مرقابــــي

[poem=font="Hacen Typographer Bold,7,black,bold,normal" bkcolor="transparent" bkimage="" border="solid,1,sienna" type=1 line=1 align=center use=sp num="0,black""]
ياذيب فالمرقاب سبعين عاوي=سبعن يوايق له وسبعن يويقه
يرقا على صعب المراقي سماوي=يسحب على مسحوب همه و ضيقه
لاجاد فكري بالقصيد الرهاوي=سجيت في شرد القوافي دقيقه
غنيت فالمرقاب ولا النداوي=يالقير لازم تعترف بالحقيقه
كلن يناظر للسما بالفتاوي=يكبر طموح الماجدي في طريقه
لو ان راس المال وارد عراوي=قدرك على مد اليمين الطليقه
أهل الحساوي خابنين الحساوي =ماحدن يحوشك عن نحور الوسيقه
يارب منجا من لجا له رجاوي=الادمي ماشال مالا يطيقه
تفرج لقلبن في همومه سناوي=ليل السهر لادعبه نشف ريقه
[/poem]

صح الله لسانك يابوفالح


قصيده كايفه من شاعركايف وجزل وتشرفت ان اكون اول من عانقها


لاهنت ولاهان ابداعك

بعض الغلا لا قلت له وين بتروح
........................غنا مثل ورق الخباري ليا ناح

تقول كنه شايفك داخل الروح
........................طبع الغلا لا زاد في خافقي فاح

من زود ما اغلي جانبك صرت مجروح
........................اترجمه لك بين الابيات يا صاح

[a7la1=#c2c2c2][all1=#faf1b9][all1=#b5b49f][poem=font="Hacen Tehran,7,black,bold,normal" bkcolor="transparent" bkimage="" border="solid,1,sienna" type=1 line=1 align=center use=sp num="0,black""]
رسالتك وصلت وخطك ونظمك=حللتها باسلوب واعي وبادراك
وسمتها بالطيب والطيب وسمك=وادري بان الوصل والجود منصاك
لكن عندي سر خافي يهمك=مسجون من مبطي ورا خافقي ذاك
ان المعزه رسم من فن رسمك=واكبر غلا بنساه ولا انت مانساك[/poem][/all1][/all1][/a7la1]

[align=center][all1=#9F9F95][all1=#FEFEED][a7la1=#F9F9E3][all1=#FCFCE3][poem=font="Hacen Typographer Heavy,7,#090900,bold,normal" bkcolor="" bkimage="" border="solid,1,#400000" type=1 line=1 align=center use=sp num="0,#400000"]
لساني حصاني بين سني وسني=واغني مادام الجو رايق وهادي
انا مؤمنِ بالقدر .مسلم وسني=عسا الله يزيد المسلمين إجتهادي
[/poem][/all1][/a7la1][/all1][/all1][/align]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تكفا يابوسرحان سرحان جايع=والليل طرف واصبح الصبح في جوع
لا قلّت الشيمه وشفت الفجايع=فلا تلمو القير لاصار مفجوع
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="double,4,sandybrown" type=1 line=1 align=center use=ex num="0,black""] لعيون ابن شياق ولآلاد عاطف=شقر القوافي شرد في ماتوقّع
أهل السميرا وآل عاطف معاطف=وجه الجحادر لاعتزا ماتوقّع
عليان يرغي وأم عليان عاطف=عانيتي للعاطفي ماتوقّع
شيك العرب لليعربي والتعاطف=ماهوب شيكِ بالفلس ماتوقّع
معذور خشم طويق لا صار عاطف=للدار واهل الدار لو. ماتوقّع
حتى ايش لو درب السنافي معاطف=الطير مهما طار لا مات وقّع[/poem]

[poem=font="Simplified Arabic,5,black,bold,normal" bkcolor="transparent" bkimage="" border="solid,1,gray" type=1 line=1 align=center use=ex num="0,black""]
يالي تقولون الهوا لعب ولحون=اغليص فايد زمته من غزاله
أهل المواقف لا بغوها يلحون=واللي يبي يقضي لوزمه غزاله
[/poem]

[a7la1=#ffe2a8][poem=font="Simplified Arabic,6,sienna,bold,normal" bkcolor="transparent" bkimage="" border="solid,1,black" type=2 line=1 align=center use=ex num="0,black""]
لاضاقت افجوج البسيطه والأحوال=لي صاحبٍ لاتاه فكري

