رسايلي (المفضـوحـة) .. للجنة التقصي !

المشاركة الأصلية كتبت بواسطة عبدالرحمن حمد العتيبي

:
:

وتم فتح (( المضاريف )) :

ف
(( فضح ))
في صندوق الرسائل الخاصة الكثير من الرسائل التي تحرص على عدم مسحها ..
مانريدة منك هو كشف ثلاث رسائل منها هنا .. !!

السلام عليكم

صباح الورد

هذي ثلاث رسايل من بريدي الخاص

أفضحها أمامكم في موضوع مستقل بناء على أمر عضو لجنة التقصي: متعب الشيباني حفظه الله

الأولى/من الشاعر الكبير فراج بن فهد الدوسري .. أعرضها عليكم لأنها رد وصلني بعد سنه من الإنتظار:

السلام عليكم ورحمة الله وبركاته :

يامرحبا والله ياأبوفهد ... مرحبا باأبوالجمايل

والله العظيم أني ماأدري وش أقول وأنا أكتب رد على رسالة لها سنة

لكن يعلم الله وحده أنها ظروف واجد جات دفعة وحدة وشطت بي عن الدنيا وأهلها

وألا والله أن شكرك متوجب علي من مقال رمضان قبل الماضي

وهذا طال عمرك ايميلي@@@ ونكمل السوالف هناك إن شاء الله

طبعاً ضفت إيميل أبو فهد قبل سنة تقريباً وإلى يومكم وأنا أنتظر دخوله

الثانية/من الأخ حامد المطيري بعد ردي على رسالة أولى يعبر فيها عن غضبه وارتفاع (ضغطه) من أسلوب واحد من أعضاء المرقاب:

المشاركة الأصلية كتبت بواسطة حامد المطيري

مشكور يابداح

المشاركة الأصلية كتبت بواسطة حامد المطيري

وحقيقه انا يوم حولت الرساله لك كان دمي فاير من الاسلوب والطريقه

وعادة لما الانسان يمر بحالة معينه ، ما يتذكر الا الناس اللي يظن فيهم الخير ،، وحقيقه انك من اول الناس اللي طروا على بالي ،، لانه من مشاركاتك حسيت فيك هالروح الجميله وهي روح تقبل الرأي الاخر ،، وانا ادري إن كثير من آرائي مالها شعبيه
لانها قد تخاطب العقل اكثر من مخاطبة القلوب

ويشرفني حقيقه مزاملة ناس مثلك يالغالي
ويكفي ردك الراقي يا بداح

مغليك

الثالثة/ (طازجه) وصلتني من المبدع مشعان البراق قبل أيام.. وهي آخر رسالة وصلتني:

المشاركة الأصلية كتبت بواسطة مشعان البراق

,

المشاركة الأصلية كتبت بواسطة مشعان البراق

السلام عليكم ورحمة الله ,

مساء الخير يابو فهد / بشرني عنك عساك بخير . ,
كاتب لي بيتين على صوره
وجتني رساله على البريد من زاير يقول :

http://up.mergab.com/uploads_pic/c19b71d46b.jpg
هذي صورة ولد بداح السبيعي ,
هو صادق والا لا !

وش رايكم؟ توقعون إنه ولدي .. والا مهوب ولدي