القصيده المئويه في سمو سيدي امير منطقة نجران

بسم الله الرحمن الرحيم

هنا اكثر من مئة بيت في سمو سيدي الامير مشعل بن عبدالله بن عبدالعزيز امير منطقة نجران


ومهما قلنا فلن نوفي ولاة امورنا حقهم




صلووو على النبي





[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]




يالله ياعلام سرالبديده = ياللي تخلق الخلق ثم ٍ تعيده
ابدى باسمك وانتهي بالقصيده = واعوذ بك من شر الانسان والجان
من بعدها ياهل الشعر والمنافق = ياكاتبينه في الخبل والمطافق
ارائنا مابينها أي توافق = اقول شعر ٍ له ادله وبرهان
يالله انا ناوي بشعر ٍ يخلد = في اللي مهو بحاجة قصيد ٍ يردد
اصلا قصيدي من جنابه تزود = يزيد شانه لامدح عالي الشان
ابطيت عن بدع الشعر والجزاله = اللي تسد اقصارها عن طواله
ولا جابني للساحه الا رساله = عنوانها مشعل امير ٍ لنجران
واصبحت ازهم وانتخي ياقصيدي = ثم الله الله بالجزل والفريدي
اللي عليه ابدع ومنه رصيدي = واللي يجملني ليامن بدا الشان
الفيت اردد ياهلا ياهلابه = اميرنا راعي الفخر والمهابه
شاعرك حاظر لوّ وقته غدابه = ايردد الك اغلى القصايد والالحان
اقبلت ياحيه مجيك وممشاك = يامرحبابك من مكانك لملفاك
عد النفل والعود والورد والراك = اقولها عن كل يام ٍ وهمدان
ياسيدي ما امسكت عنك القصايد = لكن ليامني نويت الفرايد
لزوم اقدمها سواة القلايد = وتزهى بمدحك بالقوافي والاوزان
ما ابطابها عجزٍ بي ولاهوب تشكيك = ما ابطابها الا انها بس تبغيك
لاقدمت لك واصبحت بين اياديك = تكون راضي عنّها منت زعلان
ياسيدي ماقد مدحت أي مخلوق = لاشيخ لاحاكم ولاشخص مرموق
الا انت لانك فوق مدحي لك وفوق = وتزين مدحي لك ولو فيه نقصان
حلفت ما امدح من مهو كفو للمدح = مانيب مثل اللي يطبل على الردح
وان قلت فاقدحها من عروقها قدح = شاعر يراودني على شعري جنان
وان كنت بمدح بمدح اللي مبدا = اللي على كل المكارم تعدا
ابن المليك ابن المليك المفدى = ابن ٍ لابو متعب بزي ٍ لسلطان
ياسيدي محدن عطا المدح حقه = مادام ماهولك ولا ابوك شقه
رق المديح اللي زهى فيك رقه = تستاهل ويستاهلك ياطليقان
اقولها قدام كل الخليقه = وتشهد علي صبيان يام العريقه
اقول صدق ولاهضمت الحقيقه = انك سليل المجد وانك كحيلان
انا ماقوله في مهابيل واهلام = ولاهوب في حكام ٍ تقاد بخطام
الا فحكام ٍ يديرون حكام = اخوان نوره واشهد ان عندها اخوان
من يوم جيت وكنك تقول للدار = عهد ٍ علي اصونها سر واجهار
عهد الوفي المخلص الصادق البار = هذي امانه والامانه ماتنخان
ياسيدي من يوم هجسي حدتني = للمدح كن الابجديه لفتني
ومحرصتني فيك ومحلفتني = ان كل حرف ٍ يمتدحكم ببيتان
وانا حرام اردها عن جنابك = مادمت فاتح للمخاليق بابك
ونظمتهالك لاجل تلقى اعجابك = واسمع غناها في معاليّك الآن


أ / ارحب على شحمانها والدلالي = ترحيبة ٍ ماقولوها الرجالي
غالي وابن غالي من احفاد غالي = يقولها قلب ٍ وينطق بها لسان
ب / بيتك ترى ماهوب ذا اللي سكنته = بيتك ترى بقلوب شعب ٍ ملكته
يعشقك يوم انك بصدقك عشقته = ويفرش لك من الود ورد ٍ وريحان
ت / ترى المحبه لله وشي من الله = وانا ابطلب شي وانته كفو ٍ له
لاجيت عند ابوك حبه وقله = هذا سلام ٍ لك من معيض شملان