لقيته
عز الخوي وللصعيبات يحتال=عزّ الله إنه محزمي لابغيته
صعب المواقف مالها غير رجال=تسهل عسيرات المواقف

لصيته
دمث الجناب وخوته روس الأموال=أكبر رصيدٍ فالمراجل

خذيته
الخوه اللّي تطلق الوجه والجال=ماهيب خوة من يبيعه

شريته
يفداك من تنباع خوته بريال=الكفو. شف ماريته باب بيته
لاهنت يا ثفيّل ولا هان من قال=إنه عضيدي فالشدايد

فديته[/poem][/a7la1]

[align=center]قصيدة الشاعر /نايف المحينيش(آآآه يالسوداني))[/align]
[poem=font="Simplified Arabic,6,#000000,bold,normal" bkcolor="" bkimage="" border="solid,1,#400000" type=2 line=1 align=center use=sp num="0,#400000"]
يالادانه يالادانه يالادانه داني=ويالاداني ويالاداني يالاداني دانه
شاعر ٍ متورط ٍ مع واحد ٍ ديـّاني=والله أنه لايعيد الدين والديـّانه
أبك انا من قشر حضي طحت فالسوداني=واحد ٍ قبل أمس شارن يافهد طليانه
كل ماهل الشهر والا انتصف ينصاني=وابتلشني بالدراهم وانطلق بلسانه
مايسويبه سواته واحد ٍ نصراني=لو ذبحت ابوه والا ذابح ٍ ورعانه[/poem]

[align=center]مجاراة الشاعر / سعيد بن مقبل المنيعي الأكلبي[/align]

[poem=font="Simplified Arabic,6,#000000,bold,normal" bkcolor="" bkimage="" border="solid,1,#400000" type=2 line=1 align=center use=sp num="0,#400000"]
مثل ماقال الدليهي والكريم معاني=الله انه لايهين الكفو في ضيفانه
المحينيش اشتكى والعلم قبله جاني=يوم كانوا لادخلت السوق قالوا عانه!!
كنّي اوزع بخاشيش العرب مجّاني!=راتبه يكفيه ويوزع على جيرانه!!
هذي خمسميه تروح لمطعم الافغاني=وميتين تروح للهندي على دكانه
والف وميتين معطيها طبيب اسناني=يوم ركّب صاحبك سن الذهب باسنانه
كاشخٍ بالسن ويحسدونه الشيباني!=كل واحد فارشٍ طقمه على ذرعانه
يوم انا والراجحي كنّا ثنين اخواني=مايفرقنا الزمان وفرحته واحزانه
والبطاقه محْتجزها واحدٍ قوماني=يسحب اقصاده وانا آشوف الرصيد وزانه
لاخذا حقه عطاني شي ما كفّاني=قال عبّر نفسك بهذي ومعك آمانه
لاتعامل لابغيت الدين واحد ثاني=والتفت للي على المكتب ومد لسانه!!
شاقني طاروق نايف لين جبت الحاني=شاعرٍ غالي وانا آحبه واحب الحانه[/poem]


[align=center]مجاراتي[/align]

[poem=font="Simplified Arabic,6,#000000,bold,normal" bkcolor="" bkimage="" border="solid,1,#400000" type=2 line=1 align=center use=sp num="0,#400000"]
مثل ما جاب المنيعي فالمقال الثاني=جيت عاني والمعّنا يالمنيعي عانه
جبت الابيات الطريفه كلها مجاني=والله اني مارجيت ريال ولاّ لبانه
وش حدا سرحان للمرقاب ياسرحاني=من صدوف الوقت عين الذيب في كرعانه
يوم شال البندق الشاوي ورد الشاني=مال ظل السدر من ميل الدهر واغصانه
يازمانٍ شيّخ العميان والعرجاني=والغناوي مكسب رياله على حقرانه
والبصير اللي تبسم في عيون الجاني=يرفع الحاجب وياخذ فالمناصب خانه
والله ان الوضع مزري والفقير يعاني=البسيطه من رهاها عدها عطشانه
لا تسابق شيب راس الورْع فالجيلاني=فاطلب الله في قنيفٍ عايمٍ ربانه[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ابتدت صيفتي والجيب ياخالد خلاوي=وابتدت كل المشاكل وابتدا الحظ المقفي
يارصيد البنك لو فلست حصلنا مداوي=الفقر فالمرجله لو قل قرشي في ملفي
والله انك يالمقاطي منوتن غير المناوي=مكسبي عرف السنافيه وشرواكم وشفي
انت مايخفا عليك الوضع في كل البلاوي=وان تعسّر وضعنا ميقافكم هذا يكفي
جمّل الله حال رجالن على كل الهقاوي=والكفوف البيض تطلب دين والمديون كفي
لاخلا ولاعدم لاهنت يالعد الرهاوي=جعلني مابكيك يفداك الهلامه والمصفي[/poem]

