محمد صفوق

[align=center]
محمد صفوق
شاعر شمالي . وبحكم أني من الضفة الأخرى لا أعرفه إلا بشعره
عثرت على اسمه وبعض من أشعاره وحسب ذائقتي التي لا تعني سواي أعجبت بإنسانيته وشعره
بالتأكيد قد ظلم من قبل الإعلام مثل الكثير غيره وكذلك ظلمته الشللية الغبية
المحيطة بنا من كل جانب حتى في الذائقة.. قد يختلف معي الكثير.
ولكن لا يعني ليّ ذلك الاختلاف شيئا ذات عمق. فالأعجاب بشعره أصبح واقعا ملموسا لديّ
بحكم أن هنالك من الأخوة من قد يشاركني الاعجاب مع أنهم قلة .
سأطرح هنا بعضا من قصائد ( محمد الصفوق ) الشاعر الذي لا أعرف منه إلا شعره
*************************************

[/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
.(وضحى): هي الحلم جت تكتب بدايتنا = كأنها ما اسمعت قبلي ولاشافت
حاولت قبل النضوج انهي حكايتنا =عوّفتها نفسها مني ولاعافَت
قلت :احذري، لايجيب العشق سيرتنا = خوّفتها من بخَت قلبي ولاخافَت
صاحت: علامك تحاول ذبح غايتنا؟! = حتى شموع اندفاعك نورها خافِت
دام (الكرز واحد وعشرين) ، وش تتنا ؟ =والغصن (مورق) على قولة فهد عافِت
من حقنا ناخذ بهالعمر فرصتنا =تراك تندم لْيامن الفرص طافت
افتح شبابيك قلبك للهوى ،- متنا = من كتمة الخوف ،- مادام الفرص وافت
قلت اسمعي : كذبة الأيام خلتنا = مثل الفراشات صوب النار تِتــْـهافت
الحب كذبة كبيرة من شقاوتنا = احلام واحلام لين الحين ماانشافت
لو تعذريني عن مْواصل مسيرتنا = النفس عن (حب عصر العولمة) نافت
مع موت (وضحى نمر) ، ماتت قضيتنا = ماباقي الا بقايا من كرز عافت[/poem]

[align=center]............................................[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

أمس العصر مر بي طاريه مثل النسيم= هّبت علومه على قلبي وقلت التقيه
الليلة افتح معه نفس الملف القديم = وليا تأخر عن الجية لزوم احتريه
دايم نقرر : تعاهدنا؟ وأقول الجحيم = لا خذت (جيبين) !! وانت (رْويتْبَك) لك عليه
دارت براسي سوالفنا وقلت استقيم = في جلستي وافتح الإيميل واغوص فيه
والا رسالة !!! تقول إن البقا للعظيم = إنا له –بحق- وإنا راجعونَ إليه
فقيدك اليوم يامحمد ، محمد سليم = ياكبر فقدك بوجه ٍ غيركل الوجيه
وجه ٍ يحط الفرح في وسط قلب اليتيم = ويصير كنه – بشوفه- في حضن والديه
وقلب ٍ من الطيب ماعمره عرف له خصيم = كلٍ يحبه ويحْمد بالمواقف يِديه
كانت وفاته – حقيقة – ضربة ٍ بالصميم = أدمت قلوب اخوياه بفقدهم للنزيه
دايم كذا، الموت مايختار غير الكريم = ولا ياخذ الا العزيز اللي ربوعه تبيه
لكنّها حكمة المولى الغفور الرحيم = مانقدر نْقول غير الله يصّبر ذويه
والله يجازيه بالعفو وجنان النعيم = إنا له – بحق- وانا راجعونَ اليه[/poem]


[align=center].................................................. .....[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

