إذا (ون) خفاق الجسد قلت له لاضير

[poem=font=",6,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ألا ياسعادة وطأها منهك التأثير=
=تمر الضلوع المجدبةماتعبرها
إذا (ون) خفاق الجسد قلت له لاضير=
=حنانيك في حدب/ن بلت لاتعورها
مادام النوايب بالحشا فعلها تعزيز=
=فخل الدموع اتعل فيضة محاجرها
أنا حدي بوضع الرضا يوم كنت صغير=
=ألم الأماني في يديني واطيرها
جميع الأمور ميسرة مالها تشفير=
=واحسب المظاهر ما تخالف مخابرها
كبرنا ومعنا بادرت رحلة التكدير=
=تهيج وتفجر وسط جوفي مخاطرها
ذبلنا وراحت كل بهجة مراح الطير=
=مسح عنفوان الكبت باقي مآثرها
جميع المآزق رافضة فكرة التدوير=
=لي اسنين أكابد مبتلاها واسايرها
مع َ كل هذا الزخم والهم والتصغير=
=أتابع مكامن كل قوة واطورها
أكابد ضغوط الوقت واصنع لها تبرير=
=لو الروح ضغط الصبر والهم حاشرها
نبي قافلة عمر /ن وطاه الزمان تسير=
=لعل الولي يمسح بقايا مخاطرها
بعد كل هذا يابشاير صباح الخير=
=ترى كل عين/ن ناعسة مانكدرها
لك الله عينك لاغشا طرفها تحوير=
=علوم السعة لااغضيت نشفت محابرها
تغضين طرفك عمد من باب لطف الغير=
=وأنا أراجع الفاظي بسرعة واحضرها
من اسنين والخافق مجير لكم تجيير=
=لو الحال كثر الشوق والوجد دامرها
ولاهي خسارة فيك يافائق التصوير=
=إذا أضفت عليك ضلوع صدري ستايرها
أنا من عرفتك مااعترى ودك التقصير=
=إذا النفس ضاقت بالتفاني تشاطرها
لذا تستحق الشكر والحب والتقدير=
=من الشاعر اللي كل نجمة يسامرها[/poem]