[frame="10 80"][poem=font="Simplified Arabic,6,black,bold,normal" bkcolor="transparent" bkimage="" border="solid,1,sandybrown" type=2 line=1 align=center use=sp num="0,black""]
ترا سرق القلوب الخضر مثل السّارق المزّاح=ليا شفته ضحك ولاّ خذاك اشويّه اشويّه
انا لي قلب مايسلا مع السالي ولا يرتاح=خذتني فالهوى طرقي ثلاث ايام عاريّه
تسولف لي تقول ان الهوى سدّاح ياسدّاح=واقول ان الهواوي طاح في شرك الحراميّه
تقول الورق لو طوّل غيابك فوق غصنه ناح=واقول الورق فاقد له قميري يالقميرريّه
واردد واتوجود من توجد واعلن المرواح=واقول انّ والقضا القدر له نيه ولك نيه
انا مالي جدا يابنت في حظّي معك لا طاح=انا لي سلم في ريع الوفا بين السنافيه
ابسرد لك حكاية من ورا حدب الضلوع ارماح=لها عشرين عامٍ بين خياله ورجليّه
كبير القوم خادمهم وهو سفّاح ابو سفّاح=يصبّح فوق بريه ويمسي فوق بحريّه
على الله يادموع الكذب والكذّاب والتمساح=دموعه كلبوها غشّ صبحيّه وعصريّه
انا ما اصدّق السدحان ولاّ يوسف الجرّاح=ولا احب اشتري وابيع في زنجي وزنجيّه
يفوح الصبر مثل القدر لازادوا لهيبه فاح=ورددها على سدّاح ياليله وداعيّه
ترا دمعي على الخدين من فرقا الغضي فضّاح=ودمع العين مايرخص لعينك يالشقرديّه[/poem][/frame]

[poem=font="Simplified Arabic,5,orange,bold,normal" bkcolor="transparent" bkimage="backgrounds/21.gif" border="groove,4,chocolate" type=2 line=0 align=center use=sp num="0,black""]
انّجم راسي وضيعت بيشه والنقيع=كن في راسي شقيقه ورجلي خرسعه

والله ان الهم ضيّق على الجوف الوسيع=أتوهم بالسعه والسعه مامن سعه

لابغيت اسج في حزم ولاّ اذب ريع=آتذكر فقر جيبي وضيق الواسعه

الهقاوي والامل عندربي ماتضيع=كف عبدالله شحيحه وكفّه واسعه

اسألك يالمغني المانع النور البديع=فزعتك يارب عبدك زمانه لاسعه[/poem]

[poem=font="Simplified Arabic,6,#000000,bold,normal" bkcolor="" bkimage="" border="solid,3,#400000" type=2 line=1 align=center use=sp num="0,#400000"]
يالله ياللي على عرش السما السابعه=الكون تحتك وسيرته على ماترى
الادمي لاتحير طقق اصابعه=وليا اتجه لك تلبي له على ماطرى
القلب ماهوب يخفا عنك ومتابعه=عطني على نيتة في وضعي اللي جرى
ياكد كد الفلس لاضاعت الرابعه=ياليل ليل الدجا ..ياليل ليل السرى
العالم الجايعه .. والعالم الشابعه=كلن يغني على ليلاه باع وشرا
ان طاعك السوق ولاّ طعه.... ولاّ بعه= لو مال ضلع الهدا غطا محاسن كرى
الطبع غلاب ياصنّاعة الطابعه= ياكثر هرج السعه !! فازمة فعول الذرى
لايام حبلا جبلتها ومتابعه=والادمي لوثري فوق الثرى من ثرى
الخوه الي على ساس النقا نابعه=تبقا على ساس واللي مادرى مادرى[/poem]

