 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقَاب الشّعبي :.. المرقاب للقصائد الشعبية من إبداعات الأعضاء |
 |
|
|
أدوات الموضوع | ابحث في الموضوع | انواع عرض الموضوع |
|
#1
30-03-2010, 03:51 AM
|
|||||||||
|
|||||||||
مطران لاعدوّ هل الطيب مطران..!!
بسم الله الرحمن الرحيم
هذه القصيده بمناسبة زيارة مشائخ قبيلة مطير لقبيلة البقوم في تربه على شرف الشيخ /مساعد بن سعود الميزاني المطيري وكان الداعي والدي الشيخ /شافي بن مفرح القرمودي وهي رد كرامه وواجب للشيخ /مساعد عندما قام بدعوة والدي ومشائخ البقوم في جده واكرمهم وهم يستاهلون وهو يفعل ولها قصه (معرفة رجال) بينهم ولكن اختصرتها لكم لكي تتضح لكم القصيده / \ . [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] دكت هواجيسي وغنيت طربان=وبيوت شعري تزدحم في سراها قامت تداحمني مع كل شريان=كن القصيده بالمديح تعناها تقطع ضمى روحي ليا جيت ضميان=ومشاعري بالشعر تقطع ضماها الاوله والقاف راهي و مليان=وقصيدتي مدح الرجال معناها والثانيه للقول والفعل برهان=والطيبه طيب الفعل من وراها قد قالوا ان البيت يبنى بسيسان=ولاخير فبيوتٍ ركيكٍ بناها يامرحبا بمطير خطلان الايمان=عد النجوم المرقبه في سماها مطران لاعدوّ هل الطيب مطران=مثل البروق اللي يجاذب سناها ويامرحبا مثل الرعد بين الامزان=وبحرة المطران ياصل صداها انتم هل الشلفا نشاما وشجعان=وانظراتكم دايم بعيد مداها وانتم بعيدين المغازي وظفران=وامجادكم فوق القمر مستواها وانتم هل الردات من ماض الازمان=وعدوانكم فالهوش تترك عشاها وانتم لها في كل ساحه وميدان=اقولها والناس تشهد علاها يومنها بالشلف والسيف شامان=كم فارسٍ منكم ضعونه حماها مطران حمران النواظر هل الشان=فريسها وشيخوها وجبراها قد قالها الشاعر بمعنى وقيفان=(كم قالةٍ وصلوا ليا منتهاها) افعالهم ترجح على كل ميزان=هم الدهايا كان دارت رحاها خويهم مايسبر الليل جوعان=عز القريب وريف كل قصراها للحرب حرابه وللخيل فرسان=قبيلةٍ تشهد عليها عداها والله لو بكتب من الشعر ديوان=ما اوفي حقوق مطير واثبت غلاها وانا مدحت ومدحي اليوم من شان=احط لي بصمه وكلٍ قراها ولاني بزايدكم ولو كان ماكان=لكن نفسي طامعٍ في رضاها يامساعد ابن سعود ياطير حوران=عزيمتك يالحر جانا نباها قدمت فعل الطيب من دون نقصان=بيمينك الجزله وربي عطاها لاهان عودٍ جاب شرواك لاهان=وجميلتك فالربع هذا جزاها انا اشهد انك وافيٍ ياكحيلان=ومدات جودك ماتدور وراها الطّيب اللي للمطاليق شفقان=حراً مراقيب النشاما رقاها شرواك ياللي للجميلات ولهان=والطيبه بالطيّب ما احدٍ نساها وابوي ذا الليله بالاصحاب كسبان=دعى وجيه الخير واكرم لحاها على صحونه هبت الريح قعدان=وسمان حيل وبالكرامه ملاها مايقصر المده ولا قال خسران=ولوّ تنشري قلوب النشاما شراها شافي ومن مثله للأمجاد عنوان=عنّ المراجل لين بيح خفاها وان ما مدحته قالوا الناس غلطان=لإن المدايح فيه دايم تباها يامرحبا باسمه تراحيب سفطان=وبأسم البقوم اللي يذري ذراها سهوم المنايا لا اعتلى الجو دخان=تخزي عداها لين تلعن ثواها ويامرحبا قبل أمس واليوم والأن=(والقابله واللي بعد من وراها) ترحيبةٍ تقطف زهر كل بستان=والعود الازرق والعبير يغشاها بكل القبايل والمشايخ والاعيان=وجيه الرجال اللي غمرنا وفاها وكل النشاما كفو من دون حقران=قيلت وارددها وذا منتهاها عديت ماعندي ولازلت طربان=جبت اربعين وخفت لا اسمج حلاها[/poem] / \ . 