انسان ينزف ألم ، وحْروفه دموع = وابياته بْحور واحساسه شراعه
يكتب عن الجوع لو ماضامه الجوع = لأنه يْحس بآلام المجاعة
كم حلم ضايع غدا راعيه مفجوع = استشعره ، واصبح يْعاني ضياعه
يستعذب الحب لوهو منه موجوع = ويْنزهه عن مطامين المياعة
مطبوع بالصدق قولوا عنه مصنوع=أنعم بصنعة شعوره من صناعة
ماوده يْصير بالاسفاف مطبوع = ماغيّرت موجة الموضة طباعه
مايفتعل كل طلعة شمس موضوع = عشان يكتب قصيدة كل ساعة
شعره شعوره، وبعضٍ منه منزوع = يحكي همومه وشكواه وصراعه
ياكثر من يشعلون ابياته شموع = في ليلهم ،والدجى يعلن وداعه
تهتف له جْموع لو مايعجب جْموع = مايطرب الزامر اسماع الجماعة
لاصار صوته من اهل الذوق مسموع = ماينتظر من - عديمينه- قناعة
يكفيه مايكتب الا ان كان مدفوع= من همّ قلبه وشوقه واندفاعه
مرات يصبح حبر نجواه ينبوع = ومرات يعجز ولافيه استطاعه
سمّوه مصروف أو سموه ممنوع = هذا قصيده وذي بصمة يراعه[/poem]

[align=center].........................................[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نهاية مسلسل ( لقطة غليس) ياسليمان = يصير البطل خاين ويُطرد من الديرة
تدور بخياله قصة ٍ مالها عنوان = قروها على رجم الحقايق مساييره
بعد مازرع نخل المعزّة ،حصد خذلان = حفر بير هقواته بهم واهدوموا بيره
يرد القنا عنهم بصدره وهو فرحان = تشوشل دماه وسيرته بالشقا سيره
ينامون باحضان الأماني وهو سهران = على راحة أهل الحي ّ طالت مشاويره
(قبيلة جراد) وجرّدوها من العرفان = هل الحسد والأحقاد والكذب والغيره
يوسوس لهم شيطانهم بالظنون احيان = واحايين يعطيهم من الزيف تعميره
غدت سالفتهم : سالفة طير ابن برمان = تجيه المصايب -كلها - من ورى طيره
حكاياتهم كذب ، وتخاريفهم بهتان = على اللي عليهم ماحسب وش مخاسيره
تدور السنين وتكشف اسرارها من شان = نِعَرْف ان دورتها لنا كلها خيره
عشان نْتَعلّم درس مايقبل النسيان = إذا انّا فهمنا مقصده، مانبي غيره[/poem]

[align=center]................................................[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سريت والصبـح تـوّه ماضحـك للعيـان=وعقارب الشمـس تستنهـض شماريخهـا
وصلت / أظني وصلت حدود بـر الأمـان=إن شافت الهنـد مسلمهـا مثـل سيخهـا
عيّت ذلولي تنـوخ بدشّـة ٍ مـن طمـان=وأنـا تحيّـرت مـدري ويـن تنويخهـا!
(عنّزتها) (راس لاهة)، واعتليـت المكـان=أصيـح للقـوم واستـفـزع مطانيخـهـا
ماني ب...ضاري ولا بـجديع راع الحصان=ولاني بفارس (هـل النخـوة ) ولاشيخهـا
ولاني مْوَكّل على غيـري ولانـي لسـان=باسـم القبيلـة ولا الناطـق بتاريخـهـا
لهـا قمرهـا ليامـن شـع نـوره وبـان=أولابهـا مــن عطـاردهـا ومريخـهـا
لكنـي أنقـل بشعـري مايهـز الكـيـان:=رسالـة اللـي همـومـه زاد تفريخـهـا
يقول : من جور فقري صار ضعفي هـوان=والجـوع ظلمـا تقـادح لـي صلابيخهـا
وصّل ربوعـي سـلام وحيّهـم بامتنـان=وذكّرهم إن البـدو تشفـق علـى ذيخهـا
لو (افزعوا لي )مـعاد ابغى بطاقة ضمـان=ولا احتـاج بنـدورة الصِدْقـة وبطيخهـا
دونـك كلامـي وحطّـه حلقـة ٍ بـالاذان=يصمّ الاسماع لـو مـا أسهَـم بتصييخهـا
((جماعـة ٍ ماتعـزّك لا وطـاك الـزمـان=ماتِذهب الجوع صفحـة مـن تواريخهـا)) [/poem]