[poem=font="Times New Roman,5,#000000,bold,normal" bkcolor="" bkimage="" border="solid,4,#400000" type=2 line=1 align=center use=sp num="0,#400000"]
شدّني رسمش وبرق اسمش وتطريز الكتابه=واحترافش في غموض الصدر وابرازه وردّه
اعتزالش في نظر عيني يحقق لش مهابه=واختيارش في ميولش للولايف فيه شِدّه
همت في واديش واللّي شاقني ذيبه و دابه=واعتزلت النايفه والشوق حادني واحدّه
في سما نجد العذيّه والنعيريّه سحابه=جادت السّبار وروت كل ضامي فوق عدّه
لا سألتش لو سمحتي فارسلي صوبي إجابه=واقنعي قلبي و احطي لي على جاشش مخدّه
يانجوم الصبّح طلّلي في مراقيب الذيابه=افتحي لي صفحة المشتاق في كتب المودّه
المها والضبي يا الريم الفلاوي ما تشابه=والمناوي لوتمنا ماينال اللّي يودّه
السهر لا طال ليله زاد قلبي فالتهابه=وان عوى سرحان جاريته على شفّه و ودّه
لا تواجهتي مع شرواي حطش تحت نابه=لين يرويش الهوى ويشيل قدرش فوق يدّه
انتي انتي ايه انتي زهرة العمر و شبابه=اعزلي قلبش و قلبي في رضا قلبش بكدّه
قد شربت الكاس من سم الهوى و اللي نجا به=واحدٍ فكره قوى قلبه ولا قد باح سدّه
[/poem]

[poem=font="Simplified Arabic,6,#000000,bold,normal" bkcolor="" bkimage="" border="solid,4,#400000" type=1 line=1 align=center use=sp num="0,#400000"]
نيّاتنا بيضا ونيّاتكم بيض = كلٍ على سلمه يسوق المطايا

الشعر غنيناه فالبرد والقيض = ولا رجينا للقوافي عطايا

مير البلاوي في زمان الروابيض = اللي منوّل قدرهم فالزوايا

الوضع متوتر ويحتاج تمريض = الموت لاصرنا طعام الحيايا

الله يعينك يالدجاجه على البيض = لازان حظ الديك شين النوايا

يامعيض عاونا على الوضع يا معيض = شيروا على الشورى تحل القضايا[/poem]

[poem=font="Simplified Arabic,6,#000000,bold,normal" bkcolor="" bkimage="" border="solid,4,#400000" type=2 line=1 align=center use=ex num="0,#400000"]
لو كبر جاه العرف والجاه في مال=لا تحسبن أصحاب حاجتك واجد
واعد على جال الجفا عشرة إجمال=ذيبٍ طلع رجم الرخا ما عوا جد
ان كان ضلعك في التجاريب ما مال=يمكن يسرك صاحبن ما تواجد
ساير زمن الاهمال بإهمال الاعمال=لو كان بقعا فوق راسك هواجد
لا طاب طيب الجاه فالجاه محمال=مخباط صيتك لا خبط له رواجد[/poem]

[poem=font="Simplified Arabic,6,#000000,bold,normal" bkcolor="" bkimage="" border="solid,2,#400000" type=1 line=0 align=center use=ex num="0,#400000"]
الوصل ريف الولف والصّد قاتل=الولف بين اثنين والشّك زايل
تلّت فؤادي للهوى والشقا تل=طير الوحش لا ثار صاد الجزايل
الشوق في حزم الوفا والنقا تل=ولفه ورا عوج الحنايا عزايل
عانوا مياسمها هنا في المقاتل=والسّلم من بيني وبينه نزايل[/poem]

[align=center]القصيده طويله ولها قصه غريبه وحزينه جدا [/align][align=center]

:: سوف تجدونها بطريقه اخرى[/align][poem=font="simplified arabic,6,#000000,bold,normal" bkcolor="" bkimage="images/toolbox/backgrounds/17.gif" border="double,10,#400000" type=2 line=1 align=center use=sp num="0,#400000"]

اخوي صاح البارحه للعذاريب=وارخيت له راسي مطاعي مطاعي

ترا خوي الفقر والداب والذيب=يهون دمه للسباع الجياعي

الضيق و الحاجه و لا سكة العيب=اليا قصاك الوقت قص الذراعي

اليا تسكر باب حتى الدواليب=شد الرحال ولا يردك مناعي

خلك شمالي عند جار الاجانيب=واحذر تمدح بالفخر والشجاعي

قفا وانا له للضما و المشاريب=انا فدا لك ياحميد المساعي

ساعة طلع نور الصبح فالمصاليب=ماغير اسلي خاطري بالتداعي

لقيت له جره ورا شمخ النيب=جريت له صوت الحزن باقتناعي

الله واكبر ياخوي التجاريب=رميتني للبير مافيه قاعي

أحر من جمر الغضا و المشاهيب=فرقا الخوي ودمعتين الوداعي[/poem]

