نــُص كـــوب !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البحـَر والسفيـنه والهــوى والشـراع = راضـيً ومـْغصوبه . راضـيً ومـْغصوب
الرضا بالمفـارق والـرضا بالـوداع = والغصيبه على جـوب المسافات جـوب
أضبط النفس يالربان عن الإنـدفاع = المقادي تحدك حدّ وأنت مـْحسـوب
آمرك من ولاة الآمر وأمره مطاع = زان فال الصدوق وشان فال الكذوب
لا تمنــى شف مهنــّا تمنــى وضاع = لا خـذاها ركـوب ولا خـذاها حـلوب !
المنـاوي مهـاوي يا طويل الذراع = بين حكم المباح وبين حكم الوجوب
والمشـاعر عطاشى والجوارح جياع = واللقا تـوبةٍ تمسح جميع الذنوب
بس ياسعود تدري وش يحوس النخاع = غير لـِمّ الرماده من نحور الهبوب
طيحة الفارس الخيـّال ذرب الطباع = من على مهـرته يوم أستوت للركوب
بعد مسرى الكحيله ما يفض النزاع = لا هبوب الشمال ولا هبوب الجنوب
خذ يبو مدّ مجاناً ثمانين صاع = عن ندايا الضروب وعن ضحايا الحروب
شارب المستحـيل ولحيـة المستطاع = مالها عندي إلاّ الموس من كل صوب
دام راسي بخيـرً من بلاوي الصداع = ودامني ياسعود آجيد قرع الخطوب
قام حظي وفي العليا شرى لي وباع = ومـومنٍ بالنجاح وكـافرٍ بالرسـوب
في طرف صدري آضم الصدور الوساع = ومن طرف ثوبي أكسي كلّ رجال ثوب
وآتعــشى ثنــيه وآتغـــدى ربــاع = والبحر مايجي في خاطري نصّ كوب !
ماني أرقب نتايج موتمـر وإجتماع = يا نظـام الحكـومه يا عظـام الشعوب
إسرحي يا سبـاع وعـوّدي يا سباع = في بياض الوجيه وفي سواد القلوب
كلمة الحق والله ما عليـها قناع = والمقـادير تمــضي غالـبٍ ومـْغـلـوب
قبل ما تشـرب الخمره بني قينقاع = وبعد مازانت السمره بشاطي الغروب
هـكذا الوقت دايم في طمان ورفاع = صار ماكان فوق الروس تحت الكعوب
وأنت يا سعـود لو تشكي وله وإلتياع = قلت ليه الشكيــّا كلّ ديس مـْحلوب
إلتيـاعك مكعـّب ثلج سـِخــّن وماع = والوله في النهايه فصّ ملح ويـذوب
تـدري إن الضوامر يسبقون الشباع = وإن خصر الغنوج يشلّ صدر اللعوب
قل لخط الهجوم وقل لخط الدفاع = إن خط الوسط يجمع جميع الـدروب
خل فرحة لقـانا في سنـين الضياع = تنحسب جرح ثاني بعد ليلة هروب !
[/poem]