دروس الوقت

السلام عليكم ورحمة الله وبركاته

صلو على النبي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أحيان يعييك الدهر حتى ولو إنك حكيم =تصبر على جوره وتقنع من صروفه بالقليل
لكن تعلم من دروس الوقت وأفهم يافهيم =وأخذ الكلام اللي عليه اثبات برهان ودليل
إليا مدحت أمدح كفو وإليا خدمت أخدم كريم =ترا رديّ الفعل لايمدح ولا يخدم بخيل
ولا تخاوي اللي على قول الخواجه سيم سيم = يظهر على وجه الردى ولا على وجه الجميل
وأعلم تراك من الجليس ومن تخالل والنديم = إن كان راس كنت راس إن كان ذيلٍ كنت ذيل
خلك مع أهل الدين والمعروف والنهج السليم =اللي يبادي ذكرها نعم المخالل والخليل
وأقلط على اللي يعشقون الطيب والعز المديم =تامن بهم لاضاقت الدنيا وضيّعت السبيل
أجواد تلقاهم سواة النور في الليل الظليم=وقفاتهم عند العواني والخوي تشفي الغليل
وأحذر من اللي همهم عند العوايل والحريم =ترهم ضعاف نفوس لو زادو من المال الحصيل
أرزاقهم هبابهم والبخل في الحله مديم =والخير ماتذكر به قصار اليماني مستحيل
هاذي نتايج تجربه وأمثال قيلت من قديم =فيها العْبر تاخذ بها العقّال من جيل لجيل
أقولها من هيض ولا غيض والعقل الحليم =يدري بها في مجمل الواقع ولا يدري الهبيل[/poem]

حفظكم الله