ث / ثوبه بياضه من بياض السريره = ومسيرته ياحيها من مسيره
مساوي ٍ شعبه ومشمول خيره = عادل ومن عدله عدل كل ميزان
ج / جعله ربه رحمة ٍ للمخاليق = لين استقر وسط الصدور المغاليق
كم فك من كربه وكم بل من ريق = وعلى الظلوم اظلم من الظلم مالان
ح / حبه تعدا كل معنى ومنطوق = الين صار يردده كل مخلوق
ويدعي له اللي من عبايره مخنوق = يالله تجازي راعي احساننا احسان
خ / خواله اهل الجود اللي يعمر = شيوخ لاهل الطيب وشيوخ شمر
مايحبهم شارون ولا معمر = شمال نجد وذكرهم عند الالمان
د / داوى مريض وكفكف دموع ودموع = وجبر خواطر واضحك عيون موجوع
واصبح لكل الطيب والعدل موضوع = واحتار فيه الغرب روم ٍ وطليان
ذ / ذراه يذري كل حاير ومحتاج = من بعد ربي للمساكين فراج
عنده على كل المواضيع مخراج = شيخ وملك حكيم زيزوم بطران
ر / ربه يحبه جعل ربه يخليه = ومن حبه الله شفت ذا الناس تغليه
ياجعل عيني مايجي مايوم تبكيه = الله يحفظه من صواديف الازمان
ز / زيزوم ومحنك شجاع ٍ وقايد = فيه الكرم والحلم والعفو زايد
راسي مثل ضلع ٍ على الارض نايد = للسلم سلم وللمعادين بركان
س / سلام ربي عد ماهبت النود = عليكم انتوا ياهل الطيب والجود
انتوا هل العوجاء ذرى كل مضهود = للخيل فرسان ٍ وللحرب شجعان
ش / ششتوا وطوعتوا صعيبات الاخطار = بالسيف ولا بحنكةٍ لاهل الاشوار
والجار ثم الجار قدرتوا الجار = يوم انها ضاقت وقفتوا له اعوان
ص / صلتو وجلتو فوق قب الاصايل = محدن عليها اهتز ولاتمايل
من شرقها للغرب لحدود حايل = يوم انها بالسيف غالب وغلبان
ض / ضديتو اللي ودهم بالمضره = وسريتو اللي ودهم بالمسره
فر الزمن ياجاهل المجد فره = في صفحة التاريخ للعز نيشان
ط / طاولتو بهاماتكم كل هامه = حتى فرضتو للسعودي احترامه
في كل دوله ماينقص مقامه = عزيز قوم ٍ في دياره ومنصان
ظ / ظاهركم يبشر بكل البشاير = ولاينكشف بالظاهر الا السراير
يفسحكم الله يوم نشر النشاير = الشعب ينعم من رغدكم وشبعان
ع / عالجتو كبار المشاكل بالانصاف = من دون لاظلم ٍ ومن دون إجحاف
وهذي حقيقه قدم الاعيان تنشاف = ولا ينكر الاحسان ياكون عميان
غ / غلاكم اكبر من قصيد ٍ كتبته = لكنّ جاني الشعر يوم ٍ زهمته
قال الله الله واتكلت وحبكته = لين استمع له حابك الشعر بامعان
ف / فدا الوطن ارواحنا لاتكبر = اللي على داره وناسه تجبر
نكسره كسر ٍ يبطي وماتجبر = حنا على شان الوطن درع وسنان
ق / قلته وربي شاهد ٍ في كلامي = مادامني من ساس يام الكرامي
انحن على عهد الوفا للامامي = ندوس من شان الوطن كل خوان
ك / كلا وكلا يامحرفة لكتاب = كلابكم بثياب تحت اسم الارهاب
الله يعزك وانت من عز الانساب = لاتكترث حنا على الطغي طغيان
ل / لايهمك اللي حرفوا في الادله = ذولا بليا دين وبدون مله
بعقولهم من خدعة ابليس خله = متبريه منهم بعد كل الاديان
م / متعلمين الشرع علم ٍ محرف = متطرفين ٍ سميو بالتطرف
انردهم ونموت موت ٍ يشرف = ولايمس الدار ذل ٍ وحقران
ن / نارد على حوض المنايا ملاهيف = ما للعدو الا سيوف ٍ مراهيف
ياقوم ياقوم البدع والتخاريف = تحرم عليكم دار طيبه والاذان
ه / هذا الوطن اللي على ارضه ربينا = اللي بنينا كل مابه بيدينا
نموت بارضه مثل ما احنا حيينا = مانرخص ترابه ابد كيف ماكان
و / والله مانرضى على الدار خاين = حتى لو انه من هله والمداين
واللي مهو مصدق يجينا يعاين = غلاه داخل كل عرق ٍ وشريان
ي / يالله تعز الدين وتعز الاسلام = عمادنا دايم على طول الاعوام
وحنا مع اللي مايحرف بالاحكام = ومتمسك ٍ بالدين سنه وقران





