(( وش عاد لو أنك على الفرقا نويت ))

السلام عليكم

ومساكم الله بالخير جميعا

للتواصل ..:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش عاد لو أنك على الفرقا نويت = اللي سواتك لا رحل ما نتبعه
أن جيت وإلا رحت والله مادريت = حبل الوصل ترخيه وإلا تقطعه
يا ميت الاحساس بالله وش بغيت = ما فات مات ولا تفيد الأقنعه
عطيتك أيامي ولاكن وش خذيت = يا غير قلب ن من صدودك مشبعه
أجيك كلي شوق وأشوفك طغيت = ما صنت حبي لك وقلبي تخدعه
وفيت لك بالحب لاكن ما وفيت = كنت احسب أن الحب فيني تزرعه
خلاص من جرحك وطعناتك شفيت = لا تعتذر لي روح عنّي في السعـه
أول على فرقاك يا الغالي بكيت = أعيش بغيابك بجو المعمعه
والحين لا والله عن الماضي سليت = شفني على فرقاك قلبي مقنعه
لقيت من يسواك لا والله لقيت = خلن خفوقي من شتاته يجمعه
أغليه وأحبّه وفي قربه حييت = كن الغلا من صوت همسه منبعه
لامن حكى كنى عن الدنيا سريت = وأن طال صمته تهت في صمته معه
جيته وأنا ضميان وبشوفه رويت = وزالت هموم ن بالصدر متربّعه
لبا خدوده والجمال الكمبليت = ولبا العيون اللي هدبها مروعه
وإلا أنت روح أن طعتني دامى نسيت = لا يجرحك منّي كلام ن تسمعه
وسلامتكم[/poem]