( لملمة جروح ) لـ : عمر الدغيلبي

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
بين لملمة الجروح و بين جرح ٍ دامي=إنفتح ركني و توّه بادي ٍ مشواره
بين نزف الحرف في ركني وخط أقلامي=زان جو الشعر والهاجوس شبت ناره

[/poem]

( وليد )

ليس مجرد صديق

( وليد )

هو الأخ الذي لم تلده أمي

صاحبته منذ بداية دراستي الثانويّه ولا زالت صحبتنا مستمّره وشائت الصدف أن نجتمع في الدراسه الجامعيّه


كان السند عند ضيق الظروف

وكنت له العزوّه إذا جارت به الأيام



عايشنا الظروف المرّه سويا ً وكان كلا ً منّا يشدّ من عزم صاحبه متى ما إرتخى أو أصابه إحباط


أتاني في الصيف الماضي ضايقا ً متكدّرا ً من ظروفه الخاصه


فجاوبته قائلا ً :



[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
ياصاحبي وان كان ضاق الصدر لا تحمل هموم = عنّز عليّه والهموم اللي تجيك أشيلها
ما دام مثلك لا دعيته فاللوازم لي يقوم = قرم ً يناطح للصعاب وفي يده تسهيلها
أبشر بذيب ٍ معك فالشده وفي وقت اللزوم = يفديك وثقال الحمول المهلكه يرسيلها
يفديك لا منك زهمته في دفاع وفي هجوم = ماهمته نفسه ولو هو حاين ٍ ترحيلها
صاحبك للخوه يصون وحافظ ٍ عهد وسلوم = للرفقه اللي لو يدور الوقت ثابت حيلها
وليد يا القرم الشجيع اللي على الوقفه يروم = الصاحب اللي رفقته مامثلها في جيلها
لا جار بك وقتك واعز الناس خلاك مهدوم = نذر ٍ عليه يالعقارب ذيك لا أقطع ذيلها
اللي كسرك اكسره كانه هاوي ٍ كسر الخشوم = إلين يعرف غلطته و يعوّد لتعديلها
اللي يقدّر صاحبي نحسبه من عد القروم = واللي يضرّه نفسه العوجا مسوّد ليلها
وليد وان جارو عليك الربع انا لك و مخدوم = ما أعدك إلا قطعة ٍ مني وصعب أزيلها[/poem]

من ( الخبر ) إلى ( شارلوت )


ومن ( عمر ) إلى ( فيصل )




[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""]
يافيصل اصمد وماضاقت فوجه القروم = شرواك لا كبرت الدعوات يشتالها
خابرك حر و على روس العوالي تحوم = والأوله من خلقك الله من إرجالها
ذيبن ليا من نخوك القوم دايم تقوم = تاقف و وقفتك أنا شاهد على أفعالها
لا لا تضايق ولا تجعل همومك تدوم = من شان تقدر على خطتك وإكمالها
صحيح فالغربه العيشه تجيب الهموم = مير الشهاده لزوم تشد و تنالها
فكر لمستقبلن يبني كبارالحلوم = والنفس ترتاح و العيشه تحلالها
ترى الشهاده تعزك يوم رفع الخشوم = يوم العرب بالمناصب شايفه حالها
تغنيك عن منة اللي ما يسد اللزوم = اللي ليا كبرت القالات ما طالها
لا جيت كل العرب لجلك تبيع وتسوم = وتقول وقع عقودك وامسك اشغالها
أقولها و أنت ما ناقصك عرف وعلوم = تعرف ظروف الحياه و كيف مدخالها
لا جاتك الضيقه وعيّت تصد و تشوم = ازهم عليه و أنا بطفي إلك إشعالها[/poem]

( مسنجريات )

نايف الحميدي :











الله يعين اللي قضى الليل مانام
في ذمتي ما هوب ويا السعاده

عمر الدغيلبي :









راحت حياته بين هم ٍ مع أوهام
بالمختصر صارت حياته نكاده

نايف الحميدي :








ياكم يعد من الليالي و الأيام
زراع لكن نكبته في حصاده

عمر الدغيلبي :








ياكم رسم فالبال تخطيط وأحلام
مير البلا عيت تجيـه بمـراده

نايف الحميدي :










حظه ردي والحظ لاطاح ماقام
يبطي عظم حتيش كل اجتهاده

عمر الدغيلبي :









