تعالو معي نشوف شخابيط شاعر .. مفوه !!!

شاعر لطيف رقيق المشاعر .. غضوب أنِف .. ذو مزاج رائق أحياناً .. عصبي في فترات ليست بالطويله ..!

تسعد بلقائه .. تأنس الى محادثته .. يقنعك برفق .. ويرسل لك العبارة الناقمه في إطار مغلف بالحلوى ..!

تبتسم عفوياً حتى عندما تشاهد رقمه على هاتفك الجوال



تسعد كثيراً إن رأيته على شاشة الماسنجر .. لأنه غالباً يظهر ( غير متصل ) في أحيانه ( المكركبه)

يظهر بشكله الجدّي في أحيان كثيره .. مع ظهور إبتسامة خفيّة لا يدركها الا من اقترب من روحه الزكيه النشطه

أبياته الغاز
وعباراته شعريه بحته
تدرك في الحديث معه انك في مجلس الأديب الفلاني
أو في قمة الشعر الجاهلي القديم
قصصه متتاليه .. ومواقفه غالبها مضحك
لا يهدأ له بال الا في ظل بوح مشاعره الرقراقه << لا تسألوني وش الرقراقه

مبدع الى حد الجنون .. مجنون الى حدّ يجاوز الإبداع

وبين مسارات ذلك الطريق تجد شاعرنا الجزل ( منكس عقاله )

لا يهتم بالشكليات .. ولا يأبه بالتوافه .. ولا يدقّق في السقطات
يرنو الى العلا .. ويخطب ودّ المراجل (خارجوا انفسكم مع يرنو )
لن أوفيه حقه من العبارات .. بقدر ما اغرقني من الأبيات
اترككم معه .. في اليسير مما تم تدوينه له
وهو لا يعلم
لعلكم تشاركونني تشرّب ذلك المعين الصافي من الشاعرية الممزوجة بالسخرية والخصوصية

وفي نظري انه شاعر لن يتكرر
على أقل تقدير في حياتي القصيرة << تكفى يـ الفرزدق

شاعر يصف ما تقع عليه عينيه .. بأسلوب رائع مؤثر .. وبعبارات بسيطة معبرة
لا يترك المشهد الذي يعجبه يذهب ( على علاته ) بل يتتبعه بهجينية محترمة .. تخلّد سيرته .. وتذكر الكل بلحظته .. !
يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] اصلع حليوه وعلاقي = وفـالمطبخ مشغّلن لابه
ارجوك قلّي وش الباقي = يا مضيّع الفاس فـالغابة [/poem]

وبشكل آخر .. يرسل للمحبوب رساله طلب الحضور .. مع إيضاح معاناته البائسة
مع إيحاء صريح بان الشوق له أتى مقترناً بظروف الطقس المزعجة .. وإنهاكه المفرط + غضبه المتأجج في صدره ..!
مع رغبته الشديده في النوم << يا حبه للنوم يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] الجو كايف وأنا تعبان = الجو بالحيل هيضني
تعال يمي ترى زعلان = أبغاك تنام في (......) [/poem]

لا ينتظر شحذ مطالبه .. أو تقديم الخيارات لرغباته .. يفصح عما يدور في ذهنه بإستمرار
ويبين ببيتين من أجمل ما قرأت في الجوع .. يبين فيها مدى تأثير الجوع في جسده .. بسبب الخليل الذي لا يقدّر تلك الظروف
تقدرون تقولون شخص ما يتحمل الجوع ..! << يا لطيف يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الجوع كافر وانا مسلم = واللي احبه مجوعني
دخلت في حيه المظلم = وصرخ عليه وروعني
[/poem]

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الجوع ياثر على التفكير = وانا من الجوع متأثر
ودي بقصيدة طعمها غير = لكن ماودي اكثر
[/poem]

حكمته متجليه في نظرة عيونه .. !
يرسل عبارات الغزل بصور الحياة اليومية .. يرى ان الحب كذبه .. ورشاوي وشقاء .
ويعتقد ان الفطرة ولا أحلى ..! يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] الحب من وجنتك انقى = والهرج من مبسمك بخشيش
والصدق من دوّره يلقى = طول المسافه وطيـب العيش
اللي يحب الشقى يشقى = واللي يحب الحياه يعيش[/poem]