/\
اقصر قصيده قلتها تازن لها بعيني هرمّ .....والبيت منها في ضمير الشعر يسوى ملحمه يكفيني إني مرضيً ذاتي ولوّ ماني نجمّ .....كم نجم ماله نور والشرهه على اللي نجمه \/ 
|
|
30-03-2010, 04:01 AM
|
#2 | |
|
(*( عضوة )*)
|
يا سلام عليك
ونعم والله في مطير وتستاهل (وكل النشاما كفو من دون حقـران ) هذا هو لا هنت وصح لسانك |
|
 المرأة تبقى. مرأة ومن تقول انها لا تحتاج إلى رجل في حياتها. فهي. كاذبه. أو لم تكتشف هذي الحقيقه إلى الان. ?.
|
|
30-03-2010, 04:08 AM
|
#3 | |
|
(*( عضو )*)
|
صح لسانك وعلا شانك
بيض الله وجهك قصيده وافيه من رجلٍ وافي في من يستحقون ولكن اسمحلي بملاحظه مطير حمران النواظر ويستحقون المدح ولا شك في ذلك لكن من هم أهل الردات أهل الردات قبيلة سبيع مهوب على شاني منهم اسئل الكبار من اعيان ضهور السواني ويعلمونك والقصيد رساله يجب على الانسان ان يتحراء فيها الصواب وكلام الشاعر محسوب عليه فقط حبيت انبهك لهذا وانت ما تحتاج تعليم تقديري وسلملي على والدك حفظه تحياتي اخوك ومحبك / علي ربح بن مصلح |
|
|
سلام الله على اهل المنتداء والمشرفي وأعضاه=كلام الشاعر إللي باسم ابن مصـلح يلقبله الاسم إللي يشرفني وأقدر قيمته وازهاه=وكل مشبباً يزهم بالاسم إللي يناسبله الشاعر/علي ربح ابن مصلح السبيعي
|
|
30-03-2010, 04:18 AM
|
#4 | |
|
(*( عضو )*)
|
الله عليك يا فيحان اعجابي مسجله فيك من زمااااان
صح لسانك ولا هنت وبيض الله وجهـــك على سبايك الذهـــب كفييــــت ووفيــــــت صح لسانك ولا هنت يا الذيب تحياتي و احترامي لك خووك |
|
|
لا تسولف بالأمور الماضيه=خلَها يا الحب الاول و الآخيـر المشاعر بالمفارق راضيه=عقب ما صاحت من الجرح الكبير ضربتك كانت لقلبي قاضيه=وآآه منها جات من كف العشير خل عذرك والعلوم الفاضيه=ما يفيد العذر لا مات الضمير تويتر @al_3bdaly alabdali_q8@hotmail.com
|
|
30-03-2010, 05:31 AM
|
#6 | |
|
(*( عضو )*)
|
اولاَ هلابك يا ابن ربح ومرحبابك ألف
وصح بدنك نورت القصيده اي والله وانت غالي ومن رجالٍ غالين والأسم ياطويل العمر(هل الردات)أنا ما انفيه عن سبيع ولا اثبته لهم ولا انفيه عن مطير ولا اثبته لهم بعد ولاهوب انا اللي احدد هذا الشئ طال عمرك لإنه راح وقت التعصب ووقت العنصريه والتاريخ له اهله ولكن حسب ماقريت واطلعت بإن الإسم (هل الردات)لبني عامر من سبيع وكذلك اطلق على (علوى)من مطير وقيل انه لمطير كافه ويوجد ابيات تدل على ذلك ولكن لا تحضرني لإني ما اصدق كلام النت وخاصه في عزاوي القبايل وانا سألت شيبان عن عزاوي مطير قبل القصيده وكان يحضرني منها الكثير وقيل ان اهل الردات من الألقاب اللتي تطلق على قبيلة مطير وزبدة الكلام وانا اخوك ترى هل الردات مهوب اسم رسمي مثل الغلبا وسهوم المنايا والهيلا وغيرهم ؟؟ هذا الأسم بحسب وجهة نظري وإطلاعي بإنه يليق على كل قبيله تكر وتفر عند الغزو..!! ووالله العظيم إني ما ابي احط نفسي في هذه المواقف وخاصةٍ أكون على السنت الناس على غير وجه حق ولكن على حسب إطلاعي اتضحلي ماهو هنا.. والقبائل في غنى عن الشعر الحديث لإنهم معروفين من قبله بإسمائهم وعزاويهم وتاريخهم اكرر تحياتي لك وإحترامي واتمنى ان يقف الموضوع عند هذا الحد أخوك / فيحان القرمودي |
