اشباه الرجال

[align=center]بسم الله الرحمن الرحيم

مجرد قصيده . . واعتبروها اجتماعيه[/align]


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يا الله يا ذو الفضل يا ذو المغفره يا ذو الجلال=يا معتلي عالعرش من فوق السماء السابعه

الحمد لك والشكر لك في كل وقت وكل حال=عبدك ويخضع لك .. من التكليف حتى مصرعه

مومن بان الله باقي وان غيره للزوال=وان النبي خير البريه ما خسر من يتبعه

وان الحياه دروس تغني عن خطاب وعن مقال=وان اللبيب اللي حفظ درسه وغيره ضيعه

وان القصايد فالمجالس خير من قيلا وقال=وان الشعر حكمه والافكار الحكيمه تبدعه

وان القصيد ليا طلع من وسع فكر وضيق بال=اصدق من العبره على خد اليتيم ومدمعه

والهاجس اللي ساقني مدري عقل والا هبال=خلوه يصدح بالحقايق لين كلا يسمعه

اللي يشك ان الحياه تمر في ثوب الكمال=اذا زرع ماهو بحاصد غير شياً يزرعه

والا الزمن يمضي بنا ما بين ميلا واعتدال=نعيش فالدنيا ولا ندري وش اللي تصنعه

نوبٍ تودينا يمين ونوب تاخذنا شمال=والعمر رحله والحياه احلام والناس امتعه

والادمي لو مات يبقى ذكره الطيب مثال=على التزامه بالقيم وقت الفتن والزعزعه

الله يبارك فالرجال اللي يشيلون الثقال=اللي لهم وقفه لو ابواب المنايا مشرعه

صحيح ما قال المثل ما للحمول الا الجمال=اللي تشيل الحمل ما تنشد عن ابو بردعه

واكبر صحيح ان المواقف تكشف اشباه الرجال=تكشف لنا الطيب المزيف خلف بيض الاقنعه

من تخفي الايام طبعه تفضحه سود الليال=تظهر رداه وتكشف الطيب الذي يتصنعه

ما حق هذا العينه ياكود سوق ابو ريال=ولاهو بشي مستغرب ان عافوهم المتبضعه

وانا لو اني احتجتهم ما هوب لني شين فال=الله كتب يكشف لنا خستهم المتوقعه

والحمد للي كاتبٍ لي عنهم اشد الرحال=لو ان نفسي عن رداهم دايما مترفعه

ومن قال من هم ؟ قلت معروفين ما فيهم جدال=ثلاثه اوغاد وتمام العد تلقاه اربعه

صفاتهم تغني عن اسماهم بدون انك تسال=المنزوي والملتوي والنخولي والامعه

الاول اللي يحسب ان المال تاج وراس مال=لابوه لابو ماله اللي فالخزاين يجمعه

والثاني اللي شوره ورايه براس ام العيال=رضا الحليله آخر آماله وغاية مطمعه

والثالث الكذاب ابو وجهين كان ولا يزال=هدار مجلس والحصيل حكاه كله جعجعه

ورابعهم اللي ما يميز لا حرام ولا حلال=يلف ويدور وعلومه كلبوها ضايعه

دعهم يخوضو في بحور الغي واوهام الظلال= ما دامني لأهدافهم سددت ضربه موجعه

لو لمعوا صورتهم وغطوا رداهم باحتيال=لو رابعه تابت عن المحذور تبقى رابعه

لكن عرفت ان الرخامه طبع فيهم وانجبال=وان النذاله عرق فيهم والردى هم منبعه

واللي نخاهم مثل من يتمسك برمث الحبال=لا واوجود اللي يبي منهم جميل ومنفعه

اقسم برب البيت بأن ام الكحل وام الدلال=تسوى ميه من ضربهم في ضيق والا في سعه

هذا مثل . . والناس فيهم دون دون وعال عال=وكلا حسب فعله ووقفاته نحدد موقعه

وانا رقيت بفضل رب الكون في روس الطوال=وتركت بعض الناس في وحل الدنا متربعه

واخذت حقي واعتليت المجد وشربت الزلال=وكذبت من قال الزمان ان كان ما طاعك طعه

بعض الامور نجيبها بالغصب لو طال المطال=اذا نوينا شي من يقدر سوى الله يمنعه

نحققه من فوق خشم اللاش لو صعب ومحال=وندوس راية كل حاسد هو ومن واقف معه

قلت القصيده من صميم الواقع ولا هي خيال=منطوقها يشر على بعض الخلايق باصبعه

واللي تضايق من كلامي او زعل من ما يقال=يضرب براسه في حجر قاسي ويمسح مدمعه[/poem]