غيور لحدّ التعزير في الشيء الخاطئ الدخيل على العادات ..
يتمنى الردى .. وسخط الرب على الكاسيات العاريات الفاتنات الممتلئة بهن الاسواق ..
بأسلوب ولا أبلغ .. يقول :


[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الله يلعنكن ويلعن جدفكن = يا اللي بالاسواق الرخيصه تمشن
بعضكن اشوا والبلا من بعضكن = اللي للافكار الرديه يقشن
[/poem]


لا يعترف بالتفاهات من القنوات .. مهما عارضه الكثير .. ويتمنى لو كانت له الصلاحية في الالغاء والحذف .. والتعديل ..! ليترك ما يرتاح اليه مزاجه .. ويوافق رغباته الشبابية ..!
<< الله لا يوليه على مسلم .. يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] انا نويت الغي الساحه = والغي معاها العربيه
والغي فواصل مع الواحه = واترك دبي الرياضيه[/poem]

قبل ان يفكر في الألم يتفوه ببيت على السليقه بمصدر الالم المزعج
و ما يشتهيه من الطيبات << الله لا يضره

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ضروسي اليوم توجعني = ونفسي بحلاوه طحينيه
[/poem]


يتبع


vvv

vv

v

لا تسأل عن قلبه في حاله انشغاله بالتفكير في السفر .. او مع اقتراب موعد اجازته ..!
يحرص على الجليس .. وتعجبه مؤانسة الصاحب

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] كب اللعانه وطاوعني = واترك كلام الحونشيه
القلب سافر وودعني = برا الحدود السعوديه [/poem]

عندما يعشق المكان .. يضحي بكل ما يملك من اجله
وعندما يعشق الأوطان .. يهيم بأهلها .. وبترابها وما تحويه من معالم المحبين
وسوالف العاشقين .. و يدافع عن الشوق والمحبة ومشاعر الجيّاشة بهذه الابيات :


[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما اقصدك والشوق يصرعني = والشوق فطره الاهيه
انثرني هناك وجمعني = واكتب حكايه غراميه

[/poem]



يطربني تعبيره عندما يتجلى لنا في ثوب النصح .. ويرتدي رداء المجرب .. !
ولكن مع هذا وذاك تجده يشتكي الهيام .. وتظهر عليه آثار جروح قديمه سببتها له اللوعه .. والحب المهلوس .. ! الذي لا يصحيه من نومته الا بطرق جنبات عقله ..!
<< يا عقوبتنا منه وبس .. يقول

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] اهم حاجه ترى الأخلاق = يا الشاعر اللي ماهو دايم
واللي حصل له هجر وفراق = ماهوب نايم والا قايم
يومي براسه مع الاسواق = ولاهوب بايع ولا سايم
ودك تلفه بكم طراق = من بعدها يصحي الهايم[/poem]

لا يملك من الوقت الكافي لطرد سراب المحبة .. والإيفاء بترتيبات الغرام الزائف ..!
ولا يتحمل المواقف المزعجه التي تؤرق نومه .. وتدعوه الى التتيّم في وقت لا يرى أنه حان للتعلق بمثل تلك التفاهات .. !
يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
القلب هايم وانا ملهوف = يا واد قلي وش القصه
حبيت حصه وزعلت نوف = يلعنك يانوف مع حصه
[/poem]

اعتذاره رسالة صريحه لا تترك في النفس الما .. ولا تترك للحسود مدخلاً ..!
ولا يعكر صفوه كما اسلفنا شيء .. بل يدمح الخطأ .. ويعتذر لمن يراه اجحف في حقه
بنفس طيبه .. وكلمة هادئة صادقة .. يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اللي ذكرني بعد ما وصل في سفوه = ليته صبر له دقايف قبل يذكرني
والله ما ني بحسبها منه هفوه = لكن ابمزح ولا به شي عكرني
انتم على البال لو الجفن به غفوه = دايم على البال لو الكل ينكرني
مير الوعد بيننا لا جيتوا الدفوه = وسط الشرايع يجي واحد ويشكرني
[/poem]