هذي الحروف وكل حرف انصياعه = كنه يردد الك سمع ٍ وطاعه
ياسيدي ميقافنا لك طماعه = ماهوب لفلان ٍ ولاهو لعلااااان
ياسيدي لد النظر للمشارق = وان شفت نور الشمس طاهر وشارق
ترى مابينك انت وياه فارق = الا انك انسان ولا بأية انسان
في وجهك الاخلاص صدقه وطيبه = نور ٍ ينقي راعي العيب عيبه
وهذي حلايا ابوك ماهي غريبه = حصان وابن حصان خلف له حصان
ياسيدي لادق للحرب ناقوس = حنا لكم عضود وكفوف وضروس
تشوفنا لاجل الوطن نحذف الروس = يامرحبا بالموت من دون الاوطان
ابشر بعزك لا طغى كل غاوي = حنا لها على البلاوي بلاوي
نصول ونجول بنهار العزاوي = ونرز بيرقها لو تطيح الامتان
انصف صف ٍ واحدن مايتمايل = شباب ٍ وشيبان حظر وقبايل
ونردع على شان الوطن كل عايل = ميثاقنا إلين نربط بالاكفان
في ذمتي من قبل اشوفك احبك = محبة ٍ منها القصايد تهبك
اقولها والله ربي وربك = من دون لازور ٍ ومن دون بهتان
منت بكريم انت الكريم المكرم = اللي على كل الشبهات حُرّم
صقر ٍ ليامنه على الصيد صرم = شيهان بس منت بمثل كل شيهان
كتبت فيك من القصيد المصفى = اللي عن هزال المعاني يعفى
وشفت القصايد في سموك تحفى = وارتحت وانا قبلها كنت طمعان
حلفت ما اكتب فيك الا مية بيت = ولقيت نفسي زدتها يوم خطّيت
والمعذره ياسيدي كان زليت = الكامل اللي معتلي فوق الاكوان
وصلاة ربي عد ماطاير ٍ طار = على نبي الله شفيع الابرار
محمد ٍ خير الخليقه والاخيار = ويالله بختمان القصيده بغفران




[/poem]

يستاهل الممدوح وانت ما قصرت واريتك بيضا والمدح بالطيب ينومس كل طيب


صح الله لسانك ولا هنت


بالتوفيق

حلفت ما امدح من مهـو كفـو للمـدح
مانيب مثل اللي يطبـل علـى الـردح
وان قلت فاقدحها مـن عروقهـا قـدح
شاعر يراودني علـى شعـري جنـان
وان كنـت بمـدح بمـدح اللـي مبـدا
اللـي علـى كـل المـكـارم تـعـدا


يستاهل يستاهل

وصح لسانك يا معيض وبيّض الله وجهك

تحيتي ومتابعتي ياغالي

اخوك

الله الله

يامعيض

على ذالرائعه في رجالً يستاهل


صح السانك, صح السانك صح, السانك ,

صح الله لسانك ولا هنت


بالتوفيق

المشاركة الأصلية كتبت بواسطة مشعان البراق

,

ي / يالله تعـز الديـن وتعـز الاسـلام
عمادنـا دايـم علـى كـل الاعــوام

وحنا مـع اللـي مايحـرف بالاحكـام
ومتمسـك ٍ بالديـن سـنـه وقــران

هذي زبدة الكلام ,
والقصيده في من يستحقها .. جميله / وصح لسانك يامعيض على طول نفسك الشعري ,

كل الود ,

مررحبا يابو محارب


والزبده هي تواجدك المشرف


صح جسدك


ولاهنننننت

معيض


مبدع كالعادة .. ويستاهل ابو عبدالله


صح لسانك مدد .. وسلمت



تحياتي


..

اللهم صل وسلم عليه

صح لسانك يا معيض

ولا هنت

المشاركة الأصلية كتبت بواسطة بدر ناصر العجمي

يستاهل الممدوح وانت ما قصرت واريتك بيضا والمدح بالطيب ينومس كل طيب


صح الله لسانك ولا هنت


بالتوفيق

يامرحبا يالعجمي


صح جسدك طال عمرك


مرحبا ومسهلا ولاهنت ..

اللهم صلي على محمد

الطيب يستاهل المدح
صح لسانك يا معيض .. وأبيض وجه

تحيتي تقديري لك

الله الله

صح لسانك مدد يا كبير