[poem=font="simplified arabic,6,#000000,bold,normal" bkcolor="" bkimage="" border="groove,4,#400000" type=2 line=0 align=center use=sp num="0,#400000"]

سعادة .....!! مدير الاداره=افيدكم في ما يلي من خطابي

انا موظف عندكم في الوزاره=اللّي خذتني في بداية شبابي

الحر يدري وش نبي بالاشاره =ياللي تدلون الخطا والصوابي

ابرك من السرد الطويل اختصاره=زبد الكلام ان كان تبغا وش آبي

ترا الحليم اذا تعدى عياره=مثل الجذوب اللي حدر من روابي

حنا بدو يوم الشقا والنعاره=ما عاش حرٍ ماكره للغرابي

نبني لنا في كل ديره عماره=ولا نحب الفلسفه والتغابي

المحترم يفرض علينا وقاره=يقلط على بيض الوجيه الرحابي

ريف المسير دلته من وجاره=ذكره مثل ذكر الحيا فالغيابي

الحب لوانه يجي بالضياره=يمديه يالج فالسنين العجابي

اللي تولع في المثل في دياره=يشتد ركبه بالعتب والزهابي

خوينا حقه علينا زياره=ولا الخواضي لا حكا مايعابي

هذا نتاج المصغره والغظاره=اخراج راوي مارتوا من سرابي

آمل من الله والامل كل تاره=ولاّ انت وآنا والبشر من ترابي

يفتح علي باب قويٍ جداره=اللي رجاه بخالقه مايخابي[/poem]

[poem=font="traditional arabic,6,purple,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ما يرفع الضغط ويسبب لك الغده=الاّ الهوى والسهر ومبيّح السدي
بعض المحبه تهين القلب وتمده=فنجال هجران وبياله من الصدي
راعي الهوى دمعته لاشققت خده=نتيجة الحب و الأحباب والكدي
يا كثر شكّاية الهجران والصده=في شاطي الهم متعشي ومتغدي
اللّي توده وهو ما وده توده=جبلة الحب لا جاب لك بيودي
من راح جعله مراح مقيط في عده=سيور الايام بتجازيه بالردي
الله يمحى زمان الكذب ياجده=والله يرحم زمان الصدق ياجدي[/poem]

[poem=font="traditional arabic,6,purple,bold,normal" bkcolor="transparent" bkimage="" border="solid,1,black" type=2 line=1 align=center use=sp num="0,black""]
يالقاسميه خلق ربي واناملك=الله خلقها تختلف ما تساوا
انتي تغيّرتي علي في تعاملك ؟=ولاّ على جوك نجومٍ تهاوا
لي نظرةٍ في جانبك ما تجاملك=شيهاينةٍ منزلك فوق العلاوا
الله يهمل من طرا له يهملك=ولاّ يصدق فيك هرج الشلاوا
اقراك في خطك واناظرك واملك=قدرك كبير وصدّتك ما تداوا
اكبر غلا بالحب لك والهمم لك=واليا رضا جانبك قلبي تشاوا
وان كان شفتي صاحبك ما يجملك=قولي ترا مالك على القدر ماوا
الله هو الظاهر وهو مالك الملك= و القادر الحق القوي ما يقاوا[/poem]
..
..
..
..
القاسميه[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالقير حنا لوْقدت مانجاملك=ولا نزوّد في حطبها رهاوا
عن صامل النمه ليا بان خاملك=نبعد ليا قربت قلوب العداوا
ماارخي سموعي لاي هرجه وصاملك=صامل على اهل الطيب واهل النقاوا
منته مهملني ولانيب هاملك=ياللي حبال الطيب بيدك تلاوا
وانت السند واصل الغلا صار شاملك=وذياب صدري بالمعزه تعاوا
ياللي معاميل النقا في معاملك=شايم ومبعد عن دروب الدناوا
لا ياخذك فكرك وينقص تكاملك=وتصدق هروج الغبا والفهاوا
مجملن خلقه وفعلك يحاملك=ويزيد لك قدرك وهو ما تشاوا [/poem]