بصمة حضور

السلام عليكم ورحمة الله وبركاته
ومبارك عليكم الشهر وكل عام وانتم بخير
ودي انزلها من ايام مير التنسيقات ما ضبطت معي
والشكر لأخي \ مشاري البرازي على تنسيقها
تفضلوا :


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
على الله توكل ياضميري وفك الباب=بعد ما صفى جو القصيد وكفخ طيري
وأنا والله ان قد لي ليالي وانا مرتاب=من الشعر وبحور الشعر والبوابيري
لولا مبدعين الشعر في منتدى المرقاب=أمداني طويت رشاي عن جمة البيري
زحول القصيد اللي يلذّ لأولي الألباب=تعرف المواريد وتعرف المصاديري
عليهم من ثياب الولا والجميل ثياب=مثل ما افقدوني وافقدوا زحّلٍ غيري
مشاغل وصيفيه وبعضٍ من الأسباب=ما يذكر ولكن جعلها خيره وخيري
ولو كان أغيب ادري إن نور القمر ما غاب=لا يزال فالمرقاب غيري شواعيري
رموزٍ لهم بصمة حضور , وغلا وإعجاب=مشاعر جماهير ازملاي وجماهيري
أسجل بكشف حْضور من بعد كشف غياب=وأقدم عن غيابي سمان المعاذيري
وأغنّي وأجر الصوت فالمرقب الجذاب=وبعيد المدى دونه طوال المشاويري
هذا والظروف أصناف وأمر الله الغلاب=نريد ويريد الله وتمضي المقاديري
بلشنا فما عشنا بودّى فلان وجاب=على الله وبالله ندهن السير ويسيري
في الأعراب من : (ما له محلٍ من الإعراب)=ولو كان من ضمن النجوم المشاهيري
وأنا أشفق بعض الأحيان على بعض الأصحاب=لهو حاملٍ مسك ولهو نافخٍ كيري
ليا هندبوا هنداب هندب لهم هنداب=ولا جرّوا المجرور جر المجاريري
أمورٍ بدون حساب وأمور بألف حساب=حسب معتقداتي وظني وتفكيري
تعلمت فالدنيا من الباب لا المحراب=وهذي مسانيدي وهذي محاديري
أوثق يدي في عروة المعطي الوهاب=هو اللي له إسلامي ونُسكي وتكبيري
الحرمان والمرقاب والحب والأحباب=هي أشد حوافز قصيدي وتعبيري
فعلى منتدى المرقاب ومعدي المرقاب=تحياتي وودي وشكري وتقديري

[/poem]


...