المـحـظـــور .. ؟؟

..

بسم الله الرحمن الرحيم

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
قالوا جديدك قلت ما من خبر هام =أمن وأمان وجعل ربي يديمـه
الخير وافر والبلـد كلـــه أنعـام =الله يكثـــر فـــي بلــدنا نعيمـه
قالوا نشوف السوق والشـارع زحام=حالـه غريبـه في البلد مستديمـه
بنات حواء بيـن عدنـان وعصام=كــل ٍ تسوق والعـواقـب وخيمــه
تلبس لباس الغرب مجبوع الأكمام=وكل المفاتن بينتها حليمه
تبين المحظور فالشارع العام=وتمزح مع البايع وهاذي جريمه
وش قلت فالموضوع وش دور الأعلام=وراه راع البيت يترك حريمه
يوم أنت شاعر هل؟ ألك دور وسهام=وبينت لأفكارٍ غزتنا عقيمه
قلت أيه شفت وقلت وش يرض الأنام =كلٍ يشوف أفعال عقله سليمه
من لايتابع لأسرته دلخ وخمام=لاوالله الا يالنشاما بهيمه
أن جاك فالمجلس تقول أبو عرام=يفتل شنباته ورجلٍ صريمه
وفالبيت ماله كلمةٍ غير قدام=ودك على خده تحط القديمه
والسوق يرتاده شريفات وحشام =وألا بعضهـن مانحب الظليمه
وأنا افتخر باللي على صدرها وسام=وسام الشرف تمشي بعزم وعزيمه
أفخر بمـن تتبــــع تقاليـــــد الإسـلام =متدينـه رغـبـــه ورهبـــه وشيمـه
ماقلـدت للغــــرب عبـــــاد الأصنام =فيهـا حيـا فيـه صفـاتٍ كريمــه
تحفــــظ كرامتهــا عـن أنـذال وقـزام =عفيفـــةٍ فيهــا الأصالة قديمــه
تحفظ كتــــاب الله وتعـــرف الأحكـام =ماتنجرف مع موضة المستهيمه
ألباسها من رأسها ليـــن الأقــــــدام=حجابهـا حشمـــه وتمشي حشيمـــه
ماتابعت بالــــدش رقصـات وأفـــــلام=ولا غيروها أهل العقول السقيمـه
ماغيــــروها اللـي يبثــــــون الأوهـام=ناسٍ تـــروج للصفات الذميمـــه
مابرمج بجوالهـا أسـرار وأرقـام=عظيمـة المبـدأ وتبقـى عظيمـه
عاشت عزيـــزه مامشـت درب الآثام=حـره نقيــه طاهـرة مستقيمـــه
لعيونها أوقع وبا ابصم بالإبهام =لبنـت الشرف عندي مكانه وقيمه
[/poem]

وسلآآآمتكم