|
|
|
|
30-03-2010, 06:03 AM
|
#7 | |
|
(*( عضو )*)
|
فيحان القرمودي
صح لسانك وبيض الله وجهك ووجه والدك على كرامته ومطير تستاهل غيمار |
|
|
الحاله اعبر من لـظى واهـج النار=والهاجس المكلوم ضيّع لسانه مدري متى يلقاه ويذيع الاخبار=اللي تداحم فوق صهوة حـصانه قامت تطارد في نحاياه الاقدار=وازرى من الاوجاع يرخي عـنانه 
|
|
30-03-2010, 06:05 AM
|
#8 | |
|
(*( عضو )*)
|
صح الساانك قصيده جزله من شاعر جزل
اما بخصوص ما تطرق له الشاعر القدير على السبيعي اقول اسبيع الغلبا ونعم غنيه عن التعريف ومطير كذلك وجيع القبايل فيها حقها ونا اضم صوتي الصوتك بختصار الموضوع وتقبلو تحياتي |
|
|
|
|
30-03-2010, 06:14 AM
|
#9 | |
|
(*( عضو )*)
|
بعد اذنكم
توضيح آخر لكي لايزعلون منا قبيلة ال مره المعروفين (بـ بعيدين المغازي) وانا ذكرتها هنا لإنها سميت لمطير ايضاً نسبة للقب الفارس الشيخ صاهود بن لامي المطيري بــ (بعيد المغازي) وشكراً للجميع |
|
|
|
|
30-03-2010, 08:19 AM
|
#10 | |
|
(*( عضو )*)
|
صح لسانك يافيحان
قصيده وافيه ومعاني فيها جزاله واهل المدح يستاهلون المدح ونعم في كل القبائل لك فائق الاحترام والتقدير تحياتي |
|
|
((سبحان الله وبحمده سبحان الله العظيم))
|
|
30-03-2010, 08:25 AM
|
#11 | |
|
(*( مشرف )*)
|
فيحان ماهو غريب عليكم الكررم والطيب
صح السانك ومطير تستاهل المدح بلاشك تقبل مروري وتقديري |
|
|
|
|
30-03-2010, 08:48 AM
|
#12 | |
|
(*( مشرف )*)
|
مدح الطيبين ينومس كل طيب والنعم في الجميع وصح الله لسانك ولا هنت |
|
|
|
|
30-03-2010, 11:58 AM
|
#13 | |
|
(*( عضو )*)
|
ويامرحبا قبل أمس واليـوم والأن
(والقابله واللي بعد مـن وراهـا) ترحيبةٍ تقطف زهـر كـل بستـان والعود الازرق والعبيـر يغشاهـا فيحان صح لسانك وبيض الله وجهك ..... والطيب بين الطيبين عمووووله وعساااكم على القوه |
|
|
إذا كان السكوت الشوك
ترى بعض الحكي ؟! وردة 
|
|
30-03-2010, 03:39 PM
|
#14 | |
|
(*( عضو )*)
|
بسم الله الرحمن الرحيم
الاخ العزيز / فيحان القرمودي السلام عليكم ورحمة الله وبركاته اخوي الخلط في الاسماء والالقاب غير جايز وانا ما تكلمت من باب التعصب كما ذكرت فقط شفت خطاء في قصيده ونبهت صاحبه وهذا مهوب كلام النت كلام شاعر وقصيده تعتبر شاهد وأهل الردات انت نسبت الاسم لمطير في قصيدتك وكلامك ثم قلت بني عامر من سبيع والصحيح بني عمر ومطير ما فيهم قصور وغنيين بافعالهم واسماهم والقابهم عن التلفيق والادعا باسم غيرهم واضفت في قصيدتك بعيدين المغازي تقصد مطير وفي كلامك ايضاً ثم نسبت الاسم لال مره وهذا ايضاً خطاء بعيد المغازي ( الشيخ فراج العماني من بني عامر من سبيع ) قيل انه من العارض يغزي لجنوب الجزيره وشمالها وعرف بهذا الاسم واشتهر به 0 اخوي الشعر يعتبر شاهد يستشهد به حتى في الخصومات فاتق الله في شهادتك ولا تزكي خطاك بالمعاند ولا تستهين بالاسماء والالقاب التاريخيه وانا ما قلت هذا الكلام تعصب وعنصريه وكلام نت كماء ذكرته عني وهذا خطاء اخر ايضاً وسامحك الله ولكن الناس اليوم تستنكر كلمة الحق يبون مجاملات وصح لسانك لوا كان مخطي 0 اخيراً الاختلاف في الراي لا يفسد الود وتقبل تحياتي وتقديري |
