( حـــفلة الغـــنج ) ..... مساعد الرشيدي

السلام عليكم ورحمة الله وبركاته

أسعد الله اوقاتكم بكل خير .. قصيده اعجبتني للشاعر / مساعد الرشيدي وحبيت انكم تشاركونني ,,
عسى ان تنال على رضاكم ,,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بمناسبـة مـزح النسـيـم بشعـرهـا=والشمس معزومـه علـى حفلـة الغنـج
والعطـر سـادر فـي بيـادر زهـرهـا=مـن غـرة محـرم الـى نهايـة الحـج
والقلـب مرهـي ميـر ما كـنـه أرهــا=مادلهـه لـفـح الجديـلـه ولا ســج
عصريـة ٍ خـالـط نـداهـا خـدرهـا=نسناسهـا غربـي ومزناتـهـا بـلـج
لديـت ابـروي ناظـري مـن نظـرهـا=والشـوق يـدوي بالمعالـيـق ويـلـج
واشيـب عينـي مـن تكسـر اعبرهـا=يـوم اتمقلهـا وانـا موقفـي حــرج
كـن الحمَـار اللـي يـشـع بنحـرهـا=حبـات رمـان ٍ تساقـط علـى ثـلـج
كـم ونـة ٍ بالصـدر جابـت خبـرهـا=وكم سهرت نجمـه وكـم ذوبـت مهـج
مانـي لحالـي ذابـل ٍ مــن سفـرهـا=ويصيـح مـن فرقـا المظاليـل محتـج
حتـى المرايـا واحشتـهـا صـورهـا=تـرزم عليهـا مثـل ماتـرزم الخـلـج
حـوريـة ٍ قــل الـكـلام بثـغـرهـا=يكفيك عشـر سنيـن ماتسمـع الهـرج
ينبـت بصـدري مـن تهـذرف مطرهـا=روض ٍ ورا روض ٍ.. ومرج ٍ ورا مرج
جتنـي وانـا قبـل الوعـد منتظـرهـا=شوقي لها صهوة وشوفـي لهـا سـرج
استغفـر الله مـن خطـايـا سهـرهـا=والعـذر لله ثــم لعيونـهـا الـدعـج[/poem]