لو الهنا يشرى لأزيد إبه الأقيام
وأرتاح من هم ٍ عبدني عبـاده

نايف الحميدي :








هم ٍ ملازمني من اسنين واعوام
والقلب ماله في هجاده جـلاده

عمر الدغيلبي:








هم ٍ بوسط القلب يفحمني إفحام
من سبته ذقت العنا و القـراده

نايف الحميدي :










عيا يروح وكل مارحت قدام
كشر لي بنابه وثور زناده

عمر الدغيلبي :









عسى الولي يحكم على الهم بإعدام
وأذوق طعم النوم فوق الوسـاده

إلى والدي الغالي :

[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]

يا أبوي حبك وسط قلبي يبني كبار الصروح = يشهد على ما اقول علام الخفايا كلها
يا أبوي شوفك يبري العله وتشفى به جروح = ولا غبت دار ٍ ماتجيها مايظلل ظلها
أرتاح لا شفتك بخير و ضيقتي عني تروح = شوفك يكفيني عن الدنيا ومن في حلها
أنت الأبو و أنت الأخو و أنته رفيق ٍ لي نصوح = ياكم نصيحه منك جتني لين صرت أفطن لها
ياتاج راسي يا بعد روحي يا أبو قلب ٍ سموح = إن كان ما القيفان غنت فيك ليه أشلها
يمناك من فوق القمم بالطيبه دايم تلوح = واسمك على روس السطور العاليه محتلها
لك فالحشا حب ٍ كبير ٍ ما توفيه الشروح = تعجز بيوت الشعر عن وصفه بوسط سجلها
أنت الأمل عندي وبري فيك مابعده طموح = والطيبه منّك و من طيبك عرفت أدلها
من صغر سني مصغي ٍ لك دوم لا شفتك تبوح = يالشامخ اللي وقفته من فالعرب ياصل لها

شيخ ٍ وبابه ما يرد و دلته دايم تفوح = كريم و صفات الكرام الطيبه كفو ٍ لها

[/poem]

إلى ( أغلى الوجود ) و إلى ( أقرب الناس ) و إلى ( أحن القلوب )

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=left use=sp num="0,black""]
صحيح اني كتبت من القصايد = كثير و ما كتبته كان جايد
ولكن لا نويت أكتب قصيده = عن أمي غصب أعبيها فرايد
وش أوصف من حنان أمي و أعدد = أببطي ثم أببطي بالشهايد
أنا روحي فدا أمي دون منه = و ألبسها من أبياتي قلايد
حنونة قلب ربتني و كانت = تخلي لي يديها كالوسايد
ليا مني مرضت النوم يبعد = عن أمي مير تصبر بالنكايد
تشربني دوايه لين ربي = يشافيني من أمراض ٍ تزايد
ألا يمه ألا يا بعد روحي = فداك جموع وأقوام وبدايد
هبيتي ثم هبيتي يا القصيده = توفين بشعوري شي كايد
أنا ما قصدي أوفي جزاها = ولكن شي للتوضيح رايد
ألا يا رب أنا طالبك طوّل = لي بعمر أمي أعوام ٍ مدايد[/poem]

أبارك للخوال و أقول :

[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
مبروك مبروك مع مبروك بزياده = كسب الغنايم ولو هي عندكم عاده
أبارك لناصر و ببارك لخالد = لو كان ما هم بحاجة مدح و إشاده
إن كانها بالصقاره وين موقعهم = الصيد ناصر وخالد دايم أسياده
وإن كان أبعد فعل وبذكر أمجادي = ديواني اليوم ببدا خطة إعداده
ناصر ليا قلت ناصر والاسم كافي = كافي ويوفي عن التوصيف ومراده
صيته شهر بالفعل ماهو بتهريجي = حتى الحرار بيمينه تاخذ رياده
مركازه الأوله و الأوله تفخر = تفخر بناصر ودايم تذكر أمجاده
وأخوه خالد ليا قلنا و عددنا = يتعب قصيدي وخالد سبة إجهاده
تشهد له الناس مجبوره ومنقاده = من فعله اللي تروق العين لشهاده
الطير في حب خالد دايم موّلع = لأنه على يده دايم ساعة إسعاده
أول حبارى كسبتوها وأخذتوها = بألفين وتسعه وخذ هرجي مع وكاده
يوم الخميس وعلى وضح النقاء بانت = والجير خلا الحبارى تحته وساده
لو قلت لو قلت ماني موفي ٍ حاجه = ناصر وخالد هل المقناص وأسياده
[/poem]

