مراسله مع بن عون

اعضا وزوار منتديات المرقاب

السلام عليكم ورحمة الله وبركاته

فــ لبدايه اسأل الله التوفيق للمنتدى ولقائمين عليه

ثم اشكراخوي الشاعر مطر المرشدي على دعوتي

اول المشاركات

مراسله بيني وبين الشاعر الكبير عبد الله بن نايف بن عون

ونا البادي
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]



عسااللي فات ياعيني كفايه=من التعذيب ويصير النهايه
جزمت انساه لوذكراه حلوّّه=جزمت اودعه واقفي ورايه
ابا اهدم مابنيته عام الاول=واجنب درب من بدل غلايه
بعدمااخلصت له من دون غيره=جزاء الحسنات بالتالي بسايه
غرير ٍغرته دنياه مدري=عليه اثركلام اهل الوشايه
مقاريدالعرب في كل ديره=وضايفهاتروج بالدعايه
لياسمع الخبرحضرت حداهم=حكوبه كلهم مثل الروايه
عناصرهم على البث المباشر=قناة ٍتشتغل من دون غايه
يشيلون الزعل في قلب صاحب=يقول فلان مني ويش جايه
ماخبرفلان مني جاه زله=اناوش قلت ويشنهو خطايه
تذكرويش قال وويش سوّا=غدى في صفحة التفكيرتايه
وشكا لله من ماوحاه سمعه=وتغيرمن بعدتلك الحكايه
وقرريبتعدويقول خله=بعدماوحيت لقيته قفايه
وكل ٍراح واقفاعن رفيقه=بناللغيض في قلبه بنايه
ترا الاسباب هراج النميمه=كماوضحت في نص البدايه
وانامن حمدربي والثناله=مع النمام ماسجل سرايه
ولاله مجلس ٍعندي ابيتي=ولاشاركت مثله هالهوايه
انالي مجلس ٍبين النشاما =زحازيح ٍتفيدبكل شايه
رياجيل ٍتصدركل وارد=هل الطولات والطيب اجلاسايه
اورد وردهم والصدرمعهم=وبين عصيهم تضرب عصايه
ابااكتب بسمهم في كل بيضا=وابا اقرا طول صوتي بالقرايه
لوأن الوقت يدحمني بجنبه=صبرت وللعرب مابدي خفايه
صبرت وقلت لابد اليالي=تبسم قدم وجهي فالمرايه
ترا الشدات تتبعها اليساري=ويبين النورمن عقب انطفايه
ولابه رجل ماذاق بحياته=قسى الايام عقب الارتخايه
واناجربت والتجريب يغلب=على تعليم واطباب ووقايه
من التجريب يطلع كل عارف=ماحدالعرف من دون اسننايه
لكني ذقت من وقتي تعايس =عرفت ابهانياشين الرمايه
ضحكت فجور وابكتني ضهاري=وفقدت الضحك في تالي ضحايه
نهار ٍفيه عندي راس مالي =والاخرفيه ماحصل عشايه
ونهار ٍفيه مقيالي بفيه=والاخرفيه مدركني ضمايه
على الاقدام جري ٍفالصحاري=واخف اقدام رجلي من حفايه
قطعت بحوروجبال وفيافي=وحيد ٍلاسلاح ولاحمايه
ادرهم نوب والانوب دوبي=ماعاد القا الجهد واضلم سمايه
سواد الليل يضويني ويقفي=يجي ويروح مايعطف علايه
وقفت من الدهرمكسورخاطر=صدوف الوقت لاعنت ٍثوايه
لكن اخترت ملفاً للرساله=ابونايف ملاذي ياذرايه
لياجا العلم ابن عون ووصل له=يدبرهاعلى كيفه ورايه
عريب الجد من روس ٍتسما=لياناديتله يسمع ندايه
تخيرته على الروقه وبرقا=عليه اسندت واشهرمعنايه
واباختمهابذكرالله واكرر=صلاة الله وتسليمه نهايه
على محمد نبي الله رسوله= هدانا الله على دربه هدايه[/poem]

