شمال البلد .. مدري شمال الجبل ياذيب !!!!

مساء/ صباحكم ورد اهل المرقاب ..
من الجديد ..


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تجدد بي الاشواق .. والحب ماهو عيب =تبيح السدود إن كان هبت شماليه
أهيجن واغني واتوجد ولو مانيب = شمالي .. لكن الشوق متمكن ٍ فيه
ديار ٍ غلاها يجرح القلب قبل يطيب =سقتها مراويح الحيا كل وسميه
شمال البلد مدري شمال الجبل ياذيب =احن لهواها كل ماهب عصريه
اجيها وانا مشتاق واشتاق يوم اغيب =على شان ريم ٍ حطت بخافقي كيه
لو إن الليال تطيب .. قلت الجروح تطيب =لكن الليالي شهب .. والنيه النيه
جحدت الحزن .. والوضع يحتاج له ترتيب=على حسب مبداء الصدق .. بأحلام ورديه
يجيب الفكر جهده .. وسود الليال تجيب =اوافق لهذيه .. واعارض لهذيه
صحيح الهوا قتال .. والبعد شق الجيب =تعبت أحمل البندق على درب ريميه
تسج المرابع جافله .. تخدع التصويب =قريبه .. بعيده .. تكره الشمس والفيه
توحّـى ليا لدت نظرها وفيها ريب =توقف شوي .. وتبعد الخطوه شويه
توحش من انسام الهوا .. والطريق تعيب=و انا اركض وراها .. واترك العالم الحيه
لو إن الهوا قتال .. والعشق ماهو عيب =لكن المشاعر ترجمتها طبيعيه [/poem]