يابدر وصّل طيّب الصيت مشعان

مصافحه اولى للمواهب


من القديم أرسلتها مع بدر العصيمي لـ مشعان بن غزاي

تقبلوها كما هي ..

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
يابدر وصّل طيّب الصيت مشعان=أطيب سلامٍ تحتويه الرساله
وتحيّةٍ تنساق من قلب ولسان=فيها لعشّاق الجزاله جزاله
الشعر عدٍّ يآرده كل ضميان=لكن ماكلٍّ طوالٍ حباله
بعض العرب يآرد ولا يقضي الشان=عزّي لمجهوده وعزّي لحاله
والبعض إله في كل ساحه وميدان=مآقف شرف ماكل واحد يناله
وأنا ما أقول إني على الشعر سلطان=لو كنت سلطان الوفاء والشكاله
شاعر وأحثّ الراحله قدر الإمكان=وآرد على هدّاج وأشرب زلاله
واليا سمعت اللي على الدوح طربان=غنّيت والهراج مالي وماله
الغايه إني من طويلين الأيمان=وأعشق حليف الجود وأعشق خصاله
واللي مثل مشعان يابدر لا هان=ياحيّ منطوقه وياحيّ فاله
له منهجٍ واضح ومبدأ وعنوان=وليا بدأ ذكره يشّرف مجاله
هذا كلام اللي على الجزل شفقان=علمٍ بداله في ضميره وقاله
ودّه لإبن غزاي ياطير حوران=معه السلام وما إحتوته الرساله
واليا عطيته طيّب الصيت مشعان=قّله ترى أطيب من وصوله وصاله [/poem]

وعفاكم ..