[align=center].............................................[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يبه ...،شف صندقتنا!! طيّرتها هفهفات الريح = يبه...، شف كيف! من مُرّ العجاج استعذب السافي
يجينا ويْتسّلمنا ، وتبدا لعبة التطويح = يذرّ أحلامنا ذر الحصيد، لْحظنا الهافي
يطوّح (بقشة) أمي للشتات، وتنطحه وتْصيح: = ياشين ادخل على الله لا يفزّ (وليدي) الغافي
وأنا اناظر لها واحوال فقري ماتبي توضيح = تماعطني متاهات الضياع ، وتنهش لْحافي
أجوع ، أعري، تمرّ بهمي الطفرة ولكن ميح!! = أشوف ان القطار اقفى وانا ارجي جيّة اللافي
متى يلفي قطار ٍ مايجنّب جوعنا، ويْزيح = معاناة الجياع ويكفل العريان والحافي !؟؟
متى تضحك لنا الدنيا ؟؟ متى يبنى لنا (تسليح) ؟= بدل (كوم الصفيح) وماجرى بايامنا كافي
متى القى من يبدد حسرة الوالد بأخوي (فريح)؟! = متى (يفرح)- بدارٍ تحضنه-، مشلول الاطرافي
معاق!! ولطفوها : من ذوي الحاجات، للتصحيح: = فــ ذو الحاجات محتاج لرعاية ، ماهو بخافي
يشوفونه هل الثروة ، ولكن من يِطيح يْطيح = فقير ٍ يصرخ العوز بسماه وموقده طافي
أفا وين التكافل؟ والجسد كله معاك يْصيح = إلى منك مرضت ، وينمرض لو كان متعافي
وطنّا يا وطنّا ، مانخونك لو عروق الشيح = تخون اوراقها ، ويْصير عرقه للورق جافي
وطنّا يا وطنّا ، مانطاوع بك هل التصريح = يسبّون الوطن والخير بربوع الوطن ضافي
أملنا بالمليك اللي لربه يكثر التسبيح = مليكٍ همه الشعب ، ورحوم، وعادل ،ووافي
أمام ٍ دمعته تسبق وفاه وبالوغى زحزيح = على شان الوطن ، جفنه وحلو النوم مِتْجافي
لأنه حر ، تكفيه الإشارة وابسط التلميح = عقدنا آمالنا - بعد العزيز- بكفه الدافي
نحبه، حبّنا مثل الجبال ولاتهزّّه ريح = ولو هزّت (صنادقنا ) ، وعاث بقشّنا السافي[/poem]

[align=center].................................................. ......[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صباح الحلم وألوان القصيد وريشة الفنان = صباحٍ يشعل الشاعر ويستنطق مواويله
جلست بساحة الفندق وبِيْدي مسبحة قيفان = ألاعبها باصابع حسرتي من ضيقة الليله
أضيق بعبرتي وأعزف على أوتار السنين ألحان = وأتوه بزحمة الأوتيل واضحك مع مساطيله
هنا واحد يبيع الضحك للراضي مع الزعلان = يسولف مع نهايات اندماجه فاترٍ حيله
وهنا واحد جلس يشرب مرار البعد والحرمان = سرح فكره بعد ماطار طير النوم من ليله
وهناك أربع بنات وسالفه يبغالها فنجان = لو ان الوقت ليل أطلب لهن فنجان وارقيله
أحس بهمسهن ماعندهن قطعه من الشيطان = ثلاثه كاشفات ورابعتهن لابسه شيله
كأن اللي تسولف وسطهن تدري عن الأشجان = تغوص بداخل أعماق الحشا وتْقول عزيله
أظنه مالقى للبوح بقلوب البشر عنوان = تعابيره تقول إنه يهوجس مع غرابيله
تسولف ، والورق يعلن رحيله خارج الأغصان = ذبل وجه الخضار وغرّق بدمعه مناديله
وأنا متكوّمـ ( ن ) بين السوالف تحت خمس أركان = حكايات الغياب وترْكة الحزن وتماثيله
وتفاصيل الحنين اللي بقى فيني مثل ماكان = وطريقٍ ماطواه إلا هروبي من تفاصيله
أشوفه كل ماصديت عن ذكراه للنسيان = وألاقيه بْطريقي كل ما امر بمداهيله
هربت من الصباحات النديّة واعتصمت أزمان = على جال الذبول ودلّة الصمت ومعاميله
صباحٍ جابني كان امتداد لثورة البركان = صباحٍ ثار به جمر الحنين ـ وقلّت الحيله[/poem]