برساله جوال يترك لك الأبتسامة ترتسم على الشفاه في كل قراءة لها .. ولو بعد حين ..!
يصف الحركه .. والمسير .. ويصوّر التعب والضنى بأسلوبه الرائع الطريف
يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ياعميش سلم على عمشا = اللي ليا جيتها عجلي
تعبت وا تعبني االممشا = نص المسافه على رجلي[/poem]


تزعجني شكواه .. وتأسرني مشاكله .. فأترك ما يهمني لأجله
فهو قريب الى الروح .. وهمّه ينتسب اليّ ان رايته متأثرا .. يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يا ابو قطن حالتي حاله = اخوك همه على كتفه
يا ليت قلبي على فاله = ما جاه وقفه ولا لفه
[/poem]



حياته متقلبه .. وافكاره مزعجه .. وأمنياته ليس لها حدود .. ولا تبقى في نطاق الوطن غالباً !
يتهكم بتشبيهاته العابره .. ونظرته الفنية الرائعة .. يقول


[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
دنياي ياصاحبي عكسي = ياما وياما تمنينا
ماشفت من خلقتي عبسي = ولا شفت عدنان مع لينا
[/poem]


يستطعم الشعر .. وترتقي به ذائقته الى الجميل منه .. والجزل الرائع من مفرداته .. !
يكره القصائد التي لا تزيدك الا سقماً .. وعلة داخلية .. وحرقة في الأحشاء ..
يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بعض القصايد بلا عنوان = تزيد منها الحموضيه
ماغير اغني يليل دان = واشرب حليب السعودية
[/poem]



وايضاً هنا يبدع ببيتين باسلوب سخريه لذلك الشعراء الذين يتغنون باسم الحداثه

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياحياتي والسماء ديكور والارض البلاط = والجسد جوال والروح ياروحي شريحه
اطلعي فوق السحاب وابسطي فوقه بساط = احلبي نص السحاب وسوي الباقي لتيحه
[/poem]


يصف بطريقته وبأقرب ما يجده من الحيوان أو الجمادات .. بأسلوب مرح جميل يروق للقارئ ويطرب له المتلقي يقول :


[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] عيون خلّي عيون الثور = والبطن بطن السلوقيه[/poem]


في الختام انقل لكم أحد الرسائل الساخره منه لي ولكم الحكم عليها
وعلى هذا الشاعر الفطحل ..
يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يا ابن قطن وشهي الهرجه = من يوم جيتك وابا البرحي
لقيت انا الداب في خرجه = وحسابه يقول بالطرحي
ما حصل اخوك لو فرجه = مدري متى يكتمل فرحي [/poem]


،،،

،،

،

قبل ماانسى

كما لايفوتني ان الرجال راعي فزاعات ويحب الشفاعة الحسنه ولا يهمه ذلك حتى عند رجال الامن وموظفي الدولة مع اعترافه بالمخالفات الجرئية لانظمة وقوانين السير ... يامعلم علم نفسك

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] هاذي القسيمة وشلناها = لاعاد ترجع تكررها
سكه وياما عكسناها = بس الحكومة نقدرها[/poem]



أتمنى ان تكونو قد استمتعو في جنبات ابداع هذا الشاعر ((فديته))


دمتم بود

حجز 1

لهذا الموضوع الراقي

حضور ولي عودة بإذن الله يابو قطن , , ,

حجز يا مجرم .. ويا شر هـ الشاعر منك

لي عوده ..

!!

ههههههههههههه

شاعر خطير لي عوده بالتأكيد

محمد بلال

حجزك ok

لا وبعد في الدرجة الاولى >>> انبسط ياعم

نادر العنزي


هلا وغلا يسعدني حضورك وايضاً يهمني تعليقك


لاعدمتك

هههههههههههههههه

هذا والله التحليل الصدز ، واللقطات المدهشة
وأشك إن راعيها واحدٍ من اللي ردّو




لاهنت يالمورقي ،

حي والله هالطله ياابو قطن


لي عودة بعد استكمال القراءة


والاستمتاع بما قدمته لنا عن هذا الشاعر المحبوب


محبتي لكماا , وانتظرني لي عودة بأذن الله

لي عوودة باذن الله


وانا عرفته مما قيل عنه في المقدمة ومن الهجينيات


ابو قطن

شكراا مقدما على المتعة اكيد لاني اعرف ذائقتك

لا هنت وصح لسانه ولا هان

مدري هو يا الشاطري يا البراق << لا والله

هلا والله يبو قطن


س / ما هي المشاعر الرقراقه .. ؟
س / ماذا يقصد هذا الشاعر بقوله : أصلع حليوه وعلاقي .. ؟؟ :sniper56:
س / ( ..... ) ما هي الكلمة المفقودة هنا .. ؟ وهل تعتقد أن الشخابيط فيها تحفّظات .. ؟Icon21
س / ما علاقة هذه الأبيات :