صوت / عمر الدغيلبي

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
راكب اللي يشتهي طرق الطرايق = ما تعذر لي على الميقاف ساعه
لا مشى فالدرب ما يلقى عوايق = ناصي ٍ له قرم في شوفه طماعه
أسود ٍ لونه كما نتاج الحرايق = ماركبه اللي مشى درب اللكاعه
يا محمد جيتك أقول الحقايق = و أنت شاعر فيك قدر ٍ و إستطاعه
قافك المطنوخ يابن العم فايق = ليه يا محمد حكمت إله إنقطاعه
خل غيرك لا قرالك ثم وايق = قال صح لسان من هذا بتاعه
أشهد أنه جزل للجزلات سايق = حاكم الأبيات و مثبت شراعه
جاد بالتصوير وأشبع به ذوايق = أشهد أنه يكتب الشعر ببراعه
أشهد أني للجزاله منه تايق = من بداية قافه لآخر يراعه
من قصيدك يامحمد صرت رايق = يوم كل ٍ قام يحزم في متاعه
آه من ناس ٍ على الساحه تضايق = من سمعهم قال يا شين البضاعه
ماوجد في شعرهم حاجه تلايق = مستوى الموروث وتزيد إرتفاعه

والختام أدعيك يا رب الخلايق = شعرنا يرقى ولا يتم إنجضاعه

[/poem]

صدى / محمد بن نايف الدغيلبي

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=left use=sp num="0,black""]
مرحبا ياللي تخايل للبرايق = في سنام المجد ما يرضيك قاعه
شبل قوم ٍ ماتراخى فالضوايق = وان تراخى الطيب بالكفين صاعه
ياعمر وان كان للأشعار شايق = لا تعجل فالسفر شيك متاعه
وان بغيت علوم تبشر بالوثايق = مانجيب الهرجه ألا من قناعه
ماعليك قصور للأحمال طايق = يارفيق ٍ تكسب العليا ذراعه
ناشدي عن ذيك الأبيات العشايق = علها وصلت كبيرين الجماعه
الشعر ياصاحبي شعب وعرايق = سيد القيفان له سمع ٍ وطاعه
كل بيت ٍ من بيوت الشعر لايق = أعشقه من قلب وأولع به ولاعه
ياردي القاف من ضمن العتايق = ماتجي فالبيت جعلك للقطاعه
ان كتبت الشعر من طيب العذايق = أكتبه من ورث ولا من شجاعه
ما نحسب للثواني و الدقايق = لو نصيح الرجم تعوي لك سباعه
في عمامي من يغوصون العمايق = في بحور الشعر ودروب السناعه
في خوالي من يغرفون الرحايق = صافي ٍ بيته ولا تلقى الدناعه
سيفنا المذخور يغدق به غدايق = صانع المعنى و ياطيب الصناعه
القفول اللي لها مده غلايق = جيت اعلمها مذيعين الاذاعه
ما تعودنا نجيهم بالدرايق = ما ارتخى راسي وله عندي مناعه
والختام أخذت من زين الحدايق = ما ملا عيني و ولعني ولاعه
[/poem]

صوت الشاعر / محمد بن مطلق الدغيلبي

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=right use=sp num="0,black""]
راكب اللي وإن مشى يدوي زفيـره = وارد اليابـان قطـاع الخـرايـم

من طراز الشاص والضامن خبيره = عن صقيع البرد وحرور السمايـم

وردوه المملكـة شبـه الجزيـره = منوة اللي عن محل الهون شايـم

نصه الخفجي غلا عن كـل ديـره = واحدن للمرجلـه والطيـب رايـم

ياعمر لو صارت الدعوى كبيـره = مايحل المعضلـه غيـر الصتايـم

ياسفير الطيـب مـدري ياوزيـره = الوكاد انـك محـل الطيـب دايـم

صاحبك خلا الهوى روحه كسيـره = موق عينه عن لذيذ النـوم صايـم

سبة اللي مالكـن قلبـي واميـره = من فراقه صارت اضلوعي حطايـم

ماهوى قلبي من الخفـرات غيـره = ميـر دون الزيـن نقـال النمايـم

واحدن عندالقفى يشعـب بعيـره = كاشف الغـرات ملعـون الرسايـم

يا عريب الجد ما دونـك ذخيـره = وانت ذخري عقب ما شفت الهظايم

إن فقدت السيف لا تنقـل جفيـره = وأنت سيفي كان طشينـا العمايـم[/poem]