[align=center]احمد رده الحارثي[/align]

والا الزمن يمضي بنا ما بين ميـلا واعتـدال
نعيش فالدنيا ولا نـدري وش اللـي تصنعـه
نوبٍ تودينـا يميـن ونـوب تاخذنـا شمـال
والعمر رحله والحياه احلام والنـاس امتعـه



عز الله صدقت يا احمد ... شاعر مبدع وجزل .. قصيده اجتماعيه غايه في الجمال




تحياتي ومتابعتي

حجز

يابو ردة

ولي عودة بالطبع

الله عليك يا بطل

وصح لسانك لين ترضى
وافيه من وافي
لاعدمتك والله

مبدع يا احمد لله درررك ملايين

الغالي احمد رده
صح الله لسانك


(وعلى قو المثل صديقك من صدق معك)

قصيدتك وافيه يالغالي في معناها وتوجهها ولكن عندك ملاحضه مهمه يجب ان تنتبه لها
واخذها من باب الأخوه والحرص على الأفضل وهي /

يوجد في القوافي ألف يسمي بإلف التأسيس لإستقامة الجرس الموسيقي
مثل ما استخدمته انت في الثلاث القافيات اتلاه :
سابعه_ضايعه_رابعه

يا معتلي عالعرش من فوق السمـاء السابعـه
يلـف ويـدور وعلومـه كلبوهـا ضايـعـه
لو رابعه تابت عـن المحـذور تبقـى رابعـه

وهكذا تعتبر قافيه ثابته على كامل النص ولكنك لم تتم على هذا الرتم
فقد استغنيت عن ألف التأسيس في باقي الابيات

مثل: منفعه _منبعه_سعه

وهنا اختلك القافيه فهي إما ان تستمر بإلف التأسيس جميعها
أو أنك تستغني عنه في الثلاث وقفات أعلاه


/




تحياتي لك يالغالي
أخوووووك


/



.

المشاركة الأصلية كتبت بواسطة خالد السيحاني

والا الزمن يمضي بنا ما بين ميـلا واعتـدال
نعيش فالدنيا ولا نـدري وش اللـي تصنعـه
نوبٍ تودينـا يميـن ونـوب تاخذنـا شمـال
والعمر رحله والحياه احلام والنـاس امتعـه



عز الله صدقت يا احمد ... شاعر مبدع وجزل .. قصيده اجتماعيه غايه في الجمال



تحياتي ومتابعتي

مرحبا اخوي خالد السيحاني

وجودك بمتصفحي شرف يا الغالي

ودي وتقديري

وان القصيد ليا طلع من وسع فكر وضيق بـال
اصدق من العبره على خـد اليتيـم ومدمعـه

انا اشهد

وانت جبت قصيدة تستحق القراءة اكثر من مره وتستاهل والشاهد الله
الله لا يلجمك وصح لسانك ولا هنت

بانتظار جديدك

وانا رقيت بفضل رب الكون في روس الطوال
وتركت بعض الناس في وحل الدنـا متربعـه
واخذت حقي واعتليت المجد وشربـت الـزلال
وكذبت من قال الزمان ان كان ما طاعك طعـه



أحمد


صح الله لسانك

صحيح ما قال المثل مـا للحمـول الا الجمـال
اللي تشيل الحمل ما تنشد عـن ابـو بردعـه


بيت رايق .. وعن قصيدة

صح لسانك
صح لسانك


ولا هنت يا مبدع


تحياااااااتي

..

المشاركة الأصلية كتبت بواسطة علي بن نايف الغامدي

حجز

يابو ردة

ولي عودة بالطبع

وانت مبطي وانت حاجز موقعك بقلبي يابو نايف

منتظرك يا كحيلان

.

.

،
أحمد


صح الله لسانك ، قصيدة جميلة ، ومعاني رائعة
جزل جزل جزل

تح ـياتي لك

المشاركة الأصلية كتبت بواسطة سلطان العطاوي

الله عليك يا بطل

وصح لسانك لين ترضى
وافيه من وافي
لاعدمتك والله

صح بدنك يا سلطان

ولا عدمتك يا كحيلان

ابو فارس

صح لسانك وفكرك

والله انك من القلائل اللي احرص على جديدهم

فوق هام الابداع يامبدع

اخوووووووك

ياسلام عليك يأحمد
بيض وجهك على هالقصيده

وصح لسانك
صح لسانك
صح لسانك

تحياتي وتقديري

واكبر صحيح ان المواقف تكشف اشباه الرجال
تكشف لنا الطيب المزيف خلف بيض الاقنعـه
من تخفي الايام طبعه تفضحـه سـود الليـال
تظهر رداه وتكشف الطيـب الـذي يتصنعـه