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا نويت الغي الساحـه=والغي معاهـا العربيـه
والغي فواصل مع الواحه=واترك دبـي الرياضيـه [/poem]

بابيات لك سبق وان اطلعت عليها تقول :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بالهون ياخوك بالراحه=لاتصير نفسك تجاريه
وافطن لعقلك لاتجتاحه=أفكار وظنون وهميه[/poem]

س / هل سبب طرحك لهذا الموضوع تحدي الشاعر لك .. ؟
أو عدم ردّه على إتصالاتك .. ؟
أو تهديد له بموضوع مماثل أشدّ ضراوه من سابقه .. ؟
س / وش سالفة ( عميش ) و ( عمشا ) .. ؟
س / هذه الأبيات التي مطلعها يقول :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللي ذكرني بعد ما وصل في سفوه=ليته صبر له دقايف قبل يذكرني[/poem]

كانت موجهه لشاعر مرقابي .. !!
من هو .. ؟ وما هو السبب .. ؟ وما هو القاسم المشترك بين هذا الشاعر وصاحب الموضوع .. ؟

أرجو التكرّم بالإجابة على تلك التساؤلات .. ولي عودة حتمية لهذا الموضوع


تحياااااااااااااتي


.:sniper57:.

:
:


محمد قطن المورقي

تغيب حتى نفقد (( الأمل )) في عودتك ..
وتعود حتى نتعلق معك ..
لماذا تأرجحنا يـ (( صديقي )) .. !!


اما بالنسبه لهذا الشاعر (( اللاذع )) ..
فقد قدم الشعر الضاحك بطريقه (( راقيه )) ..
قريبه من طبيعة حياته كونه (( مزووووح )) وراعي ضحك ..

أنا تقريباً عرفته .. من سالفة (( الجوع )) ..
رغم انه ماهو سمين .. !!


جمع جميل لـ ابيات جميلة .. !!
كل الشكر لك يـ (( بوقطن )) ولاتقاطع .. !!

هههههههههههه

ياسلام
ياسلام

يا محمد والله انك ابدعت في تسليط الضوء على الشاعر المبدع

وتراه مبدع ماعليّ من قرصاتك له

موضوع ممتع كله عز الله ،

صح لسان صاحب الابيات اللطيفه
ولاعدمناك على هذه النافذه المختلفه ،،

..

عزالله شاعر مفوه

صح لسانه على هالابيات الظريفه


سلمت يا محمد

شاعر وابيات خفيفة دم

بس علقتنا يابو قطن ماعلمتنا من الشاعر

لاهنت لاهنت ومنور المرقاب

,

شاعر مفوّه عز الله وخفيف دم
امتعتنا بـ مقتطفاته

لاهنت يابو قطن

وننتظر الكشف عن هذا الشاعر



..

أسعد الله مساك يا ابو قطن

ههههههههههههههههههههههههههههههه

عيون خلّي عيون الثور

والبطن بطن السلوقيه

(( حتى خله ما سلم ))

هاذي القسيمة وشلناها
لاعاد ترجع تكررهـا
سكه وياما عكسناهـا
بس الحكومة نقدرهـا


شاعرنا فـ / ألمرور

<< ما جبت شئ جديد

في أنتضار الكشف عنه

هههههههههههههههههههههههههههههههه

ياهلا يابو قطن

لي عوده لك أيها الكاتب المفوه

أنت وهذا الشاهر المفوّه أيضاً ..

والله إنكم كلكم مبدعين وعفااااكم

محمد بن مصوي


هلا وغلا


تشرفت بحضورك ياعصابة رأسي وانتظر عودتك


لاعدمتك

خالد السيحاني


هلا وغلا


في انتظار عودتك يالغالي


تشرفنا