( يـالـلـّه حـسـن الـخـاتـمـه )

[align=center]الله يعطيكم العافيه

للمره الآولى حبيت أشارك الآخوان بمرقاب المواهب

غزليه متواضعه أتمنى تلقى محل للرضا عندكم





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]



ياصاحبي قلبي له أعـوام مجـروح=طال المدى وأزريت أهــَدي جروحـي
أثر الغلا دربه من الـروح للـروح=ألطف بحالي وانـت روحٍ لروحـي
لا والله ألا من جفا العيـن مذبـوح=ياصاحب الغـر الحسيـن الذبوحـي
درب الهجر مالك ترى فيه مصلـوح=أستغفـر الله وأستمـع للنصوحـي
ياغايتي لاتستمـع هـرج سامـوح=خايف عليك امن الخطر والشبوحـي
ليتك تسايرني على العـاذل اتكـوح=أهل الردى تبغى تطوحـك طوحـي
وألى نويت الهجر وينك تبى اتروح-تشفق على شوفي ولّوك اتروحـي
يازين صدري من سبايبكـم ايفـوح=وللقلب ثومه من سواتـك اتفوحـي
عرضتك الشوحه وانا قاضب الصوح=خلك على الشوحه وانا وسط صوحي
والله يبارك فيـك ياظاهـر البـوح=حنيـن وقتـك مايجيلـك يروحـي
وانا ادري انك مثلي أتـردد النـوح=سمعت نوحك وانت تسمـع لنوحـي
راع الهوى دايم من العذل مفضـوح=أرجع واكرر يابـو قلـبٍ شحوحـي
طبع الفتى يصبر ولو شاحته شـوح=يقطعـك يادنيـاً تحـب الفضوحـي
لاني ترى الاول من الحب مطـروح=يالله حسن ألخاتمه ذي طموحي
والله مابدويتبـه كــل ممـلـوح=دامه كذا منـه العـذر والسموحـي
مع السلامه ياغـرامٍ لـه أجـروح=طال المدى وأزريت أعالج جروحـي[/poem]



..


ولاخـلآ ولاعــدم[/align]