صدى / عمر الدغيلبي




[poem=font="Traditional Arabic,5,royalblue,bold,normal" bkcolor="transparent" bkimage="" border="none,4,gray" type=1 line=1 align=left use=sp num="0,black""]
مرحبا ترحيبة ٍ يمك مغيره = مرحبا بالذيب كسّاب الغنايم

جتني بيوتك و بالمبنا خطيره = جعل من خط البيوت يعيش دايم

يابن عمي مثلك يحل العسيره = ياولد من حط للضيف الولايم

ياشبيه العود مدري ياخشيره = بالفعايل و المواقيف العظايم

جيت تشكي من علاقات ٍ مريره = جيت قلبك في بحور الحب عايم

كان قلبك فالهوى خلك يديره = اتركه ما للهوى و الحب سايم

راعي الفتنه ترى يده قصيره = مايدس السم كان الزين هايم

ياحزامي راعي اليمنى الشطيره = محزمك عند الطلب حاظر وقايم

ان نخيته فالمواقيف الكبيره = طش لك ما يملكه قبل العمايم

ياولد من هو على العليا مسيره = مطلق ابن حمود نزّاح الزحايم

من ختاريش ٍ لها فعول ٍ شهيره = روس قوم ٍ ما يعرفون الهزايم

من بني منعر مطوعة العسيره = عزوة خزام الشجاعه و الكرايم[/poem]

( كيف ؟؟ )



[poem=font="Traditional Arabic,6,crimson,bold,normal" bkcolor="transparent" bkimage="" border="groove,4,crimson" type=2 line=1 align=center use=sp num="0,black""]
كيف بعت الحب و العشره بعد ماكنّا ؟ = قلب واحد والوفا كنّا نصون عهوده
كيف تتركني مع الهوجاس دوم معنّا ؟ = عايش ٍ جسمي وروحي للأسف مفقوده
أنظم القيفان كالمجنون بك وأتغنا = ياوجودي وجد من خله مبيح سدوده
لو يطول البعد أنا وافي معك وأتمنّا = شوفتك تسوى بقايا عمري المعدوده
عاشقك مغرم وللجيّه ترى يستنّا = لا تطوّل بالغياب ولا تزيد صدوده
إلحقه من قبل عقله لا يصيبه جنّا = ثم بَعَدْها هات من يقدر يفك عقوده
لو نشدت القلب من لجله يزيد الونّا ؟ = جاوبك ثم قال ماغيرك يفت عضوده !!
بنشدك قلبك علامه كالحجر ماحنّا ؟ = كيف واللي عاشقك قلبه هواك يقوده
لو طلبته بالهجوم يشن حربه شنّا = ويش عنتر قدم من حبك يجي مجهوده
لا عشقنا فالهوى كم ياحبيبي صنّا = نرخص الأرواح مانعرف طريق العوده
مانخون العهد لو تنشد وتسمع عنّا = نوفي الميثاق ودروب الغدر مسدوده
لو تهين الحب وحقوقه ترى ماهنّا = ما تعودنا نهين و للغرام حدوده
روح جعلك مع عواذيل الهوى تتهنّا = ثمّ لا ترجع على قلبي عشان تزوده[/poem]

( يا حسين الوصف يا راع الصفات الندّر )



[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا حسين الوصف يا راع الصفات الندّر = لا تعلق قلبي المسكين دون إفاده

قلبي المسكين يا خلي تراه مكدّر = لا تزيد الصد قلبي لا تزيد إجهاده

لا تقول الظرف مبعدني وشي مقدّر = لا تضحي بي وقلبك لا تطيع عناده

حبك اللي فالحشا للأوله يتصدّر = صاينه ما همني لو كثروا النقاده

لو تزيد الصد يبقى فالقمم ماحدّر = مير يا ظالم ترفق بي بلاش زياده

لا تخليني كذا صبري يروح مهدّر = ماكسب منّك ولا حاجه تسد مراده

قلبي اللي عن جميع الناس فيه مقدّر = لين ما أنته صرت في وسطه تسيد أسياده

كيف تسمع للعواذل كيف صرت مخدّر ؟؟ = كيف خليت العواذل قايدتك قياده ؟؟

كم نهيتك عن كلام ٍ من وجيه ٍ ودّر = كم نصحتك مير هرجي ماقضبت وكاده[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

