..,,..شرهتي واعتبي ..,,..

[poem=font="Simplified Arabic,5,black,bold,italic" bkcolor="transparent" bkimage="" border="inset,4,darkred" type=1 line=0 align=center use=ex num="0,black""]
ياحمامه تعالي واسمعي ويش صار=وانقلي ياحمامه شرهتي واعتبي
في زمانن تنكر وابتلاني وجار=لين ضيّع تواريخي وخان انسبي
كل ظني ليا جيته بطيب الكبار=ايحشم لي مجيّي وايعرف مطلبي
مير خان وتنكر دون رد اعتبار=ماعرفت شيبي ولا عرف ويش ابي
لين عرّض معاليقي لنار الوجار=واحترق جوف صدري وانثنى منكبي
شن من جور ظلمه حول حلمي حصار=ويح ..! مابك مروّه يالزمان الابي
كيف ترهي طعونك لين ذقت المرار =وانت توّك تنشّد عل طاح احطبي..!!
كل مره تجيني حاملن لي اعتذار=واعذرك يازماني والطعون اتهبي
واخر اللي لفاني بعد طول المسار=طعنتن في خفوقي من يدين اعربي
واحدن بانين في جوف صدري عمار=مرتعه وسط عيني وايحميه اهدبي
غرني بالتواضع والعطا والوقار=لين جبته يلاعبني على ملعبي
جار قلبي ولاكن خان طيب الجوار=ما وفالي.. سباني جيش بعده سبي
كن جيش المفارق هد فيني جدار=قوّمته الليالي وانبنى باسببي
ياحمامه علومي بين نارن وغار=كل ماتعب لحاجه ضاع فيها اتعبي
كن غبن الليالي والقهر والعوار=عجلوا في مصابي واعشقوا منصبي
لين خلت الزمن يركض علي بالدمار=يوم حظي مع الايام يحبي حبي
حالتي ياحمامه فالزمن باختصار=شاب من هولها راس الصغير الصبي
[/poem]