تعنيت .. لـ ( بندر العواجي ) !

مساء / صباح .. الخير


اترككم مع الشعر




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعنيت من هاجس ضميري بليا رأي=انا كيف اعقد الرأي والهم يشعاني
تعنيت من داري لـ داره و احث اخطاي=يسوق القدم من علة القلب سلطاني
يسوق القدم قلبي و يشرح عظم بلواي=على اللي غلاه بخاطري ثالث اخواني
انا مقصدي من جيته يعتني شكواي=و لكنه اهملها بلا سرج و عناني
وانا يوم انا اشكي له وانا قد وصلت اقصاي=تضارب بي الافكار و الوجد يحداني
يحسب كلامي يوم انا اشكي له استفتاي=و انا اشرح له الموضوع من قلب و لساني
تغير علي مناي ما بآصر بـ دعواي=عليه الله اكبر لو عمر الفتى فاني
و انا ادرى باليمنى و اسند عنه يسراي=ما ابا يلحقه لو كبر الاظفور نقصاني
لكن من تسمع و استمع هرجة الحكاي=يبا يختلف رأيه على غير برهاني
اقوله بعد ما طال بي و انتحى مسراي=اجاوب حمام الورق و أجر الالحاني
اجاوب حمام الورق من ما جنت يمناي=عليك انت يا اللي رحت شعله و دخاني
تسمع كلامي و اخذ قولي على معناي=ترى ما يطير الطير من غير جنحاني
رجيتك ثلاث سنين و افلست في رجواي=تمشى مع العربان و تعلق العاني
تبا عقب هاذي تلحق الرجلي / المطاي=تحسب ان في يمناك خاتم سليماني
وانا لو اعذل النفس عنكم عزت لـ رضاي=ولكن قلبي من يعزيه .. ينساني
انا قلبي اللي حطني سلعةٍ لـ اعداي=حداني على المضماه .. والقيض حناني
و لو كان انا عند العرب ما اختلف مبداي=لـ الاصحاب عندي جاه من روس عدواني
تباها .. صراحه واخذها من طرف من جاي=انا الجاني الاول و انا الجاني الثاني[/poem]