أهني مملكتنا و أتغنّا = من بيوت ٍ سمان وماتثنّا

وأبارك للسعوديه وأهني = وجعل العيد عايد ياوطنّا

عسى الله يحفظ الشعب ومليكه = بخير وغير هذا ما أتمنّا

عسى عز الوطن دايم وعامر = وعيده دوم بأفراحه مهنّا

وجعل اللي نوى في يوم ضرّه = يرد الله كيده دوم عنّا[/poem]



4 / 10 / 1430

( الجادل )


[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لا يا دكتور لا تشرح ترى فكري مهو موجود = خذته الجادل اللي تسلب الفكر بمشاهدها

بغيت افهم بغيت اقوم اشارك بس انا محدود = بيوت الشعر اهندسها لجل عينه و اجددها

ألا يا الجادل اللي بيّحت فوق السدود سدود = ترى الله يرحم اللي يرحم عباده و يسعدها

كتبنا فيك قاف ٍ ما عليه من العرب منقود = عسى قلبك يحن و طاري الفرقا يبّعدها

تعالي ياحلاة الشعر ابقطف لك من العنقود = ابسمعك البيوت اللي عشانك قمت اعددها

عسى هم ٍ تجرعته من فراقك ماعاد يعود = وعسى الافراح لا شفتك تواعدني و اواعدها

على عهد الوفاء نرجع على ماضيّنا المعهود = ألا يالجادل اللي تغصب الشاعر يمجدها

ألا يالجادل اللي تفهم المنشود والمنشود = مشاهدها بخير الغايه اللي دوم أناشدها

لو ان الشعر من دون الغزل كان الطعم مفقود = و لو ماقلت انا فيك القصايد ليه انا اقصدها

عسى ربي علي يشهد وكل الخلق معه شهود = بنيت الك القصور اللي فوسط القلب موجدها

ختام القول انا بطلب إلهي ربي المعبود = يلم الشمل والعذال لعبتهم ينكدها[/poem]

1 / 10 / 1430


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=right use=sp num="0,black""]
لفانا العيد ثم حل المعايد = و أنا ما بين همّي و النكايد
أجامل عزوتي وأضحك معاهم = وهمّي فالحشا بالحيل كايد
سبايب خلي اللي قل وصله = ولا أدري من فراقه ويش فايد
تركني دون سبه من تركني = و أنا بعده قصايد في قصايد
أجر الصوت مامخلوق يسمع = ونين ٍ منه هزيت الحدايد
يمر الليل حالي هوّ حالي = وهمّي من تزايد في تزايد
أنا ودي أبارك له و أهنّي = مثل باق الحبايب فالعوايد
أنا ودي أقدم له هديّه = و أعايد مثل ما غيري يعايد
ولكن صاحبي قاسي عليّه = وصبري طال ماشفت الفوايد
ألا يا راعي الصدّه تسمّع = و خذ مني إفادات و وكايد
ترى وياك فرصه لين باكر = تجي آسف قبل حل العقايد
وإذا ماطعت هرجي واستمعته = فمان الله ماني فيك رايد
عمر باعك معا ماضيك كله = وحط إعلان في كل الجرايد
يقول فنصه الخاين يخلا = و الا لا عاد حبن فيه سايد[/poem]

صوت / عمر الدغيلبي

[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=right use=sp num="0,black""]
على مشعان بَسْنِدْ لي قصيده = جديده في معانيها فريده

وأقول البيت لا مني قريته = أعيشه عيشة ٍ ماهي سعيده

تقول إنّك تبيّن ما خفيته = كتبته بإختصاره مع مفيده

ليا منّي قريته ياوجودي = وجود اللي همومه ما تحيده

تعنّا في حياته ما تهنّا = وعاش العمر بظروف ٍ شديده

يقاسي لوعة ظروفه يقاسي = لو إن ظروفه ظروف ٍ عنيده

وجودي مثل وجده لا توّجد = على اللي لا رحل صعب ٍ معيده

طرحني قايد الخفرات يومه = رحل ماشاف في قلبي رصيده

رصيد ٍ ما يحسّب فالمصارف = يزود ومانقص لحظه مزيده

ألا يا صاحبي مشعآن قلي ؟ = و فسّر لي كلامك ثم عيده ؟

تقول الهجر مبروك ٍليا من = لفت بعدهْ قصايدك العديده

أنا وش حاجتي للشعر بعده ؟ = وطعمه فاقده عقبه فقيده

صحيح إني أعبر عن شعوري = وأوصلـْه لمسافات ٍ بعيده

ولكن ثم لكن ثم لكن = معاه الشعر له صوره جديده

رسمها وصله و كثر إتصاله = وهرج ٍ بالعسل كنه يزيده

وزول ٍ تبطي الأزوال عنده = وفرقه فرق ماسه عن حديده
[/poem]

