني شوقك .. وعشقك .. وطاريك=وبليت في حبك مثل ما ابتليتك
لاتلومني .. لا غبت عني بناديك=ولاتلومني .. لا صحت .. وينك وجيتك
غالي حبيبي جعل ربي يخليك=وينساني الله كان رحت ونسيتك
أكذب عليك إن قلت كيفي ترى أغليك=ماهو بكيفي غصب عني هويتك[/poem]

.,