نجل الحنين ..!

من باب التواصل مع المرقاب الشعبي .. مرّروها ولكم الشكر ..

[poem=font="mudir mt,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا حظ اللي ينام .. وخاطره من ضيقته محروم=ماهوب يشيل فوق هموم قلبه .. هم خلانه!
ماهو مثلي يرد الحزن عن جفنه لذيذ النوم=لو يغسل الصبح وجهه .. يبان الحزن فـ / اجفانه!
ما عدت آشك .. متأكد بإن الحزن اخوي التوم=ومتأكد من اني في الحقيقة اصدق اخوانه!!
أجي في خاطري شكوى .. وتنهيدة عزاء .. ولوم=اطق ابواب خلاّني .. ولا أحدٍ هجّ بيبانه!
واعوّد في يدي رجفة .. وفي عيني دمع وهموم=وفي حلقي مخالب فقد .. وفـ / الخفّاق نيبانه!!
وصوت الأمس في بالي صداه يضج لين اليوم=وانا نجل الحنين اللي حفظ سرّه .. ولا خانه!
ويبعث طاري الرجعه في روحي .. ويحيا .. ويدوم=واودّع شارع الحاضر .. وبيبانه .. وجدرانه!
وادوّر شاري لـ / قلبي .. ولا به عاقلٍ ويسوم=ما سامه غير مجنونٍ سكوته يستر جنانه!
واقول اطيّره يمكن يلاقي راحته في الحوم=نسيت اني بحُب الارض قد قصقصت جنحانه!!
واخليه بقفص صدري على ترك الذنوب يصوم=ويفطر لا نوى يفطر بذكر الله سبحانه![/poem]