[align=center]..........................................[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياهيه طوّلْت الغياب وطول فراقك كثير=تكفى تعال وجب معاك الشهد من مناحله
آمنت فيك إنك رسول الملح وانت اعذب غدير = وان الحلا من طب ريضانك أناخ الراحلة
شف كيف ! ضد وضد ،كلٍ صار بطبوعك خشير = إذا غفل سكرك عن مغليك ، ملحك صاح له
تقاسموك وهيجنوا عشقي على سودة عسير = للغيم ، واحلامي على صحرا الشمال القاحلة
عندي يقين ان القطا ،لو ذاق نبعك مايطير = ينسى يهاجر دامها كفوفك غدت مداحله
مدري وش انت من البحر ؟لاجيت اشبّهك بكبير = أخاف أقول انك بحر واموت ما القى ساحله
كل الطرق دونك توديني إلى نفس المصير = ماصرت افرّق بين راس المستحيل وكاحله
اسمك غدا بكتاب عمري مدخل الفصل الأخير = عرفته :اعذب مرحله على مدى مراحله
يكفي قصيدي لو يفوح بذكرك ارياح وعبير = تعطيه رمان الدلال وتهدي التفاح له
والشعـْر انا ماني مدوّر فيه عن منصب وزير = يكفيني اني -في عيونك- صرت من فطاحله[/poem]

[align=center].........................................[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وأنا نازل عن متون السفر دوبي=ولابي للعيون الناعسة شَدّة
قميصي !! محتضن قلبي عقب ثوبي!!=يطير الصمت من جوفي ولا أردّه
جلست اقرا الملامح بآخر اللوبي= وأطيح بواحدٍ يالعن ابو جدّه
وأنا ما املك من الدنيا سوى اسلوبي= ولالي وجه اقرّب وأجلس بحدّه
رشاقة ماتقول إلا جسم روبي!= يَهو رويان من نهر الحلا قدّه
كأنه لا تخطّى يرقص الجوبي!(1)=تحت رجله تصيح الأرض: ( من قدّه؟؟!!)
جلس وارخي جديله والتفت صوبي = وأنا أهوجس وأقول بخوووف : (شو بده؟؟)
أنا ناقص ذنوب ؟؟يزوّد ذنوبي؟؟!!= يبي يرمي لي (الشنكار) ويْشدّه
وأنا عاد اندفاعي ، وأكبر عْيوبي= جنون العاطفة متعديٍ حدّه
ألا ياكثر ما الحلوين سووبي = سوايا،، لكن أنساها مع المدّه
وأردّ أحيا قصص وأخلي دروبي= إلى مالانهاية عشق ممتدة
عذاريبي كثير،وصار عذروبي = ذهولي، يوم حط إيده على خده
فديته... مايزال يْحاصر هْروبي= بحر عينه يراود قلبي بمده
أخاف شْروق وجهه يعلن غْروبي= وأخاف أن رحت يمّه يعلن الصدّه
وأنا غرقان بالتفكير مروبي = غزالي ، مع حبيبه شابكٍ يدّه
رجعت ألعن قميصي! واحتضن ثوبي= وأقول لنزوتي روحة بلا ردّّه[/poem]
[align=center]
الجوبي: دبكة أو رقصة عراقية
.................................................. ............[/align]

[align=center]




البارحة قلت أحاول قمت أعد الذنوب
.................................... وأفتّش أوراق قلبي وأنظر بسيرته
من خدّره بالسنين وعلّمه للهروب
...................................يمشي مع الهم من جرفه لدحديرته
غربه شماله وشرقه صار عنده جنوب
.................................. ضاعت جهاته وضاعت قبلها ديــــرته
قالوا له اليوم هبّت من شمالك هبوب
................................ من ينشد الغرب عن نعشه وتسميرته؟
مدري هو الياس لا خيّم عليه الغروب
................................ ينتابه أحيان وإلا تقتله حيـــــــــــــــــرته؟
صدّقت بعضه وبعضه واثق إنه كذوب
................................ لو قال ما كنت عاشق تفضحه غيـــــــرته
نوب أتساءل عن أسباب اغترابه ونوب
.................................أقول ليه اختلف قــــــــــــدره وتسعيرته؟
وش فيه دايم يغار ولا تغار القلوب
............................... اللي عشـــــــــقها ولا تستانس بجيرته؟
وش فيه دايم يخاف ولا تخاف الدروب
................................ اللي شــــــــجرها غدا جمره وتعميرته؟
وش فيه حتى نجاحه يعتريه الرسوب
................................ يشبّ عــــــــود الأراك وتنــــطفي نيرته؟
يطوي على عقده الثالث عظيم الخطوب
.............................. مدري لو الله كــــــــتب بسطورها خيرته
يمكن بعد كل ما شافت دروبه يتوب
.............................. عن نزوته ... عن شقاواته وعن طيرته !!
[/align]