صدى الشاعر / مشعان البراق

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
هلا بـ .. اللي مطاليعه بعيده = بعد ما آسند على اخوه القصيده

كتب ما دك في صدرّه / هنيّا = ماهو :- عبر المجله والجريده

ارحب به من اعماقي واهلّي = عضيد ٍ .. فرحته شوفة عضيده

لو انه يوم غنّا ما ترك لي = من بيوت القصيد .. ولا شريده

آخذ عني الشرايد .. كلبوها = وخلاني كذا ( على الحديده ) !

ومع اني تالي الايام .. كني = معقّل هاجسي .. ما اطلقت قيده

لكن .. الله يجملني , وآحاول = اجاريه فـ .. قصيدته الجديده !

واوضّح له وش اللي في ضميري = وويش اللي بغيته يستفيده ؟

الا يا مشتكي من هجر خلك = ترى الدنيا .. ماهي دايم رغيده

ولا آحدن دايم ٍ فيها .. مخلّد = ما اقول الا عسى سنينك مديده

لكن : الشعر له بعض المواقف = ما تنسى في التواريخ المجيده

آله ماضي وآله حاضر وتبقى = له أمجاد ٍ .. مع الشاعر تليده

تسطّره المشاعر .. في سجلّه = ويجري .. مثل دمّه في وريده

وعيده .. كل ما آحياء ذكرياته = يسج عن العرب لا عاد عيده

وياصل لـ .. لثريا من مكانه = ولا شي ٍ .. مع افكاره / يكيده

هذا ما دار في بالي .. وقلته = وشاكر لك .. مساعيك الحميده !
[/poem]

يا كـ ح ـيل الـ ع ـين


لا ترمي سهامك


فيّه


قلبي رهـيّف ولا يـقـوى


يــرد >>>>} ( سـهـامكــ )

يا مطرّي.
.
البـ (ع) ــد.
.
.
بـ (ع) ــدك.
.
(ع)ـــننّا .
.
(ع) ـــادي.
.

لا تكْثر الهرج يالله رفرف ( إجناحك )

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

يا الله جيتك معي شكواي = وأرجي فرج همي وحلّه

يالله يا سامع ٍ دعواي = تبري حياتي من العلّه

رجواي يا رب يا رجواي = أهنا على الكيف والدلّه

ما ابي همومي تعود جاي = فالقلب بسيوف منسلّه

خطاي همي يشل خطاي = ويتل روحي معه تلّه

لاجيت أبسلى وأبي ملهاي = عود على القلب وإحتلّه

وش هو دوا علتي وشفاي = دلوني الدرب ما أدلّه

يا سامعين الحكي ونداي = عيني من الدمع مبتلّه

[/poem]

[poem=font="simplified arabic,5,crimson,bold,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""] ان كان صدك لنا يرضيك = زود على الصد صديني

ماعدت غالي ولا نشريك = بالكاش ولا على الديني

كم قلت جعل الولي يهديك = بكره تدور علي ويني

مير الزمن جاب لي تاليك = يوم إنكشف وجهك الشيني

كم قلت أحبك أنا وأغليك = كم قلت لك يا بعد عيني

يا للأسف آه من ماضيك = يا للأسف راحت سنيني[/poem]

[poem=font="simplified arabic,5,gray,bold,normal" bkcolor="transparent" bkimage="" border="groove,4,silver" type=1 line=1 align=center use=sp num="0,black""]

من عادتي دمحة الزلّه = لا جات من صاحب ٍ غالي

بس البلا بعضهم علّه = ما ثمّن القيل و القالي

[/poem]

[poem=font="traditional arabic,6,teal,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

الغلطه اللي تجي من صاحب ٍ غالي = عاهدت نفسي لألد العين وأتركها

[/poem]

[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
يا جرح قلبي من سهام ٍ صابته وسط الصميم = جرح ٍ عجز عنه الطبيب ولا لقيناله علاج
[/poem]