صح لسانك ولا هنت

المشاركة الأصلية كتبت بواسطة د . حمد العصيمي

مبدع يا احمد لله درررك ملايين

الابداع مرورك

يا دكتور

محبتي وتقديري

المشاركة الأصلية كتبت بواسطة فيحان القرمودي

الغالي احمد رده
صح الله لسانك


(وعلى قو المثل صديقك من صدق معك)

قصيدتك وافيه يالغالي في معناها وتوجهها ولكن عندك ملاحضه مهمه يجب ان تنتبه لها
واخذها من باب الأخوه والحرص على الأفضل وهي /

يوجد في القوافي ألف يسمي بإلف التأسيس لإستقامة الجرس الموسيقي
مثل ما استخدمته انت في الثلاث القافيات اتلاه :
سابعه_ضايعه_رابعه

يا معتلي عالعرش من فوق السمـاء السابعـه
يلـف ويـدور وعلومـه كلبوهـا ضايـعـه
لو رابعه تابت عـن المحـذور تبقـى رابعـه

وهكذا تعتبر قافيه ثابته على كامل النص ولكنك لم تتم على هذا الرتم
فقد استغنيت عن ألف التأسيس في باقي الابيات

مثل: منفعه _منبعه_سعه

وهنا اختلك القافيه فهي إما ان تستمر بإلف التأسيس جميعها
أو أنك تستغني عنه في الثلاث وقفات أعلاه


/




تحياتي لك يالغالي
أخوووووك


/



.

هلا بك اخوي فيحان

حياك الله وصح بدنك

ورأيك ونقدك وملاحظاتك على رأسي والله

وحنا ما نكتب في المنتديات الا لنستفيد من المبدعين شرواك شعرا ونقدا

وترا اخوك اطّلع على مقالات النقد في كثير من المنتديات ووجدت ما قلت حتى قبل

ان تكتب لي ردك

ولكن هناك رأي آخر ذكره من النقاد من اثق بهم

وهو ان البيت الثاني من القصيده يحدد القافيه التي التزم بها الشاعر سواء كانت

حرف ساكن مثلا او حرفين او ثلاثه او اكثر

عموما وحتى اكون صادقاً معك ومع نفسي انا اميل للرأي الأول

الذي ذكرته في ردك يا فيحان وهو

اما الالتزام بألف التأسيس في كل الابيات او تركه في كل الابيات

ولكن قدر الله وما شاء فعل .. والكمال لله وحده

شكرا لك ولكل حرف كتبته بمتصفحي المتواضع

وتقبل تحيات اخوك الممزوجه بدهن العود المعتق

المشاركة الأصلية كتبت بواسطة بدر ناصر العجمي

وان القصيد ليا طلع من وسع فكر وضيق بـال
اصدق من العبره على خـد اليتيـم ومدمعـه

انا اشهد

وانت جبت قصيدة تستحق القراءة اكثر من مره وتستاهل والشاهد الله
الله لا يلجمك وصح لسانك ولا هنت

بانتظار جديدك

صح بدنك يا بدر

ومرورك شرف المتصفح يا الغالي

تقديري واحترامي

.

.

صحـيـح مــا قــال المـثـل مــا للحـمـول الا الـجـمـال
الـلـي تشـيـل الحـمـل مــا تنـشـد عــن ابــو بـردعـه
واكبر صحيح ان المواقـف تكشـف اشبـاه الرجـال
تكشـف لنـا الطيـب المزيـف خلـف بيـض الاقنعـه
مــن تخـفـي الايــام طبـعـه تفـضـحـه ســـود الـلـيـال
تـظـهــر رداه وتـكـشــف الـطـيــب الــــذي يتـصـنـعـه


صح لسانك مليون x مليون

هنا اجتمعت الحكمه والابداع والتجربه الحقيقيه والشاعريه المتمكنه

كان ناتجها هذه الجزله الوافيه

بيض الله وجهك

وتقبل ودي وتقديري

الله عليك ياحمد رده

صح لسانك مدد بلا عدد

قصيده رائعه وشاعريه متجليه في هذا النص

حبك وسبك شاعر متمكن اتمنى لك التوفيق

تحياااااااااااااااااااااااااااااتي لك

المشاركة الأصلية كتبت بواسطة فهد بن عبدان

وانا رقيت بفضل رب الكون في روس الطوال
وتركت بعض الناس في وحل الدنـا متربعـه
واخذت حقي واعتليت المجد وشربـت الـزلال
وكذبت من قال الزمان ان كان ما طاعك طعـه



أحمد


صح الله لسانك

فهد

صح بدنك يا الغالي

لا هنت يا الامير

.

.