مافي ولانا شكّ لآل سعود.!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رفرف على دخّان وأقصى الدود=ياالأخضر اللي غير كلّ شعار
مع كلمة التوحيد عنك نذود=ويذود عنك بحدّه البتار
واللي يبى الدوله بدون حدود=والا يبى ياطى حقوق الجار
جظّه رمابه في حدود فهود=ماجابه الا بين نار وغار
مادام قادتنا عيال العود=والشّعب مخلص والملوك أحرار
يبشر بغارات البرى المردود=ومصامخ الروس ولهيب النار
نسكر على ريح أشقر البارود=سكرة طنا .. ماهيب سكرة بار
حدودنا فاالأرض ورث جدود=ماهي من إستعمار فـ إستعمار
مافي ولانا شكّ لآل سعود=ولو نقدر نزود العمار أعمار
إن كان مافي شعبنا مولود=نهدي العمار (إ)لهم وفا وإقرار
واللي على الشاشه تجيب النود=علومه اللي في جبينه عار
إن كان باقي طامعٍ في زود=قلّه تعال إحضر مع الحضّار
لحية تعشّ من أحمر العبرود=ماهيب لحية هرج فاالأخبار
من عاش منّا للوطن موجود=لو صار فاالأوضاع مهما صار
ومن مات دون أرض الوطن محسود=من أهل الدين ومن التّجار
شهيد حرب وخلفه أهل الجود=ماتحسب عياله من القصّار
هذا الصحيح اللي عليه شهود=ولاعلى وجه الصحيح غبار[/poem]