[align=center].................................................. .......[/align]

[align=center]





تعال أرجوك ياللي من بَعَد وصْـلك قفلت الباب
...........................على احساسي وخلّيت المدى سجني وسجاني
غديت من الفراق اللي زرع بجدار قلبي ناب
............................. رهين غْواية الهوجاس لا باقي ولا فــــــــــاني
أدوّرْك بزوايا الصمت والمنقار والمخــــــــــلاب
.................................. تماعطني وتنشد عن غيابك سر كــتماني
تحاصرني جوارح غيبتك في داخل السرداب
................................ وأهِجّ أبواب فكري وارجع احلم فيك من ثاني
مظاريف الرسايل والرسايل يا بَعَد من غــاب
........................... ..... احمّلها سلامي واشتكي لك منك حرماني
وش أخبارك؟ عساك بخير؟ قل لي يا ابعد الأقراب .
..................................... أحلّفك الولي ماهزّك التحنان لاغصاني؟
أنا من غبت يا قيثارتي كنّي قريص الــــداب
.................................غدا لحني حزين وونّتي تطغى على ألحاني
فلاني ناسي ٍ عذب الكلام ولحنك الجذاب
..................................... ولاني قادر ٍ سلواك يا لولي ومــــرجاني
تمنيتك كثير ولا لقيتك، لين دمــــعي ذاب
...............................على باب انتظارك وانهدمْت وطاحت أركــاني
(مصير الحي يتلاقى ).. حكي ! ياخيبة اللي خاب
.................................. وأنا الحي القتيل ولا انت عارف وين تلقاني
تعال أرجع تراني منتظر في عالي المرقاب
............................... أهيجن وانقش كفوف الرجوم بدم شريانـــي
اسلّي خاطري في ذكرياتك واستعيد كتاب
...................................حكايتنا الغريبة وازرع سطوره بوجــــــداني
حبيبي لا تسميني سوى الدجال والكذاب
.................................. إذا في يوم حسسك الزمان ببرد نسياني [/align]


[align=center].................................................. ..........[/align]

بيض الله وجهك ياابو سالم على تقديم هذه الدرر اللتي بلاشك تستحق الاشاده

بعض قصايده تستحق الوقفه والانصاف
صح الله السانه ,, وتسلم يمناك يا محمد .. وذائقتك لا يختلف عليها 2


اخوك !

الشاعر / محمد بن صفوق العبدلي العنزي .
الشاعر العملاق والجميل الذي أثرى فرقة الدحه وكان قائداً لها , سنين طوال , من محافظة القريات في أقصى الشمال تلك المنطقه الشماليه التي لا تخلو من الشعراء المبدعين الذين لم يرو النور .

مبدع ورائع . أتمنى له التوفيق ,

محمد السالم , رائع بحق حين تأتي بهذا المبدع وتنشر له هذه الدرر .
انصاف من رجلِ مثلك ليس بغريب عليه الوفاء والأمانه الأدبيه .
شكرا يارائع .

مودتي لك .

,

اختيار موفق , ورائع . .

دائما مميز في اختياراتك يا محمد . .

كل الشكر لك على النقل الجميل

,

ولا اجمل

لا هنت وصح لسان الشاعر

ص ح لسانه ولاهنت
وافي يا صديقي

شاعر رائع ومعروف في الشمال

وأعتقد انه لو لم يكتب سوى هذا البيت :

((جماعة ٍ ماتعـزّك لا وطـاك الزمـان
ماتِذهب الجوع صفحة مـن تواريخهـا))


هذا لوحده تذكرة عبور ونجاح وابداع وامتاع


شكرا لك