(( ياسعود أنا طالبـك خفـف هالتشـرّه والمـلام .. خلاص عفت الوقـت ذا كلّـه ونفسـي عافته

الأخوة والأخوات الكرام

السلام عليكم ورحمة الله وبركاته

إليكم هذه المتواضعة أتمنى أن تنال شرف قبولكم ورضاكم واستحسانكم ...

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يومه بدأ الهاجس وجاله في قفص صدري زحام=أفـزّ لـه فـزة وفـا واقصـر عنـه كلافتـه
وآقف معه وقفـة صناديـد المواقـف والكـرام=لنه إذا هاز القصيـد أعـرف مـدى حرافتـه
ياما نخيته ثم فزعلي فـي المهمـات الجسـام=يومن قلبي مـن عنـا الدنيـا همومـه لافتـه
واليـوم يومنـه نخانـي ماتحلويـت المـنـام=يجني حصيله مثل جني التمـر مـن خرافتـه
يعرف مواجيب اللحى .. وأعرف موازين الكلام=واصرف جنيهات الذهب على نظـر صرّافتـه
وأخاف من شرهة رفيقٍ من رياجيـلٍ حشـام=لو كان نفسي غير ربي فـي البشـر ماخافتـه
ياسعود أنا طالبـك خفـف هالتشـرّه والمـلام=خلاص عفت الوقـت ذا كلّـه ونفسـي عافتـه
لي عدّة أيـامٍ وأنـا مازارنـي حلـو المنـام=عيني جفت حلو الكرى من هول شـيٍ شافتـه
وقتٍ يشيب به الرضيع اللي على حـد الفطـام=وشلون من شاف العجب في روحتـه وانكافتـه
فيه البزر ماعـاد يملـك لا حيـا ولا احتـرام=ولا يقلّـد بالخليفـة فـي زمــان خلافـتـه
من ربشته قام يتهبّد كـن فـي خشمـه عـرام=بذّ الرجـال اللـي عليهـا علـم مـن لقافتـه
والرجل فيه من الوله والشوق طاويـه الهيـام=يرثع ورى عشق الصبايـا والمراجـل طافتـه
ما يدري انه راح عمره عنـد لبّـاس الزمـام=لوهو تحسّف ما يرجّـع مـا مضـى حسافتـه
حتى المباديء في زمان الضعف والذلّه تسـام=والعرف ضاع العرف من يوم أختفوا عرّافتـه
ونفوس خلق الله غدت من سوء ماتفعـل عـدام=والقلب وين القلب الأبيـض وينهـا نظافتـه ؟
وياسعود أنا طالبك خفّـف هالتشـرّه والمـلام=خلاص عفت الوقـت ذا كلّـه ونفسـي عافتـه[/poem]


وسلامتكم جميعاً