اللي توفى له رفيق ٍ على الدين

قصيده في الرجل الذي برهن لنا معنا الوفاء ورباطة الجئش ...


الشيخ رفاعي النثري


والذي انتقل ابنه

الشيخ مشعل النثري

الى رحمة الله اثر حادث مروري

رحمه الله رحمة ٍ واسعه





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]

ياللي تقول انته ورى خاطرك شين=اللي مشيّن خاطري يندعاله
اللي توفى له رفيق ٍ على الدين=مفروض محد ٍ ينشده كيف حاله
الله يبيّض وجه زبن المخلين=اللي ينومسنا بحاله وماله
دقو عليه الظهر بين الصلاتين=وقالو هذا مشعل وهذي حواله
جته المنيّه واستعن بالله يعين=وغريمه بوسط السجن ينرثاله
شغل وراح السجن ماقال بعدين=قبل يوّدع شوفة اغلا عياله
من كثر مايشفق لفك المساجين=يرئف بحالتهم على حساب حاله
قال متنازل دون ديّه وتامين=قالوا مانفرج عنه غير بكفاله
قال اكفله ماقال اشوف ولدي وين=حتى بوقت الحزن يكسب جماله
في حزة ٍ تقطع قلوب البعارين=مايمدي الرجال يفهق عقاله
وقفّ لها وقفة صعوط المجانين=اللي وقف للترك وهو لحاله
(يحدهم هايف من القصر ويمين)=هذا دليل الشاعر وذا مقاله
ماينجب السلطان غير السلاطين=لاصار هايف جده الطيب فاله
رفاعي النثري عشير الميامين=رفاعي النثري ليا جا مجاله
تجمّل مع مطير ومطير وافين=واهل الجماله تستحق الجماله[/poem]


الاقتباس من قصيده معروفه لايحضرني منها الا البيت اللي يقول

( يحدهم هايف من القصر ويمين 00 عسى الشظا يخطي جرايد يمينه)



وســــــــــــلامتــــــــكم