|
|
|
|
30-03-2010, 05:26 PM
|
#15 | |
|
(*( عضو )*)
|
ياللحيه الغانمه
انا مالفقت الله يجزاك خير الألقاب هذي مهوب رسميه وقيلت لبني عمر ولمطير ولغيرهم وانا ماغلطت عليك يوم اقول كلام النت اقصد إني انا ما استعين بكلام النت مهوب كلامك انت ولا انت محشوم فهمت عليّ الله يرحم والديك وسبعين نعم في سبيع وفي مطير وفي جميع القبائل والموضوع مايستاهل وانا أخوك اسمحلي بالوقوف عند هذا الحد ولك تقديري وجل أحترامي يالغالي وانا وانت اكبر من ان نتباحث في مثل هذه المسميات الدارجه وليست محتكره لإحد / أخوك فيحان القرمودي |
|
|
|
|
30-03-2010, 05:29 PM
|
#16 | |
|
(*( عضو )*)
|
ارحب ياعبدالله العبدلي
يالله حيه نورت القصيده اي والله وصح الله بدنك وشهادتك وسام يالغالي جعلني ما اعدم شرواك لك تحياتي وتقديري |
|
|
|
|
30-03-2010, 06:16 PM
|
#17 | |
|
(*( عضو )*)
|
احسنت احسنت وفقك الله
وانا ما كتبت الاّ من باب الميانه للتوضيح فقط عسى الله يديم علينا نعمة الاسلام والامن ونحن اخوه متحابين في الله وسنبقى انشاء الله كذلك ولك مني فائق التقدير والاحترام تحياتي |
|
|
|
|
30-03-2010, 06:43 PM
|
#18 | |
|
(*( عضو )*)
|
شاعرنا القدير/فيحان القرمودي
الله الله صح لسانك وبيض الله وجهك قصيده رائعه وتستاهل قبيلة مطير المدح ويشكر والدك على موقفه وحفله المشرف وكل قبايل جزيرتنا العربيه يستحقون كلمة نعم ولهم من الامجاد مايخلد ماثرهم دمت شامخاً لاهنت تقبل أصدق الود |
|
|
|
|
30-03-2010, 07:03 PM
|
#19 | |
|
(*( عضو )*)
|
صح لسانك يافيحان
قصيده وافيه ومعاني فيها جزاله واهل المدح يستاهلون المدح ونعم في كل القبائل لك فائق الاحترام والتقدير تحياتي |
|
|
|
|
31-03-2010, 07:27 AM
|
#21 | |
|
مستشار إداري
|
ونعم في البقوم ومطير وكل القبايل
صح لسانك .. اربعين وافيه وجزلة لا تدل الا على تمكن وشاعرية فذة لا هنت وننتظر جديدك |
|
|
|
31-03-2010, 09:28 AM
|
#22 | |
|
(*( عضو )*)
|
فيحآن آلقرمودي
آلله لآ يهينك و لآ عليك زود وآفي يآ فيحآن وآفي و آلطيّب يستآهل آلمدح و أنت تستآهل صح لسآنك مليوون و لآ هنت كل آلشكر |
|
|
.
هآك آلوفآ .. يآ أجمل خفوقٍ عرفته = و إنسى تعب قلبك .. و خل آلأرق لي
. N.poet@hotmail.com
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الطيب والاخلاق ..! | سهو الكرشمي | ..: مرقاب المَواهِب :.. | 44 | 29-06-2009 02:01 AM |
| الطيب كايد ومفقود | رشيد منور | ..: المرقَاب الشّعبي :.. | 37 | 23-03-2009 06:51 AM |
| الطيب يبقى للذي يستحقون | مشعل حمود | ..: المرقَاب الشّعبي :.. | 34 | 22-09-2008 10:59 PM |
| الطيب والنوماس | علي الكذيبه | ..: المرقَاب الشّعبي :.. | 45 | 02-07-2008 12:47 AM |
| المهم انك مع الطيب وهذا كافي | مشعل فالح الذيابي | ..: مرقاب المَواهِب :.. | 49 | 12-06-2008 12:53 PM |
 |
 |
العرض العادي