وهذا رد ابو نايف

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رهين اليل مقصيّ ٍقصايه=ولابه من يقاسمني شقايه
وحيد ٍلامجيب ولامنادي=ينابيني ولايسمع نبايه
خلي الهم غرقان ٍبنومه = وانامتعكر ٍصافي صفايه
يغيب نجوم ونجوم ٍتبيّن=وانا مازلت في راس مغزايه
امضّ اليل مع شتاهجوسي =هجوس ٍرايحه وهجوس جايه
احسب اني على المردود مرهي=لاشك مع الاسف كمل رهايه
لياحصلت عند الروس مقصد=مريكاينقطع منهارجايه
ولوثمنت في بعض المعاني=يباينقص عن الوافي وفايه
بعد برقت في معنا القصيده=ودرسته من خلايه في خلايه
بقاله صورة ٍفالنفس حيه==تراودني صباحي مع مسايه
ولوتفسيربعض الامرغامض=واناللغيب ماعندي درايه
تحريت القريب من الحراوي=وطلع شمس خلت عني دجايه
وتبيّن مقصدي والحمدلله=وسيرته على حسب انتحايه
ودريت ان العتيبي ماشكالي==على حسب الدعايه والفوايه
شكالي من ضروف ٍكارباته=بشكواًماينصيهاسوايه
مثا ماخصني من دون غيري =يقول انخاك ياخيراعونايه
واناعيناه في كل الدعاوي=ولوماسد عن حالي عطايه
بعد ماحطني ملفا الرساله =عنه ماوالله اذخرمن قوايه
وعلى طاري مراسيل النمايم=وشاة السومافيهم عبايه
يحبون التحسس والتجسس=مباحثهم تغطي كم ولايه
يزيدون الكلام وينفصونه =شناة ٍخير اساميهاوشايه
تراربي ذكرهم في كتابه=وبيّن فعلهم في نص الايه
هم الهمازه اللمازه اللي=يحبون الاشاعه بالشنايه
لواهم عنك ياهتاش مقفي=بعيد ًعن لواك وعن لوايه
عسا ربي يخطريناخطرهم=اناوانته وربعي واقصرايه
واناقد قلت يالهروال كلمه =من اشعاري وانا فـ اول صبايه
ترابعض العرب قربه مغثه=يجيه عن السنع مثل العصايه
يعاملني بسلم ٍماعرفته=وهو ماهوب من شكل اعملايه
مثل وأصل والمثل ماهوب يمّك = تطمن يابعيد عن الدنايه
ولاقلته على حسب التفاخر = على العرّاف لو طاب امحاويه
ولو شبري مع العرّاف راهي = وربعي صارف ٍ عنهم ردايه
أنا وشلون ابا ألقى الصافي اللي = ليا ارضيته تجّهد في رضايه
ولو حتى بتسنيد القصيده = مساجلته على غاية منايه
وأنا أغلي لي من الشعار واجد = تغلغل حبّهم داخل حشايه
وهم يدرون لو ماسايلوني = مدى مجرى غلاهم في دمايه
يجوز أن المحبة ميزتهم = على الباقين من روس ازملايه
وابه شعار واجد بالحقيقه = تقوس الشعر بأطول من رشايه
لبخص حقوقهم مانيب عارف = ولاعندي على هذا جرايه
وأقول الشعر ياهتاش متعه = ليا وافق هوى أصحابه هوايه
وأنا من ضمن ناس ٍ ينظمونه = ولا أضمن لاخطاي ولاقدايه
أوّفق للهدف صدفه وأصيبه = وبعض امرار ياكبر مغدايه
وأبا اختمها بذكر اللي رجيته = نهار البعث يدمحلي خطايه[/poem]


وسلامة الجميع